თემები

: საზოგადოება; 28 დეკემბერი 2022; გადასვლები: 996

ერთად ჭიათურისთვის-დღეს ახალი საინიციატივო ჯგუფის პრეზენტაცია გაიმართა

დღეს,28 დეკემბერს ახალი საინიციატივო ჯგუფის ,,ერთად ჭიათურისათვის" პრეზენტაცია გაიმართა.

ჭიათურელი ახალგაზრდების მიერ შექმნილი საინიციატივო ჯგუფის მიზანია ქალაქში არსებული პრობლემების შესწავლა,ამ პრობლემების გადაჭრისათვის შესაბამისი გზების შემუშავება და ამ გზების პასუხიმგებელ პირებთან სწორი კომუნიკაციის საშუალებით შეთავაზება.

შეხვედრაზე საინიციატივო ჯგუფის მთავარი მიმართულებები განიხილეს. პრეზენტაციას ჭიათურელი ახალგაზრდები და კერძო სექტორი ესწრებოდა.

: საზოგადოება; 28 დეკემბერი 2022; გადასვლები: 972

პირველ და ორ იანვარს ქუთაისში ტრანსპორტი უფასო იქნება,იცვლება სვლა-გეზიც

ახალი წლისა და შობის ღამეს ქუთაისის მუნიციპალური ტრანსპორტი მოქალაქეებს ღამის პირველ საათამდე მოემსახურება.

გარდა ამისა, 1-ელ და 2 იანვარს , მუნიციპალური ავტობუსებისა და მიკროავტობუსების საშუალებით გადაადგილება უფასო იქნება.

სადღესასწაულოდ დაგეგმილი ღონისძიებების გამო, დროებით იცვლება მუნიციპალური ტრანსპორტის მოძრაობის სქემა.

შესაბამისად, ქუთაისის სატრანსპორტო კომპანიის ადმინისტრაციის მიერ განისაზღვრა საქალაქო ტრანსპორტის ახალი სვლაგეზები:

N⁰1L ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰3 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩების გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰4 ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰5 ავტობუსი, ნაცვლად თამარ მეფის ქუჩისა და აღმაშენებლის მოედნისა, იმოძრავებს მანდარიას, წერეთლის, აღმაშენებლის, გ. ტაბიძის ქუჩების და წითელი ხიდის გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰41 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩების გავლით. აღნიშნული სვლაგეზის დანარჩენი მონაკვეთები უცვლელი რჩება.

N⁰113 ავტობუსი, ნაცვლად თამარ მეფის ქუჩისა, იმოძრავებს სოლომონ პირველის, 26 მაისის, კოსტავას, ბროსეს და ფალიაშვილის ქუჩებზე. აღნიშნული სვლაგეზის დანარჩენი მონაკვეთები უცვლელი რჩება.

N⁰6 ავტობუსი, ნაცვლად აღმაშენებლის მოედნისა, იმოძრავებს დავით და კონსტანტინეს ქუჩის გავლით , ვარლამიშვილის მოედანზე. სვლაგეზის დანარჩენი მონაკვეთები უცვლელი რჩება.

N⁰19 ავტობუსი, ნაცვლად აღმაშენებლის მოედნისა, იმოძრავებს მარი ბროსეს ქუჩის გავლით, ფალიაშვილის ქუჩაზე. სვლაგეზის დანარჩენი მონაკვეთები უცვლელი რჩება.

N⁰141 ავტობუსი, ნაცვლად თბილისის ქუჩისა, იმოძრავებს ვარლამიშვილის ქუჩაზე და გაივლის გელათის ქუჩას. სვლაგეზის დანარჩენი მონაკვეთები უცვლელი რჩება.

: საზოგადოება; 28 დეკემბერი 2022; გადასვლები: 1405

ბაღდათის მუნიციპალიტეტის საბავშვო ბაღების აღსაზრდელებმა საახალწლო საჩუქრები მიიღეს

ბაღდათის მუნიციპალიტეტის ა.(ა).ი.პ. სკოლამდელი და სკოლის გარეშე დაწესებულებათა გაერთიანებამ, მუნიციპალიტეტის საბავშვო ბაღების აღსაზრდელებს საახალწლო საჩუქრები გადასცა.

პატარებმა საჩუქრები საახალწლო ღონისძიებაზე თოვლის ბაბუას თანხლებით მიიღეს. სადღესასწაულო ტკბილეული დაურიგდათ საჩუქრად, აღნიშნულ გაერთიანებაში შემავალი მოსწავლე ახალგაზრდობის სახლის, ვ.ქაშაკაშვილის სახელობის სამუსიკო სკოლის და წითელხევის კ.ფოცხვერაშვილის სახელოვნებო სკოლის მოსწავლეებს.

: საზოგადოება; 27 დეკემბერი 2022; გადასვლები: 793

ქუთაისში უკრაინაში ომის შედეგად დაზარალებული 93 ოჯახი ცხოვრობს

ქუთაისის მერი იოსებ ხახალეიშვილი ქუთაისში მცხოვრებ უკრაინულ ოჯახებს შეხვდა. ქუთაისში ომის შედეგად დაზარალებული 93 ოჯახი ცხოვრობს .

ქალაქის მერმა რამდენიმე მათგანი მერიაში მიიღო და საახალწლოდ სურსათის ვაუჩერები, ბავშვებს კი სათამაშოები გადასცა. სურსათის ვაუჩერებს ქუთაისში მცხოვრები უკრაინელების ყველა ოჯახი მიიღებს.

ოჯახები ასევე მიიწვიეს საახალწლო ნაძვის ხის ზეიმზე, სადაც ბავშვები ტკბილეულით დასაჩუქრდებიან.

„ჩვენ ყოველთვის ვართ თქვენს გვერდით. გვინდა, ვიდრე ჩვენს ქალაქში იცხოვრებთ , თავი იგრძნოთ შინ. შევეცადეთ, გაგილამაზოთ ახალი წლის სადღესასწაულო დღეები.

გილოცავთ ახალ წელს, მშვიდობას და სამშობლოში მალე დაბრუნებას გისურვებთ!“- მიმართა უკრაინელ სტუმრებს იოსებ ხახალეიშვილმა.

: საზოგადოება; 27 დეკემბერი 2022; გადასვლები: 752

ვადაგასული და საკვებად უვარგისი რძის პროდუქტების რეალიზაციის ფაქტზე ორი პირია მხილებული

საქართველოს ფინანსთა სამინისტროს საგამოძიებო სამსახურის თანამშრომლებმა, მიღებული ინფორმაციის საფუძველზე, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, მომხმარებლის მოტყუების ფაქტზე, ბრალდებულის სახით, პასუხისგებაში ორი პირი მისცეს.

გამოძიებით დადგინდა, რომ ბრალდებულები, რძის პროდუქტების მწარმოებელი ერთ-ერთი კომპანიიდან, მიზერულ ფასად ყიდულობდნენ ვადაგასულ და საკვებად უვარგის პროდუქტებს, რომელიც თითქოსდა უნდა გამოეყენებინათ ცხოველთა საკვებად.

ნაცვლად აღნიშნულისა, უკანონო მატერიალური სარგებლის მიღების მიზნით, ბრალდებულები რძის პროდუქტებს უცვლიდნენ სასაქონლო იერსახეს, რის შემდეგაც ვადაგასული, უხარისხო საქონლის რეალიზაცია მოტყუებით ხდებოდა თბილისში არსებულ საცხობებში, ნახევარფაბრიკატების დამამზადებელ საწარმოებსა და სავაჭრო ობიექტებში.

საგამოძიებო მოქმედებების შედეგად ამოღებულ იქნა, შემდგომი რეალიზაციისათვის განკუთვნილი დაახლოებით ექვსი ტონა ვადაგასული რძის პროდუქტი.

აღნიშნული დანაშაული ისჯება საქართველოს სისხლის სამართლის კოდექსის 219-ე მუხლის მე-2 ნაწილით, თავისუფლების აღკვეთით 2 წლამდე ვადით.

ფოტო ინტერნეტიდან

: საზოგადოება; 27 დეკემბერი 2022; გადასვლები: 1651

ბაღდათის მუნიციპალიტეტი ახალი წლის შესახვედრად ემზადება

ბაღდათის მუნიციპალიტეტი ახალი 2023 წლის შესახვედრად ემზადება. ამ ეტაპზე აქტიურად მიმდინარეობს ქალაქის ახლად რეაბილიტირებული თავისუფლების მოედნის, ქუჩების, ბაღების, სკვერების და სხვადასხვა ლოკაციის სადღესასწაულოდ მორთვა.

received 881652256192729