ბაღდათის მუნიციპალიტეტის ახალგაზრდულმა საბჭომ, სამოქალაქო საზოგადოების რეგიონულ ფორუმში მიიღო მონაწილეობა
საზოგადოება
გადასვლები: 919

ბაღდათის მუნიციპალიტეტის ახალგაზრდულმა საბჭომ, სამოქალაქო საზოგადოების რეგიონულ ფორუმში მიიღო მონაწილეობა. ფორუმი რომელიც ქუთაისში გაიმართა, მიზანად ისახავს, ერთის მხრივ მოხალისეობის კულტურის პოპულარიზაციას, და მეორეს მხრივ, დონორებისა და პოტენციური დამფინანსებლების მოზიდვა და იმერეთის მხარი სამოქალაქო საზოგადოების გაძლიერებას. 

რეგიონულ ფორუმს იმერეთში სახელმწიფო რწმუნებულის მოადგილე ლევან კიკნაველიძე, ბაღდათის მუნიციპალიტეტის მერის მოადგილე მერაბ ზირაქაძე, საკრებულოს თავმჯდომარე ნოდარ გიორგიძე,  თვითმმართველობების, არასამთავრობო ორგანიზაციების, ბიზნესისა 7და დონორი ორგანიზაციების წარმომადგენლები ესწრებოდნენ.
ფორუმი, პროექტის „სამოქალაქო საზოგადოების ინიციატივა“ ფარგლებში, იმერეთის რეგიონული ჰაბის - ადგილობრივი დემოკრატიის სააგენტო საქართველოსა (LDA) და განათლების განვითარებისა და დასაქმების ცენტრის (EDEC) ორგანიზებით გაიმართა.
რეგიონულ ფორუმზე ისაუბრეს სამოქალაქო საზოგადოების ორგანიზაციებსა და ადგილობრივ თვითმმართველობას შორის თანამშრომლობის შესაძლებლობებისა და საზოგადოებრივი ორგანიზაციების სახელმწიფო საგრანტო დაფინანსების რეფორმის კონცეფციის შესახებ. ასევე, მოწვეულმა დონორმა ორგანიზაციებმა, დაინტერესებულ პირებს მათი საგრანტო პროგრამების შესახებ მიაწოდეს ინფორმაცია.
ქუთაისში 1998 წელს დაბადებული მამაკაცი დააკავეს
საზოგადოება
გადასვლები: 820

შინაგან საქმეთა სამინისტროს თანამშრომლებმა, ოპერატიულ-სამძებრო ღონისძიებებისა და საგამოძიებო მოქმედებების შედეგად, ბოლო პერიოდში, სამეგრელოში, სვანეთში, შიდა ქართლსა და იმერეთში უკანონო ცეცხლსასროლი იარაღები, ასევე, უკანონო საბრძოლო მასალა ამოიღეს, 3 პირი დააკავეს და 2 ამხილეს.

იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის დეტექტივების სამმართველოს თანამშრომლებმა კი 1998 წელს დაბადებული მ.ხ. ქუთაისში, ცეცხლსასროლი იარაღის უკანონო შეძენა-შენახვის ბრალდებით დააკავეს. პოლიციამ, ბრალდებულის კუთვნილი ავტოგასამართი სადგურის ჩხრეკის შედეგად, ცეცხლსასროლი პისტოლეტი, მჭიდი და 1 ვაზნა ნივთმტკიცებად ამოიღო.
 
დანაშაულები 3-დან 7 წლამდე ვადით თავისუფლების აღკვეთას ითვალისწინებს.
 
ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვისა და ტარების ფაქტებზე გამოძიება საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს.
ქუთაისში შესაძლოა კრეატიული ინდუსტრიისა და ციფრული განათლების ცენტრის შეიქმნას
საზოგადოება
გადასვლები: 735

ქუთაისის მერი იოსებ ხახალეიშვილი გერმანიის საერთაშორისო თანამშრომლობის საზოგადოების (GIZ)  წარმომადგენლებს შეხვდა.  ქალაქის მერი სტუმრებს  იმ საერთაშორისო პროექტებზე ესაუბრა, რომლებიც აქტიურად ხორციელდება ქუთაისში. შეხედრაზე იოსებ ხახალეიშვილმა  GIZ - ის წარმომადგენლებს საპროექტო წინადადებები შესთავაზა, რაშიც მხარდაჭერის იმედი გამოთქვა. საუბარია ქუთაისში კრეატიული ინდუსტრიისა და ციფრული განათლების ცენტრის შექმნასა და ვერიკო ანჯაფარიძის სკვერში ხელნაკეთი ნივთების სავაჭრო სივრცეების მოწყობაზე. 

 
"EU4ITD - ეკონომიკური და სოციალური ცხოვრების კატალიზატორი" ხორციელდება GIZ-ის მიერ, პროექტის „კარგი მმართველობა ადგილობრივი განვითარებისთვის სამხრეთ კავკასიაში“ ფარგლებში, ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს (BMZ) ფინანსური მხარდაჭერით. EU4ITD ინიციატივის მიზანია,  ხელი შეუწყოს ეკონომიკური და სოციალური ცხოვრების გაუმჯობესებას PIRDP რეგიონებში, რომელიც მოიცავს გურიის, იმერეთის, კახეთის, რაჭა-ლეჩხუმის და ქვემო სვანეთის ოთხ რეგიონს. პროექტის განხორციელების პერიოდს წარმოადგენს 2022-2025 წლები, ხოლო საერთო ბიუჯეტი შეადგენს 7.5 მილიონ ევროს.
ბაღდათში ბავშვთა დაცვის საერთაშორისო დღე აღნიშნეს
საზოგადოება
გადასვლები: 1327

ბავშვთა დაცვის საერთაშორისო დღე ბაღდათის მუნიციპალიტეტში სხვადასხვა გასართობი ღონისძიებებით აღინიშნა.

რევაზ ლაღიძის სახელობის კულტურის სახლის სკვერში მთელი დღის მანძილზე გარე აქტივობები მიმდინარეობდა.
მუნიციპალიტეტში მცხოვრებმა ბავშვებმა მონაწილეობა მიიღეს ასფალტზე ხატვაში, ასევე  საშუალება გქონდათ გასართობი ატრაქციონებით, სახის მოხატვით  და ანიმატორებთან თამაშით ესარგებლათ.
ბავშვთა დაცვის დღე პატარებს   და მათ მშობლებს ბაღდათის მუნიციპალიტეტის მერმა კახა ენუქიძემ მიულოცა და წარმატებები უსურვა.
ბავშვთა დღისადმი მიძღვნილი ღონისძიებები ადგილობრივი მუსიკალური ბენდის “კარცერ ლუქსი”-ს კონცერტით დასრულდა.
აღნიშნული ღონისძიებები ბაღდათის მუნიციპალიტეტის მერიის კულტურის სამსახურის. ა.(ა).ი.პ. ხელოვნებისა და კულტურის განვითარების ცენტრის და იმერეთის განვითარების ცენტრის ორგანიზებით გაიმართა.
ქუთაისის პირველადი ჯანდაცვის ცენტრში ბავშვთა დაცვის დღე აღნიშნეს
საზოგადოება
გადასვლები: 810

ბავშვთა დაცვის დღე ქუთაისის ნომერ პირველი პირველადი ჯანდაცვის ცენტრში საზეიმო ღონისძიებით აღინიშნა.
ანიმაციურმა გმირებმა პატარა პაციენტებისთვის სხვადასხვა მუსიკალური ნომრები შეასრულეს,  საზეიმო პროგრამაში ჩართეს და მათ სიმბოლური საჩუქრები დაურიგეს. პირველადი ჯანდაცვის ცენტრის ხელმღვანელმა გიორგი მიმინოშვილმა და მოადგილე ირმა ერისთავმა პატარებს ბავშვთა დაცვის დღე მიულოცეს და აღნიშნეს, რომ  სამედიცინო დაწესებულებაში პირველი ივნისის საზეიმო ღონისძიებებით აღნიშვნა ტრადიციულ სახეს მიიღებს.
ქუთაისში ბავშვთა დაცვის დღისადმი მიძღვნილი ღონისძიებები მიმდინარეობს
საზოგადოება
გადასვლები: 825

ბავშვთა დაცვის საერთაშორისო დღესთან დაკავშირებით ქუთაისში სხვადასხვა ღონისძიება იმართება.

დილიდან ცენტრალურ ბულვარში  ხელთნაკეთი ნივთების, ყვავილების გამოფენა-გაყიდვა მოეწყო.
   12 საათიდან ბავშვთა ნახატები გამოიფინა .
დღევანდელ დღესთან დაკავშირებით საბავშვო სპორტული ქალაქი მოეწყო და 
საჩვენებელი გამოსვლები გაიმართა- ტაიკვანდო, უშუ, სპორტული აკრობატიკა, ფარიკაობა, ტურნირი მკლავჭიდში, გარბენი „ბავშვები მშვიდობისათვის“.
 
ბავშვთა გასართობი ღონისძიებები , ქუთაისის მუნიციპალიტეტის მერიის ინიციატივით და მხარდაჭერით იმართება.
 
 1-ელი ივნისი მსოფლიოს მრავალ ქვეყანაში 1950 წლიდან აღინიშნება . 
 
სოფო ოდიკაძე
 
  1. დღეს ბავშვთა დაცვის საერთაშორისო დღეა
  2. რა ღონისძიებები გაიმართება პირველ ივნისს ქუთაისში?
  3. დღეს ეს ხდება გელათში-ევროპა ჩვენი სახლია ინფორმაციას და ფოტოებს ავრცელებს
  4. მაღალი ტემპერატურა და ხანმოკლე წვიმები-საქართველოში არამდგრადი ამინდებია მოსალოდნელი
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search