ნამახვანჰესთან დაკავშირებით ეკონომიკისა და  გარემოს დაცვის მინისტრები მოსახლეობას ხვდებიან, თუმცა შეხვედრას არ ესწრებიან მოძრაობა ,,რიონის ხეობის გადარჩენისთვის,,წარმომადგენლები. მინისტრები სიტუაციის შესასწავლად და დასალაპარაკებლად არ მივიდნენ იმ ადგილას, სადაც უკვე 132 დღეა უწყვეტი პროტეტი გრძელდება.შეხვედრა ცაგერის კულტურის სახლში , დახურულ რეჟიმში მიმდინარეობს.

,,შეხვედრა შეხვედრისთვის,, ასე აფასებენ ,,რიონის ხეობის მცველები,, შეხვედრას, რომელზე დასასწრებადაც ისინი არ წავიდნენ.

როგორც ვარლამ გოლეთიანი აცხადებს, ფორმატი მათთვის იყო მიუღებელი.

,, არაფრის მომცემი დიალოგი, რომელსაც ხალხი ვერ დაინახავს და ვერ შეაფასებს,ესაა ჩვენთვის მნიშვნელოვანი, ყველამ კარგად დაინახოს, რა არაკანონიერებას აქვს ადგილი. ამიტომ გვინდოდა რომ შეხვედრა პირველ რიგში ყოფილიყო საჯარო.თუ აინტერესებთ მოსახლეობის ,იმ ადამიანების პოზიცია, რომლებიც უკვე 132 დღეა კარვებში ვართ, უნდა მოსულიყვნენ ჩვენთან .მსგავსი ფორმატი ჩვენთვის არ იყო მისაღები. ჩვენი მოთხოვნები იგივეა და ძალაშია და თუ არ დაკმაყოფილდება , 14-ში გაიმართება აქცია ქუთაისში, ცენტრალურ  მოედანზე. ველოდებით ჯანსაღ კომუნიკაციას, რომელიც იქნება საჯარო და ყველამ დაინახოს, რას იტყვიან ისინი და რას ვიტყვით ჩვენ,,-განაცხადა ვარლამ გოლეთიანმა

საქართველოს ეკონომიკისადა მდგრადი განვითარების სამინისტრო ნამახვანი ჰესის ხელშეკრულების შესახებ არსებულ შეკითხვებს პასუხობს. 17 გვერდიანი დოკუმენტი  სამინისტროს გვერდზეა გამოქვეყნებული, და განმარტებულია ის საკითხები, რომელიც , როგორც უწყებაში აცხადებენ, არასამთავრობო ორგანიზაცია ,,,,ადამიანის უფლებების სწავლებისა და მონიტორინგის ცენტრის,,მიერ იქნა გაჟღერებული.  (ლინკი http://www.act2.ge/index.php/temebi-ka/sazogadoeba/1333-2021-03-03-10-21-17)

 კომპანია "ჯორჯიან მანგანეზის" ორგანიზებულ ღონისძიებას, იმერეთში სახელმწიფო რწმუნებული ზვიად შალამბერიძე, საჩხერის, ჭიათურისა და ხარაგაულის მაჟორიტარი დეპუტატი პაატა კვიჟინაძე, ადგილობრივი ხელისუფლების წარმომადგენლები და დაინტერესებული პირები ესწრებოდნენ. კომპანიის მიერ დაანონსებული პროგრამის ფარგლებში, თითქმის 100-წლიანი ისტორიის შენობა ახალ სიცოცხლესა და ფუნქციას შეიძენს. ე.წ ტრესტი სხვადასხვა მიმართულებით დაიტვირთება, ის გააერთიანებს: სამუზეუმო სივრცეებს, მათ შორის მხარეთმცოდნეობის, ისტორიისა და ფოტოგრაფიის მუზეუმებს, ფოტოგრაფიის სკოლას, ტრენინგ, საგამოფენო და საბიბლიოთეკო სივრცეებს, პროფესიულ სასწავლო ცენტრ - „ჯმ აკადემიას“, ახალგაზრდული სკაუტების ცენტრს, რომელიც ჭიათურის ახალგაზრდებისათვის პერმანენტულად განახორციელებს პროექტებს. ასევე, პროექტით გათვალისწინებულია მოეწყოს ტურისტული მიმართულების სივრცე, მათ შორის, გიდების მოსამზადებელი და ბიზნესის ხელშეწყობის ცენტრები, სადაც სტარტაპერებს შესაძლებლობა ექნებათ, საინტერესო წინადადებები წარმოადგინონ.

,,ძალიან ბევრი საინტერესო იდეა და პროექტი გაჟღერდა. დარწმუნებული ვარ ,,ჯორჯიან მანგანეზი" აღნიშნულ პროექტს ჭიათურაში, აუცილებლად განახორციელებს. ვფიქრობ ყველა ეს პროექტი იქნება დამატებით ახალი სიცოცხლე ჭიათურლებისთვის და არა მარტო მათთვის. იმ ვიზიტორებსა და ტურისტებს, რომლებიც მუნიციპალიტეტში ჩამოვლენ ბევრი სიურპრიზი დახვდებათ ჭიათურაში. პრეზენტაციაში ძირითადად სამი მიმართულება იყო წარმოდგენილი. ეს არის კულტურისა და ზოგადად ხელოვნების მიმართულება, ტურიზმის მიმართულება, რომელზეც დიდ იმედებს ამყარებს არა მარტო იმერეთი არამედ საქართველო. ჩვენ ვიცით როგორი ეკონომიკური ზრდა მოუტანა ტურიზმის განვითარებამ საქართველოს და მესამე ეს არის განათლების მიმართულება და ახალგაზრდების აქტიურად ჩართვა სხვადასხვა სასწავლო პროგრამებში. აღნიშნული კომპონენტი პროფესიული განვითარების თვალსაზრისით ძალიან მნიშვნელოვანია მუნიციპალიტეტისთვის" - ზვიად შალამბერიძე.

კომპანიამ შენობის სრული სარეაბილიტაციო სამუშაოები უკვე დაიწყო. ასევე, "ჯორჯიან მანგანეზის" ინიციატივით, მიმდინარეობს შესაბამისი სამუშაოები, შენობისთვის კულტურული მემკვიდრეობის ძეგლის სტატუსის მისანიჭებლად.

ქუთაისის ყვავილების ბაზრის დირექცია , ქალაქის მერიასთან შეთანხმებით, ყვავილებით გარემოვაჭრეებს ბაზრის ტერიტორიაზე შესვლას სთავაზობს. მოვაჭრეები ერთი თვის მანძილზე სავაჭრო ადგილის მოსაკრებელსარ გადაიხდიან , ხოლო მომდევნო თვეებში საშეღავათო პირობებით ისარგებლებენ.

შეგახსენებთ,  ყვავილებით მოვაჭრეებს ქუთაისის მერიის ზედამხედველობის სამსახურმა გარევაჭრობა აუკრძალა და ე.წ. ყვავილების ბაზრის ტერიტორიაზე შესვლა მოთხოვა. საპასუხოდ მოვაჭრეებმა აქცია ადგილობრივი თვითმმართველობის შენობის წინ 9 თებერვალს გამართეს.

გარემოს დაცვისა და სოფლის მეურნეობის მინისტრის განცხადებით, ნამახვანჰესთან დაკავშირებით ზოგიერთი ვითომ ექსპერტი მოსახლეობის გრძნობებზე თამაშობს, რაც მისი შეფასებით, უპასუხისმგებლობაა . ლევან დავითაშვილის თქმით, მას ნამახვანჰესთან დაკავშირებით მოსახლეობასთან კომუნიკაციაზე უარი არასდროს უთქვამს.

„ძალიან დიდი გულისტკივილით მინდა ვთქვა, რომ როდესაც საუბარი იყო ამ კონკრეტულ მიმართულებებზე, როგორიც არის კლიმატზე ზემოქმედება, გეოლოგიური საფრთხეები, როგორია ქანები და ასე შემდეგ, ერთი მხრივ ამბობდნენ, რომ საჯარო და გამჭვირვალე არ არის პროცესი, არ გვაქვს ინფორმაციაზე წვდომაო, თქვენ ყველამ იცით, რომ ნებისმიერი გადაწყვეტილება ქვეყნდება ვებგვერდზე, სხვანაირად პროცესი უბრალოდ არ იმართება. ის ადამიანები, რომლებიც ხშირ შემთხევაში ოპონირებენ, სამწუხაროდ უნდა ვთქვა, ზოგიერთ შემთხვევაში, ვითომ ექსპერტები, მათ ეს პროცედურები ყველაზე კარგად იციან, ისინი არაერთი გადაწყვეტილების ნაწილში ან გვიჩივიან ან ოპონირების რეჟიმში არიან. ეჭვიც მაქვს, რომ გარკვეული დღის წესრიგიც გააჩნიათ. სამწუხაროდ, ისინი ადგილობრივი მოსახლეობის გრძნობებზე თამაშობენ და ცდილობენ, მოსახლეობის გრძნობები გამოიყენონ, რაც უპასუხისმგებლობაა. 

პირადად ვიყავი ჩემს კოლეგებთან ერთად ჩართული. ჩვენ უნდა გავაგრძელოთ კომუნიკაცია, ამაზე იყო საუბარი პრემიერის მხრიდან. ჩვენ უნდა შევქმნათ მოსახლეობის სწორი აზრი და პატივი უნდა ვცეთ მოსახლეობის აზს. რამდენადაც დიდი იქნება გამოწვევა, იმდენად დიდი იქნება ჩვენი მხრიდან პასუხი,,-განაცხადა დავითაშვილმა.