ქუთაისში მთელი დღეა თოვს.ნალექმა პრობლემები შეუქმნა როგორც ფეხით მოსიარულეებს,ასევე შეაფერხა ტრანსპორტის მუშაობა.ამის შესახებ მოქალაქეები სოციალურ ქსელში წერენ.
"ცენტრალურ ქუჩებს მაინც მოაქციოს ყურადღება"-დიანა უგულავა
"გზებს როდის გაგვიწმინდავენ,იცის ვინმემ?"-ქეთი სვანიძე.
"ხუმრობის გარეშე - საშინელება ხდება ჭავჭავაძეზე ამ წამს."-შორენა ლაღაძე.
"საშინელი მდგომარეობაა ყველგან... ტექნიკა გაგვაჩნია საერთოდ ნეტავ გზები რომ გაწმინდოს?"-ქეთუსია ღუდუშაური.
"ქალაქის მერმა კი იყიდა 118 000 ლარიანი მანქანა და ვისაც მანქანის ყიდვის შესაძლებლობა არ გვაქვს ასეთ პირობებში ერთი საათი უნდა ველოდოთ ავტობუსს??
ავტობუსებს ზამთრის საბურავები არ აქვს და პატარა თოვლზეც სრიალებს
ქუთაისის სატრანსპორტო კომპანია ალბათ არ ელოდით ზამთრის უეცარ დადგომას"-თაზი მოსეშვილი.
ჯგუფი"ქუთაისში არსებული ინფრასტრუქტურული პრობლემები "
"ქალაქში საზოგადოებრივი ტრანსპორტი არმუშაობს და თუ მუშაობს ისიც, მხოლოდ ერსაათიანი ინტერვალით. გადაადგილება პარალიზებულია,გრცხვენოდეთ!
თუმცა მოულოდნელად მოვიდა თოვლი თებერვალში,თქვენც რა დააშავეთ?!"-ნათია
"სატრანსპორტო გაერთიანება სად გძინავთ ამდენი ავტობუსები რეისს რო ხსნიან და დადიან ??? ყველა გაჩერებაზე უამრავი ხალხი ელოდება"-მაია ჩაფიძე.
რამდენიმე დღეა მთელი საქართველოს მასშტაბით დიდთოვლობა და რთული მეტეოროლოგიური პირობებია, რის გამოც ქვეყნის მასშტაბით საავტომობილო გადაადგილებაზე დაწესებულია გარკვეული შეზღუდვები.
საავტომობილო გზებზე განვლადობის მაქსიმალურად შენარჩუნებისა და გადაადგილებისას შეფერხებების თავიდან აცილების მიზნით, საავტომობილო გზების დეპარტამენტი, მთელი საქართველოს მასშტაბით, გაწმენდით სამუშაოებსა და ქვიშა-მარილის ნარევის დაყრას მუდმივ რეჟიმში ახორციელებს. ყველა საჭირო ადგილას მობილიზებულია თოვლმწმენდი ტექნიკა. საერთო ჯამში, გაწმენდით სამუშაოებზე მუშაობს 500 ერთეულზე მეტი ტექნიკა
ამ დროისთვის, საავტომობილო გზებზე დაწესებულია შემდეგი სახის შეზღუდვები:
მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია შემდეგ საგზაო მონაკვეთებზე: თბილისი–სენაკი–ლესელიძის საავტომობილო გზის კმ132–კმ200 (სურამის კვანძი-არგვეთა) მონაკვეთზე, გომი-საჩხერე-ჭიათურა-ზესტაფონის საავტომობილო გზაზე, ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის კმ99-კმ125 (ჭველიერი-მელე) მონაკვეთზე, ზუგდიდი-ჯვარი-მესტია-ლასდილის საავტომობილო გზის კმ30-კმ186 (ჯვარი-უშგული) მონაკვეთზე, ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთსა და საჩხერე(სარეკი)-უზუნთა-შქმერი-ზუდალის საავტომობილო გზაზე.
ამასთან, ყველა სახის ავტოტრანსპორტის მოძრაობა აკრძალულია ბათუმი(ანგისა)-ახალციხის საავტომობილო გზის კმ88-კმ106 (ხულო-კურორტი გოდერძი) მონაკვეთზე, ჟინვალი-ბარისახო-შატილის საავტომობილო გზის კმ53-კმ66 (კორშა-ბისო) მონაკვეთსა და ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის კმ125-კმ151 (მელე-ლასდილი) მონაკვეთზე.
მსუბუქი ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით ჟინვალი-ბარისახო-შატილის საავტომობილო გზის კმ25-კმ53 (მაღაროს კარი-კორშა) მონაკვეთსა და ზუგდიდი-ჯვარი-მესტია-ლასდილის საავტომობილო გზის კმ70-კმ186 (ხაიში-უშგული) მონაკვეთზე.
საქართველოს საავტომობილო გზების დეპარტამენტი მოუწოდებს მოსახლეობას, იმოძრაონ ზამთრის პერიოდისათვის შესაბამისი საბურავებით, გამართული ავტოტრანსპორტით და დაემორჩილონ საავტომობილო გზებზე დაწესებულ რეჟიმებს.
