ჭიათურაში მაღაროელთა გაფიცვა მეცამეტე დღეა გრძელდება. პარალელურად, მეშვიდე დღეა შემშილობს გაფიცულთა ნაწილი,მათგან ერთ-ერთმა მოშიმშილე პროტესტის ნიშნად პირი ამოიკერა.

დღეს მაღაროელებმა მორიგი საპროტესტო მსვლელობა გამართეს.მათი მოთხოვნები უცვლელია-ხელფასების ზრდა, უსაფრთხოების დაცვა და შრომითი პირობების გაუმჯობესება. 

 ქუთაისში , Mural Fest"-ის ფარგლებში, ქალაქის  სამ  შენობაზე  კედლების მოხატვა დაიწყო.

ბაღდათის მუნიციპალიტეტში წყალმომარაგების და წყალარინების სისტემის რეაბილიტაციის პროექტზე მუშაობა აქტიურად გრძელდება.

 ქუთაისის მერი იოსებ ხახალეიშვილი, მაჟორიტარი დეპუტატი ზაზა ლომინაძე, განათლებისა და მეცნიერების მინისტრი გიორგი ამილახვარი, სახელმწიფო რწმუნებულის პირველი მოადგილე ლევან სანიკიძე წარმატებულ  ახალგაზრდა  ქუთაისელ მოჭადრაკეს ანასტასია კირთაძეს შეხვდნენ,  სწრაფ ჭადრაკში  მსოფლიო ჩემპიონობა მიულოცეს და საჩუქრები გადასცეს. 

გარემოს ეროვნული სააგენტოს ინფორმაციით,16 ივნისს საქართველოში სითბოს ფონზე შენარჩუნებული იქნება წვიმიანი ამინდი, ზოგან ელჭექით, აღმოსავლეთ საქართველოში შესაძლებელია სეტყვა. ჰაერის ტემპერატურა დღის საათებში დაბლობსა და ბარში +26, +31 გრადუსი იქნება.