პირადი ცხოვრების საიდუმლოს ხელყოფის ფაქტზე ხუთი პირი დააკავეს
საზოგადოება
გადასვლები: 885

სპეციალურმა საგამოძიებო სამსახურმა პირადი ცხოვრების საიდუმლოს ხელყოფის ფაქტზე ხუთი პირი დააკავა.

 
სპეციალურმა საგამოძიებო სამსახურმა ჩატარებული საგამოძიებო და საპროცესო მოქმედებების შედეგად, მიმდინარე წლის ივლისი-აგვისტოს პერიოდში, სხვადასხვა სისხლის სამართლის საქმეებზე, პირადი ცხოვრების საიდუმლოს ხელყოფის ფაქტზე,  ხუთი პირი დააკავა.
 
გამოძიებით დადგენილია, რომ ბრალდებულები სხვადასხვა დროს მათთან ურთიერთობაში მყოფი დაზარალებული პირების შიშველი სხეულის ამსახველ ფოტოებს, ვიდეოებს და ინტიმური ხასიათის მიმოწერებს ინახავდნენ, სოციალურ ქსელში ათავსებდნენ, მობილური ტელეფონის მეშვეობით დაზარალებულების ნათესავებს და ახლობლებს უგზავნიდნენ, ასევე ცალკეულ შემთხვევებში აღნიშნულ ფოტო და ვიდეო მასალას დაზარალებულთან ურთიერთობის გაგრძელებისთვის შანტაჟის იარაღად იყენებდნენ.
 
სპეციალური საგამოძიებო სამსახურის მიერ საქმეზე მოპოვებული მტკიცებულებების საფუძველზე, საქართველოს პროკურატურამ ხუთივე დაკავებულს ბრალდება სისხლის სამართლის კოდექსის 157-ე პრიმა მუხლით გათვალისწინებული დანაშაულის ჩადენისთვის წარუდგინა, რაც სასჯელის სახედ და ზომად ოთხიდან შვიდ წლამდე თავისუფლების აღკვეთას ითვალისწინებს.
 
2022 წლის 1 მარტიდან, დამოუკიდებელი საგამოძიებო უწყება - სპეციალური საგამოძიებო სამსახური, მნიშვნელოვნად გაზრდილი ფუნქციებით ამოქმედდა. საზოგადოებას შევახსენებთ, რომ სამსახურის საგამოძიებო ქვემდებარეობას, სამოხელეო დანაშაულის გარდა საქართველოს სისხლის სამართლის კოდექსის 157-ე, 1571, 158-ე და 159-ე მუხლებით გათვალისწინებული დანაშაულების (პირადი ცხოვრების ამსახველი ინფორმაციის, პერსონალური მონაცემების და პირადი ცხოვრების საიდუმლოს ხელყოფა, ასევე კერძო კომუნიკაციის საიდუმლოების დარღვევა და პირადი მიმოწერის, ტელეფონით საუბრისა და სხვაგვარი ხერხით შეტყობინებების საიდუმლოების დარღვევა) გამოძიებაც დაექვემდებარა. 
 
სპეციალური საგამოძიებო სამსახური მოქალაქეთა პირადი ცხოვრების საიდუმლოს ხელყოფის ფაქტების თავიდან აცილებისა და ამ დანაშაულის წინააღმდეგ საბრძოლველად, აქტიურ საინფორმაციო და პრევენციული ხასიათის ღონისძიებების გატარებას გეგმავს.
 
 
ქუთაისში ახალგაზრდობის საერთაშორისო დღე აღინიშნა
საზოგადოება
გადასვლები: 882

 12 აგვისტოს ქუთაისის მუნიციპალიტეტში მერიის მიერ ორგანიზებული "ახალგაზრდული ფორუმი“ გაიმართა.

ფორუმის მთავარი თემა  იყო ახალგაზრდული საქმიანობის სხვადასხვა ასპექტები. 
 
ღონისძიების  მონაწილეებმა განიხილეს ეროვნულ და ადგილობრივ დონეზე ახალგაზრდული სტრატეგიები, ისაუბრეს ახალგაზრდული საქმიანობის მნიშვნელობასა და მიდგომებზე. 
 ახალგაზრდებმა მონაწილეობა მიიღეს ახალგაზრდული მუშაკების მიერ დაგეგმილ სხვადასხვა თემატიკის აქტივობებში: ლიდერობა,  გუნდურობა,  ეფექტური კომუნიკაცია, მეწარმეობა, ჯანსაღი ცხოვრების წესი, ინიციატივების და იდეების გაზიარება.
 
„ახალგაზრდული ფორუმის“ გახსნას დაესწრო ქუთაისის ვიცე-მერი დავით ერემეიშვილი და საკრებულოს კულტურის, განათლების, ახალგაზრდობის საქმეთა და სპორტის კომისიის თავმჯდომარე ბექა ქებულაძე.
 
„ 12 აგვისტოს ,  ქუთაისი, ისევე  როგორც მთელი  მსოფლიო, ახალგაზრდობის საერთაშორისო დღეს აღნიშნავს.
ქუთაისის მერიის მიერ ათობით პროგრამა და პროექტია  დაფინანსებული , რომლებიც ჩვენი ქალაქის ახალგაზრდობის მხარდაჭერას ითვალისწინებს. უკვე ასობით  ჩვენი თანაქალაქელი ახალგაზრდაა ჩართული ამ ღონისძიებებში- ეს იქნება „ახალგაზრდული ინიციატივები“, ლიდერთა სკოლები,  ბანაკები. 
ჩვენ,“ ახალგაზრდობის სააგენტოსთან“ ერთად , მეორე წელია  ვმუშაობთ  ახალგაზრდული პოლიტიკის დოკუმენტის შექმნაზე. 
ახლა მთავარია, ხელი შევუწყოთ ჩვენს ახალგაზრდებს ,  იმ  მიზნებისა და გეგმების განხორციელებაში, რომელიც ამ დოკუმენტშია ასახული.
საინტერესო, მრავალფეროვან და წარმატებულ დღეებს  ვუსურვებ „ახალგაზრდული ფორუმის“ მონაწილეებს!“- განაცხადა დავით ერემეიშვილმა.
დღის ბოლოს, ქუთაისში, „სიყვარულის ბაღში“ ახალგაზრდობის საერთაშორისო დღისადმი მიძღვნილი კონცერტი გაიმართება.
იმერეთში სოციალურად დაუცველი პირების საზოგადოებრივ სამუშაოებზე დასაქმების პროგრამა ხორციელდება
საზოგადოება
გადასვლები: 1041

პროექტი, პრემიერ-მინისტრის ინიციატივით, 1 მარტს დაიწყო და ამ დროისთვის 20 ათასამდე ადამიანია დასაქმებული. მათგან 1000-მდე ხელშეკრულება სოფლის მეურნეობის სამინისტროს სააგენტოებშია გაფორმებული. 

 
იმერეთის რეგიონში ეროვნულ სატყეო სააგენტოში, სურსათის ეროვნულ სააგენტოში და დაცული ტერიტორიების სააგენტოში დასაქმებულ სოციალურად დაუცველ პირებს, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი, ზურაბ აზარაშვილი, გარემოს დაცვისა და სოფლის მეურნეობის მინისტრი, ოთარ შამუგია, სახელმწიფო რწმუნებული, ზვიად შალამბერიძე შეხვდნენ და დასაქმებულთა სამუშაო პროცესს ადგილზე გაეცნენ. 
 
,,იმერეთში წარმატებით ხორციელდება პრემიერ-მინისტრის მიერ ინიცირებული პროექტი, რომელიც გულისხმობს სოციალურად დაუცველი მოსახლეობის დასაქმებას. ამაზე მეტყველებს ის რომ, იმერეთის მასშტაბით მთლიანად უკვე 3000-ზე მეტი ადამიანია დასაქმებული. ძალიან, ბევრი კარგი საქმე გაკეთდა მათი დახმარებით  რეგიონში. მინდა ვუთხრა ჩვენს მოსახლეობას, რომ სახელმწიფოს აქვს კიდევ რესურსი დაასაქმოს მსგავსი მიმართულებით ჩვენი თანამოქალაქეები და მოვუწოდებ მათ, კიდევ უფრო მეტად აქტიურები იყვნენ და ჩაერთონ პროგრამაში“ - ზვიად შალამბერიძე.
 
შეგახსენებთ, რომ საზოგადოებრივ სამუშაოებზე დასაქმების მასშტაბური პროგრამა სოციალური შემწეობის მიმღები, შრომისუნარიანი პირების დასაქმებას ისახავს მიზნად. საზოგადოებრივი სამუშაო, ისეთ ვაკანტურ ადგილზე დასაქმებას გულისხმობს, რომლის შესრულება ნებისმიერი კვალიფიკაციის მქონე პირს შეუძლია. პროგრამის ბენეფიციარს ოთხი წლის განმავლობაში სოციალურად დაუცველის სტატუსი, გარანტირებულად შეუნარჩუნდება.
 
აღნიშნულ შეხვედრებს ზესტაფონის მერი ვასილ გველესიანი  და ზესტაფონის მაჟორიტარი დეპუტატი ბეჟან წაქაძე ესწრებოდნენ.
ქუთაისში ავტოსაგზაო შემთხვევა მსხვერპლით დასრულდა
საზოგადოება
გადასვლები: 962

ავარია დღეს ნიკეას ქუჩაზე მოხდა. ერთმანეთს ორი ავტომობილი შეეჯახა, რის შედეგადაც ერთი ადამიანი გარდაიცვალა.

 
ადგილზე იმყოფებოდნენ საპატრულო ეკიპაჟები. 
აგვისტოს ომის უმძიმესი ეპიზოდი- 14 წლის წინ სოფელ შინდისთან მომხდარი უთანასწორო შერკინების დროს 17 ჯარისკაცი გმირულად დაიღუპა
საზოგადოება
გადასვლები: 1078

2008 წლის 11 აგვისტოს რუსეთ-საქართველოს ომის დროს სოფელ შინდისთან  17 ქართველი ჯარისკაცი გმირულად  დაიღუპა.
შინდისის ბრძოლა  ერთ-ერთი გამორჩეული და მძიმე ეპიზოდია აგვისტოს ომის ქრონიკაში.
 
რუსულ სამხედრო ნაწილთან უთანასწორო შეტაკების დროს საქართველოს შეიარაღებული ძალების II ქვეითი ბრიგადის 17 ქართველი ჯარისკაცი დაიღუპა – ალექსანდრე ონიანი, ემზარ წილოსანი, ვეფხვია ჯიშკარიანი, ზვიად კაცაძე, თეიმურაზ ბერიძე, ილია გაბუნია, ილია შეყლაშვილი, ირაკლი ჯანელიძე, კახა კოშაძე, ლევან მელქაძე, მარლენ ბარამია, მიხეილ დვალიშვილი, ნიკოლოზ ფორჩხიძე, რომან ზოიძე, რუსლან წულაძე, ფელიქს კაკაურიძე და შმაგი კუპატაძე.
ბაღდათის მუნიციპალიტეტის სოფელ ხანში შიდა საუბნო გზების რეაბილიტაცია დაიწყო
საზოგადოება
გადასვლები: 1768

 ამ ეტაპზე მიწის მოწყობითი სამუშაოები ხორციელდება, რომლის დასრულების შემდეგ 1854 მეტრ გზაზე რკინა/ბეტონის საფარი დაიგება და მოეწყობა სანიაღვრეები. მიმდინარე სამუშაოებს ტენდერში გამარჯვებული სამშენებლო კომპანია შპს „ ჯთვ გოლდენ ეიჯი“ ასრულებს და იგი მაღალმთიანი დასახლების განვითარების ფონდიდან ფინანსდება.

აღნიშნული პროექტი გარდამავალია. გზის  სამუშაოების ნაწილი წელს განხორციელდება, მეორე ნაწილი  კი გაზაფხულზე დასრულდება.
სოფელ ხანში შიდა საუბნო გზების სარეაბილიტაციო სამუშაოებს ბაღდათის მუნიციპალიტეტის მერი კახა ენუქიძე, მერიის ინფრასტრუქტურის სამსახურის ხელმძღვანელ კახა მსხვილიძესთან, სოფელ ხანში  მერის წარმომადგენელ პაატა გორგიძესთან და  ხანის საკრებულოს მაჟორიტარ დეპუტატ   სოსო ჭოლოკავასთან ერთად გაეცნო.
  1. ქუთაისში ფალიაშვილის ქუჩაზე საავტომობილო მოძრაობა იკრძალება
  2. 2008 წლის აგვისტოს ომიდან 14 წელი გავიდა
  3. ხარაგაულში 2 არარეგისტრირებული სახერხი საამქრო გამოავლინეს
  4. ჭიათურაში,საჩხერესა და თბილისში 8 პირი დააკავეს
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search