,,რიონის ხეობის მცველები" ისევ საკუთარი უფლებების აღდგენას ითხოვენ ნამახვანჰესის მოწინააღმდეგეები გუმათის შესასვლელთან ამ წუთებში მორიგ აქციას მართავენ. როგორც ისინი აცხადებენ გაუგებარია რატომ არ სრულდება მთავრობის მიცემული პირობა, რომელიც ადგილზე საპოლიციო ძალების შემცირებასა და ჯებირების მოხსნას გულისხმობს. აქციის მონაწილეები პასუხის გაცემას ადგილზე მყოფი სამართალდამცველებისგან მოითხოვენ

ნამახვანჰესის" მშენებლობის წინააღმდეგ მიმართული აქციის ერთ-ერთი ორგანიზატორის, მოძრაობა "რიონის ხეობის გადარჩენისთვის"წარმომადგენელი ვარლამ გოლეთიანი, ჰესის მშენებლობის მოწინააღმდეგეების აქციას  23 მაისს, თბილისში აანონსებს.მანამდე კი პერმანენტული აქციები სხვადასხვა ქალაქში გაიმართება.კონკრეტულად,აქცია დღეს 4 საათზე ჩაინიშნა.

როგორც გოლეთიანი ამბობს, 23 მაისს დავიწყება აუღებელი აქციები დედაქალაქში,სხვა დეტალებს ისინი უახლოეს პერიოდში გაასაჯაროებენ.

ნამახვანჰესის" მშენებლობის ირგვლივ მიმდინარე პროცესებთან დაკავშირებით, საქართველოს მთავრობის ადმინისტრაცია განცხადებას ავრცელებს.

როგორც განცხადებაშია აღნიშნული, პრემიერ-მინისტრის დავალებით, კომპანია „ენკასთან" დადებული ხელშეკრულების შესწავლა დაევალა იუსტიციის სამინისტროს.

ამავე განცხადების თანახმად, იუსტიციის სამინისტრო იქირავებს საერთაშორისო იურიდიულ კომპანიას, რომელიც შეისწავლის კონტრაქტის პირობების საერთაშორისო პრაქტიკასთან შესაბამისობას.

„საქართველოს მთავრობის მოწვევით, არასამთავრობო სექტორთან მედიაციის პროცესში ჩაერთვება ევროკავშირის ენერგეტიკული გაერთიანების სრულუფლებიანი წარმომადგენელი. საერთაშორისო ექსპერტი „ნამახვანჰესის" გარემოზე ზემოქმედების ეფექტის შესწავლის მიმართულებით იმუშავებს.

საქართველოს მთავრობა გააგრძელებს ხელშეკრულების პირობების დაზუსტებას კომპანია „ენკასთან". პროექტის სრულყოფის მიზნით, უახლოეს მომავალში, მთავრობა კომპანიის ხელმძღვანელობასთან შეხვედრებს გამართავს.

კაშხლის მშენებლობაზე გამოცხადდა მორატორიუმი 9-12 თვის ვადით, ვიდრე არ მოხდება გარემოსდაცვითი, გეოლოგიური და სეისმოლოგიური კვლევების რევიზია და ხელახალი დასაბუთება.

კომპანია ამ ეტაპზე გააგრძელებს მხოლოდ პროექტის პირველი ეტაპის მოსამზადებელ სამუშაოებს ინფრასტრუქტურის მიმართულებით, მოქმედი სამშენებლო ნებართვის ფარგლებში.

საქართველოს მთავრობა საპროტესტო აქციის მონაწილეებს და ყველა დაინტერესებულ პირს უდასტურებს მზაობას, პროცესი გაგრძელდეს დიალოგის ფორმატში, რომლის ფარგლებშიც მოხდება ხელშეკრულების თითოეული პუნქტის პირობების განხილვა, იმისთვის, რომ არც ერთი პასუხგაუცემელი კითხვა არ დარჩეს.

ასევე, „ნამახვანჰესის" მიმდებარე ტერიტორიაზე პოლიცია მოხსნის დამატებით ბარიერებს და შეამცირებს ადგილზე მყოფი სამართალდამცველების რაოდენობას. ტერიტორიაზე დარჩება პოლიციელთა მხოლოდ ის რაოდენობა, რომელიც საჭირო იქნება ადგილზე არსებული უსაფრთხოების ვითარებიდან გამომდინარე.

საპროტესტო აქციის მონაწილეებს, პოლიციასთან კოორდინაციით, კანონის ფარგლებში პროტესტის თავისუფლად გამოხატვისთვის, აქციის გასამართად და კარვის გასაშლელად ადგილის შერჩევის შესაძლებლობა მიეცემათ“, - ნათქვამია მთავრობის ადმინისტრაციის მიერ გავრცელებულ განცახდებაში.

 როგორც მხარის გუბერნატორმა მედიასთან 21 აპრილს განაცხადა, ნამახვანჰესის მშენებლობის მოწინააღმდეგეები ხელისუფლების პასუხს 23 აპრილს მიიღებენ.,,მოძრაობა რიონის ხეობის გადარჩენისთვის,, წევრებმა ხელისუფლებასთან 15 აპრილს გამართულ შეხვედრაზე სამი მოთხოვნა დააყენეს-გაიხსნას ხეობისკენ მიმავალი გზა, შეწყდეს სამუშაოები და მიეცეთ სოფელ ნამოხვანში, პროტესტის ძირითად ადგილას მისვლის საშუალება.

,,დღეს უკვე პასუხი უნდა ვიცოდეთ, კონკრეტული დრო არ ვიცით , მაგრამ ვიცით ,რომ დღეს პასუხი აუცილებლად იქნება.შემდგომი მოქმედებები დამოკიდებულია, თუ რა პასუხს მივიღებთ,თუ შესრულდება მოთხოვნები, უნდა შეჩერდეს სამუშაოები და დავბრუნდეთ ნამოხვანში , შესაბამისად გადავალთ დიალოგის რეჟიმში და დიალოგის რეჟიმში ვეტყვით დანარჩენ სათქმელს.თუ არ შესრულდება , მოგვიწევს ფართომასშტაბიანი აქციების გზით  წავიდეთ და ასე მივაღწიოთ შედეგს.,,-ვარლამ გოლეთიანი, ,,რიონის ხეობის მცველი,,

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ქუთაისის საქალაქო სამმართველოს თანამშრომლებმა, ჩატარებული ოპერატიული და საგამოძიებო მოქმედებების შედეგად, 2003 წელს დაბადებული გ.ჩ. ქურდობის მცდელობის ფაქტზე, ქუთაისში დააკავეს.

დანაშაული 4-დან 7 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა, 2 თანამზრახველთან ერთად, ქუთაისში, აკაკი წერეთლის ქუჩაზე, „თიბისი ფეის“ სწრაფი ჩარიცხვის აპარატის გაქურდვა სცადა, რა დროსაც პოლიციამ იგი შემთხვევის ადგილზე დააკავა, ხოლო მისმა თანამზრახველებმა გაქცევა მოახერხეს. სამართალდამცველებმა გ.ჩ.-ის თანამზრახველების იდენტიფიცირება მალევე მოახდინეს და მათი დაკავების მიზნით ტარდება შესაბამისი საგამოძიებო და ოპერატიული ღონისძიებები.

მომხდარ ფაქტთან დაკავშირებით გამოძიება საქართველოს სსკ-ის 19-177 მუხლის მე-3 ნაწილის „ა“ ქვეპუნქტით მიმდინარეობს, რაც წინასწარი შეთანხმებით ჯგუფის მიერ ჩადენილ ქურდობის მცდელობას გულისხმობს.

პროფილაქტიკური სამუშაოების ჩატარების მიზნით, 2021 წლის 21, 22, 23 და 24 აპრილს 21:00 სთ-დან 05:00 სთ-მდე, ყოველ დღე იკრძალება ყველა სახის ავტოტრანსპორტის მოძრაობა. ხოლო, დღე-ღამის დანარჩენ პერიოდში ავტოტრანსპორტის მოძრაობა თავისუფალია.

ამ ეტაპზე რიკოთის საავტომობილო გვირაბში, ტურისტული სეზონის დადგომასთან დაკავშირებით პროფილაქტიკური სამუშაოები მიმდინარეობს