თურქეთსა და სირიაში მიწისძვრის შედეგად დაღუპულთა რიცხვმა 34 179 მიაღწია. თურქეთის საგანგებო სიტუაციების საკოორდინაციო ცენტრის ცნობით, ქვეყანაში მიწისძვრის შედეგად დაღუპულთა რიცხვმა 29 605-ს მიაღწია. სირიაში სტიქიას მინიმუმ 4 574 ადამიანი ემსხვერპლა, აქედან 3 160-ზე მეტი ოპოზიციის მიერ კონტროლირებად ტერიტორიაზე და 1 414 კი - სირიის მთავრობის მიერ კონტროლირებად ტერიტორიაზე.
ამასთან, სამაშველო ოპერაციები გრძელდება და მაშველები ნანგრევებში მოყოლილი ადამიანების პოვნას ცდილობენ.
სტამბოლის მერის თქმით, მაშველებმა კვირას, მიწისძვრიდან 162 საათის შემდეგ, ჰათაიში თინეიჯერი გოგონა აიშე გადაარჩინეს. მედიის ინფორმაციით, მაშველებმა, კვირას, 50 წლის ქალი, სახელად გულერ აგრიტმისიც, გადაარჩინეს.
,,ჩემ მიერ წამოწყებულმა იდეამ, შემეგროვებინა დახმარება თურქეთში მიწისძვრით დაზარალებულთათვის, იმაზე ბევრად დიდი რეზონანსი გამოიწვია , ვიდრე შემეძლო წარმომედგინა, იმდენმა ადამიანმა გამოთქვა დახმარების სურვილი, რომ ადამიანურად უფლება აღარ მაქვს არ გავაგრძელო წამოწყებული საქმე იმ ადამიანების დახმარებით, ვისაც ჩემზე მეტი შეუძლია.
ხვალ შუადღიდან დახმარების მიღების პუნქტი იქნება შემდეგ მისამართზე-ქუთაისი, ლადო ასათიანის ქუჩა No28.
(ყვავილების საწყობთან) ფართი უსასყიდლოდ გვათხოვა მეგობარმა.
გთხოვთ გაითვალოსწინოთ,
ყველაზე საჭირო და მოთხოვნადი ინვენტარია:
ადიელები, საბნები, საძილე ტომრები, კარვები, მშრალი საკვები, სველი სალფეთქები, ბავშვის ფაფები, პამპერსები, პურველადი მოხმარების ჰიგიენური საშუალებები, სანთლები, გამათბობლები.
შეგროვილი დახმარების უფასო ტრნსპორტირება შემოგვთავაზა ქუთსისელმა სატვირთოს მძღოლმა. (სახელს და გვარს დავწერ თუკი მისგან ნებართვა მექნება)
სიკეთე ქუთაისიდან გაიგზავნება ქალაქის სახელით .
ორგანიზება ხდება ჩემი პირადი სურვილით , მე და ჩემი მეგობრების დახმარებით.
პატივისცემით სოფიო გიორგაძე ჩიჩექ Sophie Cicek
Tel: 595 043 049
P.S. თუკი ვერ შეძლებთ საწყობში მოტანას შეგიძლიათ მოიტანოთ ნივთები -
კაფე ფლორ-ში cafe Fleur
თამარ მეფის No 27,,-წერს სოციალურ ქსელში ორგანიზატორი.
