3 მარტს თბილისში დედების საპროტესტო აქცია იგეგმება.აქციის ორგანიზატორია არასამთავრობო ორგანიზაცია,,ვეძებ,,

,, ათი ათასობით დედა გაძარცვეს და ყველაზე ღირებული მოპარეს, მათ შვილები გაუქრეს. ყვირიან, იძახიან, შველას ითხოვენ,თუმცა პასუხს ვერ იღებენ. ოფიციალურად მათი შვილები ცოცხლები არიან, მაგრამ შვილები გარდაცვლილებად გამოუცხადეს. გვეყოფა ლოდინი, გამოდი 3 მარტს, 17 საათზე” - ნათქვამია ორგანიზაციის მიერ გავრცელებულ განცხადებაში.

დღეიდან ქუთაისში ტრანსპორტით გადაადგილება გაძვირდა.ღირებულება 60 თეთრი გახდა.ტარიფის გაზრდის გადაწყვეტილება ქუთაისის მუნიციპალიტეტის საკრებულოს სხდომაზე,  უმრავლესობის დეპუტატებმა მიიღეს.

"ცვლილების მიზანია მოსახლეობისთვის  საიმედო და ხარისხიანი სატრანსპორტო მომსახურების მიწოდება,  სამგზავრო ავტოსატრანსპორტო საშუალებების  მოვლა-შენახვის პირობების გაუმჯობესება და მათი გამართული ტექნიკური მდგომარეობის უზრუნველყოფა."-განმარტეს ქუთაისის საკრებულოში.

გარემოს ეროვნული სააგენტოს ინფორმაციით, 17 თებერვლამდე საქართველოში შენარჩუნებული იქნება ცივი და დროგამოშვებით ნალექიანი ამინდი. 13 თებერვლიდან ზოგან იქროლებს დასავლეთის მიმართულების ძლიერი ქარი, მთიან რეგიონებში შესაძლებელია ქარბუქი. ჰაერის ტემპერატურა დღის საათებში დაბლობსა და ბარში +2, +7 გრადუსის ფარგლებშია მოსალოდნელი. აღმოსავლეთ საქართველოს ბარში ღამის საათებში და ქვეყნის მთიან რეგიონებში დღისითაც შენარჩუნდება ჰაერის უარყოფითი ტემპერატურა.

თურქეთში მომხდარი მიწისძვრის შედეგად, საქართველოს კიდევ ერთი მოქალაქე გარდაიცვალა. ინფორმაციას საქართველოს საგარეო საქმეთა სამინისტრო ავრცელებს.

უწყების ცნობით, ცხედარი პროზექტურაშია გადასვენებული.

„თურქეთის რესპუბლიკაში მომხდარი ძლიერი მიწისძვრის შედეგად ქ. ისქენდერუნში გარდაცვლილი იპოვეს საქართველოს კიდევ ერთი მოქალაქე მ.შ. თურქეთში საქართველოს საელჩოში არსებული ინფორმაციით, ცხედარი პროზექტურაშია გადაყვანილი,“ - აღნიშნულია ინფორმაციაში.

ცნობისთვის, თურქეთში მომხდარი მიწისძვრის შედეგად, საქართველოს ოთხი მოქალაქე გარდაიცვალა.

საავტომობილო გზების დეპარტამენტის ინფორმაციით,ჩატარებული გაწმენდითი სამუშაოების შედეგად, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგენილია.

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, 2023 წლის 01 იანვრიდან 31 იანვრის  ჩათვლით, უკანონო ტყითსარგებლობის 269 ფაქტი გამოავლინეს; მათ შორის 190 ფაქტი ხე-ტყის უკანონო მოპოვება-ტრანსპორტირებას ეხება, 79 კი, საამქროების მიერ ტექნიკური რეგლამენტის დარღვევისა და უკანონო სახერხი საამქროების ფაქტებია.  სამართალდარღვევებიდან 17 ფაქტი სისხლის სამართლის დანაშაულის ნიშნებს შეიცავს.