ვენერა წერეთელი- 55 წელი მკითხველის სამსახურში
საზოგადოება
გადასვლები: 1514

გაიცანით ვენერა (დოჩი) წერეთელი, რომელიც 55 წელია ბაღდათის მუნიციპალიტეტის  საბიბლიოთეკო სფეროში მოღვაწეობს.

 
ქალბატონი დოჩი პროფესიით ბიბლიოთეკარია. მუშაობა 1966 წელს სოფელ დიდველის სამკითხველოში დაიწყო და  ახლა ბაღდათის ცენტრალურ ბიბლიოთეკაში წამყვანი ბიბლიოთეკარია.
 
 
დოჩი წერეთელი მკითხველზე, წიგნებზე  და საკუთარ  საქმეზე  უზომოდ შეყვარებულია, მისი სამუშაო გამოცდილება ნახევარ საუკუნეზე მეტს ითვლის და იგი  დღემდე შემართებით აგრძელებს საქმიანობას.
 
ბაღდათის მუნიციპალიტეტის მერია, მადლობას უხდის ქალბატონ დოჩის საბიბლიოთეკო სფეროში გაწეული საქმიანობისთვის.
ქუთაისში ბინას 480 დევნილი ოჯახი მიიღებს
საზოგადოება
გადასვლები: 1673

დევნილთა, ეკომიგრანტთა და საარსებო წყაროებით უზრუნველყოფის სააგენტო ქუთაისში, ახალაშენებულ კორპუსებში იძულებით გადაადგილებულ 480 ოჯახს ბინებს გადასცემს.

 
საცხოვრებელი ფართების განაწილების შესახებ გადაწყვეტილება დევნილთა საკითხების შემსწავლელმა კომისიამ გრძელვადიანი განსახლების კრიტერიუმების შესაბამისად მიიღო.
 
დევნილი ოჯახების სია, რომლებსაც ქუთაისში, სრულად გარემონტებული ბინები გადაეცემათ სააგენტოს ვებგვერდზე გამოქვეყნდა.
 
დევნილი ოჯახების საცხოვრებლით უზრუნველყოფის მიზნით, საქართველოს პრემიერ-მინისტრის მიერ დაანონსებული  უპრეცედენტოდ მასშტაბური სამშენებლო სამუშაოები დაიწყო თბილისში,  ქუთაისში, ზუგდიდში, რუსთავსა და ბორჯომში. 2025 წლის ბოლომდე,  ახალი საცხოვრებელი იძულებით გადაადგილებულ 13 000  ოჯახს გადაეცემა. 7000-მდე ოჯახი ბინებს ახალაშენებულ კორპუსებში მიიღებს, 6000 ოჯახი კი სოფლად სახლის პროგრამის ფარგლებში განსახლდება.
სოფელ წაბლარასხევში, გრუნტის სანიაღვრე არხების მოწყობითი სამუშაოები მიმდინარეობს
საზოგადოება
გადასვლები: 1775

ბაღდათის მუნიციპალიტეტის სოფელ წაბლარასხევში, გრუნტის სანიაღვრე არხების მოწყობითი სამუშაოები მიმდინარეობს.

 
წაბლარას ხევის მოსახლეობას გრუნტის წყლები, წლების მანძილზე სხვადასხვა სახის პრობლემებს უქმნიდა. აღნიშნულ სოფელში იტბორებოდა საცხოვრებელი სახლების ეზოები და  სავარგულები.
 
სამუშაოებს ა.ა.ი.პ ბაღდათის კეთილმოწყობის, დასუფთავებისა და მუნიციპალური სერვისების გაერთიანების თანამშრომელბი ახორციელებენ.
 
გრუნტის სანიაღვრე არხები      სოფელ წაბლარასხევში საჭიროებისამებრ ყველა უბანში მოეწყობა.
დღეს ქუთაისქალაქობა აღინიშნება-ღონისძიებები უკვე დაწყებულია
საზოგადოება
გადასვლები: 698

 დღეს ქუთაისში „ქუთაისქალაქობა 2023“ აღინიშნება.

სადღესასწაულო ღონისძიებები ბაგრატის ტაძრიდან დაიწყო, სადაც სასულიერო პირებმა ქუთაისი დალოცეს.
 
 ქუთაისის მერმა იოსებ ხახალეიშვილმა, იმერეთში სახელმწიფო რწმუნებულმა ზვიად შალამბერიძემ, საკრებულოს თავმჯდომარემ ირაკლი შენგელიამ, ადგილობრივი ხელისუფლებისა და საზოგადოების წარმომადგენლებმა ყვავილებით შეამკეს სამი ოთარის ძეგლი.
 
,,ქუთაისქალაქობა 2023“ - სახალხო დღესასწაულის ფარგლებში მთელი დღის განმავლობაში გაიმართება სხვადასხვა აქტივობა (კულტურული, სპორტული, საბავშვო, შემეცნებითი, გასართობი). ასევე დღის მანძილზე ადგილობრივი მეწარმეების ნამუშევრების გამოფენა-გაყიდვა იქნება, პროექტის ,,ქარავანი -არტფორუმი“ ფარგლებში წარმოდგენილი იქნება თანამედროვე ხელოვნება, ცენტრალურ მოედანზე კი გამოიფინება ვინტაჟური ავტომობილები.
 
დღის ბოლოს დაგეგმილია თბილისის სიმფონიური ორკესტრის კონცერტი მესხიშვილის თეატრში. ასევე, ცენტრალურ მოედანზე 20:30 საათზე ჩატარდება გალა კონცერტი თბილისის ბიგ - ბენდის მონაწილეობით.
 
დღეს მთელი დღის მანძილზე მოედანსა და მიმდებარე ტერიტორიაზე შეზღუდულია ტრანსპორტის მოძრაობა.
ხვალ ქუთაისში ტრანსპორტის მოძრაობა შეიზღუდება
საზოგადოება
გადასვლები: 863

ქუთაისის მერიის ინფორმაციით, გვირილობის დღესასწაულდან გამომდინარე, ტრანსპორტის მოძრაობა შეიზღუდება. 

 
1 მაისს,  12:00 საათიდან , ნაწილობრივ შეიზღუდება მოძრაობა და პარკირება ცისფერყანწელთა ქუჩაზე.
 
2 მაისს,  08:00 საათიდან, სრულად შეიზღუდება მოძრაობა და პარკირება : 
 
 ცისფერყანწელთა ქუჩაზე, თეთრ ხიდის მიმდებარედ, პუშკინის ქუჩის კვეთამდე;
 
შოთა რუსთაველის გამზირზე,  წმ.ნინოს ქუჩის კვეთამდე;
 
აკაკი წერეთლის ქუჩაზე,  პუშკინის ქუჩის კვეთამდე;
 
თამარ მეფის ქუჩაზე,  გოგებაშვილის ქუჩის აღმართიდან გელათის ქუჩის დასაწყისამდე;
 
მ.ბროსეს ქუჩაზე,  (სასტუმროდან ,,ნიუპორტი’’) ვარლამიშვილის ქუჩის კვეთამდე;
 
 ზაქარია ფალიაშვილის ქუჩაზე,  კოლუმბია-მისურის ქუჩის კვეთიდან წმ.ნინოს ქუჩის კვეთამდე.
მოქალაქე 2 მილიონი დოლარის სანაცვლოდ რადიაქტიური ნივთიერების გაყიდვას გეგმავდა
საზოგადოება
გადასვლები: 584

სახელმწიფო უსაფრთხოების სამსახურის კონტრდაზვერვის დეპარტამენტის თანამშრომლებმა, საქართველოს პროკურატურასთან ერთად, გატარებული ოპერატიულ-სამძებრო ღონისძიებების შედეგად, რადიაქტიური ნივთიერების უკანონო რეალიზაციის მცდელობის ფაქტზე ერთი პირი დააკავეს.

 
დაკავებული პირი ქალაქ ფოთში რადიაქტიური მასალის გასაღებას 2 000 000 აშშ დოლარის სანაცვლოდ გეგმავდა, რა დროსაც მოხდა მისი დაკავება.
 
რადიოლოგიური ექსპერტიზის დასკვნის თანახმად, ექსპერტიზაზე წარმოდგენილი მასა, რომელიც ჩხრეკის დროს იქნა ამოღებული, შეიცავს რადიაქტიურ ნივთიერება ურანს და მიეკუთვნება ბირთვულ მასალათა კატეგორიას.
 
გამოძიება საქართველოს სისხლის სამართლის კოდექსის 230-ე მუხლის პირველი ნაწილით მიმდინარეობს, რაც რადიაქტიური ნივთიერების უკანონო მოპყრობას გულისხმობს და ითვალისწინებს თავისუფლების აღკვეთას ვადით 5-დან 10 წლამდე. 
 
გამოძიებას აწარმოებს სახელმწიფო უსაფრთხოების სამსახურის კონტრდაზვერვის დეპარტამენტი.
  1. ხვალ ქუთაისი გვირილობას აღნიშნავს
  2. არასწორი შეფასება,რომელიც გამოწვეული არაკომპეტენტურობით-ქუთაისის მერია ოქროს ჩარდახზე
  3. ეს პროექტი აუცილებლად უნდა შეიცვალოს-ოქროს ჩარდახის ახალ პროექტს პროტესტი მოყვა
  4. ბაღდათის მუნიციპალიტეტში საგზაო ინფრასტრუქტურული პროექტები გრძელდება
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search