ქუთაისში, ბარათაშვილის ქუჩაზე ყოფილი ფსიქიატრიულის შენობა იწვის .მუშაობს 7 სახანძრო მანქანა.
როგორც ამბობენ, მოსახლეობაზე ხანძრის გავრცელების საფრთხე არ არსებობს.ადგილზე იმყოფება ქუთაისის მერი.
- საზოგადოება
- გადასვლები: 1218
ხანძრის ლიკვიდირებული და ლოკალიზებული კერები სჭარბობს აქტიური კერების რაოდენობას-შსს
ბორჯომის მუნიციპალიტეტში ხანძრის სალოკალიზაციო-სალიკვიდაციო სამუშაოები გაძლიერებული ძალებით, მთელი ღამის განმავლობაში, უწყვეტ რეჟიმში მიმდინარეობდა. ამ დროისთვის ხანძრის ლიკვიდირებული და ლოკალიზებული კერები სჭარბობს აქტიური კერების რაოდენობას.
ხანძრის ქრობის პროცესში, მეხანძრე-მაშველებთან ერთად, კვლავ აქტიურად მონაწილეობენ შინაგან საქმეთა სამინისტროს სხვადასხვა დეპარტამენტის, თავდაცვის სამინისტროს, რეგიონული განვითარებისა და ინფრასტრუქტურის სამინისტროს, ასევე, გარემოს დაცვისა და სოფლის მეურნეობის სამინისტროს შესაბამისი სამსახურების თანამშრომლები.
დილიდან მუშაობა განაახლეს სასაზღვრო პოლიციის ვერტმფრენებმა და თურქეთის რესპუბლიკის სამმა სპეციალიზებულმა სახანძრო თვითმფრინავმა.
ხეობაში პერიოდულად ისევ ფიქსირდება ძლიერი ქარი, რაც ხელს უშლის ხანძრის ქრობის პროცესს, თუმცა მეხანძრე-მაშველები, სხვადასხვა სამინისტროს თანამშრომლების დახმარებით, ყველაფერს აკეთებენ იმისთვის, რომ არ მოხდეს ხანძრის გავრცელების არეალის გაფართოება და დროულად შეძლონ ყველა არსებულ კერაზე ცეცხლის ლოკალიზება-ლიკვიდაცია. ასევე, აქტიურად ტარდება შესაბამისი ხანძარსაწინააღმდეგო საპრევენციო ღონისძიებები, რათა ცეცხლი არ გავრცელდეს დასახლებულ პუნქტებსა თუ სტრატეგიულ ობიექტებზე.
რთულ, მიუვალ რელიეფზე, სადაც ცოცხალი ძალის მეშვეობით შეუძლებელია სალოკალიზაციო-სალიკვიდაციო სამუშაოების ჩატარება, ხანძრის ქრობის სამუშაოებს აქტიურად ახორციელებენ სასაზღვრო პოლიციის ვერტმფრენები და თურქეთის რესპუბლიკის სამი სპეციალიზებული სახანძრო თვითმფრინავი.
მიუხედავად რთული სალოკალიზაციო-სალიკვიდაციო სამუშაოებისა, ხანძრის ქრობაში მონაწილე უწყებების არც ერთი წარმომადგენელი არ დაშავებულა.
უ0პრეცენდენტო პროექტი „GET LOST WIZZAIR“(დაიკარგე ვიზიართან ერთად) იმერეთში.
26-28 აგვისტოს ქუთაისი არაბეთის გაერთიანებული საემიროდან ჩამოსულ 100 საერთაშორისო მედიაწარმომადგენელს, ბლოგერსა და ინფლუენსერს (მეწყვილეებთან ერთად) უმასპინძლებს, რომლებიც რეგიონის ღირსშესანიშნაობებს, დაცულ ტერიტორიებს, კულტურული მემკვიდრეობის ძეგლებს, იმერულ მარნებსა და გასტრო სახლებს ესტუმრენიან.
„GET LOST WIZZAIR“ – „დაიკარგე Wizz air-თან ერთად“ ავიაკომპანიის უკვე აპრობირებული პროექტი, ითვალისწინებს ინფო-ტურს, რომლის მონაწილეები გამომგზავრების დასაწყისში არ ფლობენ ინფორმაციას მათი მოგზაურობის დანიშნულების ადგილის შესახებ და პროექტის გამარჯვებულ ქალაქში (ქვეყანაში) მათი ჩასვლა არის სიურპრიზი.
ქუთაისი ამ პროექტში იმერეთის დანიშნულების ადგილის მართვის ორგანიზაციისა - DMO იმერეთისა და ევროპის ყველაზე სწრაფადმზარდი და დაბალბიუჯეტიანი ავიაკომპანიის Wizz Air-ის, კერძოდ კი მისი შვილობილი კომპანიის Wizz air abu dhabi-ს თანამშრომლობის შედეგად ჩაერთო, კონკურენცია გაუწია ევროპის მოწინავე ქალაქებს და მოიპოვა კიდეც პროექტის განხორციელების უფლება.
როგორც ცნობილია, 600 მდე მსურველიდან შერჩული იქნა 100 ადამიანი, რომლებიც თავის მეწყვილეებთან ერთად სამი დღის განმავლობაში იმერეთის სტუმრები იქნებიან.
ვიზიტისათვის ქუთაისის მუნიციპალიტეტის მერიის ფინანსური მხარდაჭერითა და თანაორგანიზატორობით DMO იმერეთის მიერ შემუშავდა სპეციალური სამდღიანი პროგრამა,რომელიც ითვალისწინებს მოკლე დროში მაქსიმალურად გახდეს შესაძლებელი სტუმრებისათვის იმერული განწყობის შექმნა.
აღსანიშნავია, რომ მსგავსი მასშტაბური ინფო-ტური პირველად ხორციელდება საქართველოში. პროექტის მიზანია რეგიონის პოპულარიზაცია ახლო აღმოსავლეთის ქვეყნებში. იმერეთის შესახებ სხვადასხვა ვიდეორგოლების გადაღება, რომელიც ინფორმაციასთან ერთად განთავსდება საერთაშორისო მედია პლატფორმებზე, გაზიარებული იქნება შერჩეული აპლიკანტების სოციალურ ქსელებში, რომელთა ჯამური გამომწერების რაოდენობა დაახლოებით 30 მილიონი ადამიანია.
პროექტში პარტნიორი ორგანიზაციების სტატუსით ჩართულები არიან ტურიზმის ეროვნული ადმინისტრაცია, საქართველოს აეროპორტების გაერთიანება, ქუთაისის საერთაშორისო უნივერსიტეტი, საქართველოს დაცული ტერიტორიების სააგენტო, ვანის არქეოლოგიური მუზეუმი, ქუთაისის მერიის ფოლკლორის ცენტრის - სიმღერისა და ცეკვის სახელმწიფო ანსამბლი.
ბაღდათის მუნიციპალიტეტში, მიწის სისტემური რეგისტრაციის რეფორმასთან დაკავშირებით საინფორმაციო კამპანია, „კონსულტაციის დღე შენს მუნიციპალიტეტში“ გაიმართა, რომელიც მიზნად ისახავს საზოგადოების ცნობიერების ამაღლებას.
საინფორმაციო შეხვედრას, მუნიციპალიტეტის ტერიტორიულ ერთეულებში მერის წარმომადგენლები და მოქალაქეები დაესწრნენ.
შეხვედრების მიზანია სამოქალაქო საზოგადოებისთვის საჯარო რეესტრის ეროვნული სააგენტოს წარმომადგენლების მხრიდან, რეფორმით გათვალისწინებული და განხორციელებული აქტივობების შესახებ დეტალური ინფორმაციის მიწოდება, ადგილზე სამართლებრივი კონსულტაციის გაწევა, ვებპორტალზე: SLR.napr.gov.ge რეგისტრაციასა და ინფორმაციის მოპოვებაში დახმარება.
მიწის სისტემური რეგისტრაციის რეფორმის ფარგლებში, სსიპ - საჯარო რეესტრის ეროვნული სააგენტო კერძო, სახელმწიფო და მუნიციპალიტეტის საკუთრებაში არსებულ მიწის ნაკვეთებს სრულად აზომავს, დაარეგისტრირებს და მონაცემთა ერთიან ბაზას შექმნის.
შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები 24 საათიან რეჟიმში განაგრძობენ ბორჯომის ხეობაში გაჩენილი ხანძრის სალოკალიზაციო-სალიკვიდაციო სამუშაოებს. ხანძრის ქრობის პროცესში დილიდან ჩართულია სასაზღვრო პოლიციის ვერტმფრენები და თურქეთის რესპუბლიკის სამი სპეციალიზებული სახანძრო თვითმფრინავი.
რთულად მისადგომ რელიეფზე, რამდენიმე კილომეტრის მანძილზე გაიშალა სახანძრო მაგისტრალები, რისი საშუალებითაც ცეცხლის კერები მუშავდება. დამონტაჟდა დამატებითი წყალსაქაჩი ტუმბოები.
სალოკალიზაციო-სალიკვიდაციო სამუშაოებში, მეხანძრე-მაშველებთან ერთად, აქტიურად მონაწილეობენ შინაგან საქმეთა სამინისტროს სხვადასხვა დეპარტამენტის, თავდაცვის სამინისტროს, რეგიონული განვითარებისა და ინფრასტრუქტურის სამინისტროს, ასევე, გარემოს დაცვისა და სოფლის მეურნეობის სამინისტროს შესაბამისი სამსახურების თანამშრომლები.
ხორციელდება ყველა შესაბამისი ხანძარსაწინააღმდეგო საპრევენციო ღონისძიება, რათა ცეცხლი არ გავრცელდეს დასახლებულ პუნქტებსა თუ სტრატეგიულ ობიექტებზე.
მიუხედავად რთული სალოკალიზაციო-სალიკვიდაციო სამუშაოებისა, არც ერთი მეხანძრე-მაშველი და ხანძრის ქრობაში მონაწილე უწყებების არც ერთი წარმომადგენელი არ დაშავებულა.
- საზოგადოება
- გადასვლები: 1022
მთავსვლელთა და მოგზაურთა კლუბი თეთნულდი მოსახლეობას საჭირო რჩევებს აძლევს
მთასვლელთა და მოგზაურთა კლუბი "თეთნულდი" მოსახლეობას სიფრთხილისკენ მოუწოდებს და საჭირო ინფორმაციას ავრცელებს.
"წყლით სავსე პლასტმასის ბოთლმა (ცარიელმა მინის ბოთლმა ან მინის ნამსხვრევმა) შეიძლება გააჩინოს ცეცხლი, ისეთ ადგილას სადაც ადამიანი არც იყოს იმ კონკრეტულ მომენტში...
მზის სხივის სპექტრული გარდატეხის შესახებ ალბათ გისწავლიათ ან გაგიგონიათ მაინც, ელემენტარული გამოყენებითი ფიზიკაა...
ხოდა ზუსტად ეგ გარდატეხილი სხივი შეიძლება გახდეს ცეცხლის მაპროვოცირებელი ენერგია... პლასტმასის ბოთლი ვიღაცას სრულიად უწყინარი რამ ეგონოს, მაგრამ ცეცხლის გარდა ის ძალიან ბევრ მავნებლობას იწვევს, ეკოლოგიურ კატასტროფამდეც კი შეიძლება მიიყვანოს გარემო;
ასე რომ... სადაც წახვალთ, ეცადეთ არ დატოვოთ და არ დაანაგვიანოთ, (კოცონის დანთების შემთხვევაში დარწმუნდით რომ ჩააქვრეთ ცეცხლი, ქარიან ამინდში მითუმეტეს)
სამი კერა იყო გუშინ საქართველოში, ამ ქარიანი ამინდის დროს, მაშველებისთვის რთულია ცარიელი ხელებით ბრძოლა მითუმეტეს როცა შესაბამისი ავიო პარკი არ გვაქვს და ვართ მეზობელი ქვეყნების იმედათ.
🔥 ბორჯომი
🔥 ქუთაისი
🔥 ბახმარო
გაუფრთხილდით ბუნებას ხალხო, ნუ იქნებით ჩვენი ჩრდილოელი "ერთმორწმუნე ძმებზე" მეტი ბინძური ღორები."-წერია კლუბის მიერ გავრცელებულ ინფორმაციაში.
დღის სიახლეები
-
ქუთაისის ტორპედოს ხელმძღვანელობა გულშემატკივარს…
ქუთაისის,,ტორპედოს,, ხელმძღვანელობა პირველ აგვისტოს გულშემატკივარს შეხვდება და კლუბში არსებულ ვითარებაზე ისაუბრებს. ,, გულშემატკივრებთან ღია და…
ოთხშაბათი ივლისი 29
In სპორტი -
გომი-საჩხერე-ჭიათურა-ზესტაფონის გზაზე 17 კილომეტრიან…
საჩხერის მუნიციპალიტეტში, შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ25-კმ41 მონაკვეთის სარეაბილიტაციო სამუშაოები მიმდინარეობს. რეაბილიტაცია უტარდება 17…
ოთხშაბათი ივლისი 29
In საზოგადოება -
ქუთაისის აეროპორტში ახალი ასაფრენ-დასაფრენი…
ქუთაისის საერთაშორისო აეროპორტში ახალი 3.6-კილომეტრიანი ასაფრენ-დასაფრენი ზოლის მშენებლობა დასკვნით ეტაპზეა. დამოუკიდებელი საქართველოს ისტორიაში ერთ-ერთი ყველაზე…
სამშაბათი ივლისი 28
In ეკონომიკა -
შსს-მ ქურდულ სამყაროსთან კავშირში…
შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, საქართველოს გენერალურ პროკურატურასთან ერთად, გასული 24 საათის…
სამშაბათი ივლისი 28
In საზოგადოება -
ქუთაისი-ალპანა-მამისონის უღელტეხილზე გზის შეკეთება…
შიდასახელმწიფოებრივი მნიშვნელობის ქუთაისი(ჭომა)-ალპანა-მამისონის უღელტეხილის საავტომობილო გზის 18 კმ-მდე (კმ66-კმ84) მონაკვეთის პერიოდული შეკეთების სამუშაოები მიმდინარეობს. პროექტის…
სამშაბათი ივლისი 28
In საზოგადოება
კონტაქტი
ტელ: +995 558 35 06 15
ელ. ფოსტა: info@act2.ge