ბავშვთა საერთაშორისო დღე  საერთაშორისო დღესასწაულია,რომელიც   ბავშვთა კეთილდღეობისადმი მიძღვნილ  ჟენევის მსოფლიო კონფერენციაზე 1925 წელს დაარსდა.

მსოფლიოს მრავალ ქვეყანაში კი პირველი ივნისი 1950 წლიდან აღინიშნება . 

1 ივნისს სხვადასხვა ქვეყანაში, მათ შორის საქართველოში, ბავშვებისთვის გასართობი და კულტურული ღონისძიებები ეწყობა.

ბავშვთა საერთაშორისო დღეს მხოლოდ გასართობი ხასიათი როდი აქვს, ეს დღე შეხსენებაა იმისა, რომ ყველა ბავშვი ჯანსაღ და უსაფრთხო გარემოში უნდა იზრდებოდეს, სადაც დაცული იქნება მათი უფლებები.

ჭიათურაში, ქალაქის ცენტრალურ ნაწილში საცურაო აუზის მშენებლობა მიმდინარეობს.

პროექტი ითვალისწინებს 2 აუზის მშენებლობას, ასევე ადმინისტრაციული შენობის, პარკინგის, ბილიკების მოწყობას, ტერიტორიის გამწვანებას, გარე განათების და ძელსკამების დამონტაჟებას.

ამ დროისათვის ადგილზე სხვადასხვა ტიპის სამუშაოები მიმდინარეობს, მათ შორის შენობების მოპირკეთება და ტერიტორიიდან მიწის მასის გატანა ხდება. 

 ,,აქ, წლების წინ, ღია საცურაო აუზი იყო ბავშვებისთვის, რომლის აღდგენის სურვილი მოსახლეობას დიდი ხანია, ჰქონდა. ეს იქნება თანამედროვე ტიპის აუზი, სადაც ჭიათურლები ზაფხულის ცხელ დღეებს გაატარებენ", - აღნიშნა გივი მოდებაძემ.

აუზის მშენებლობა გასულ წელს დაიწყო და წელს დასრულდება. 

პროექტის ღირებულება 1 357 577 ლარს შეადგენს.

 31 მაისის დღის მეორე ნახევრიდან 2 ივნისის დილამდე ქვეყნის ტერიტორიის უმეტეს ნაწილზე მოსალოდნელია წვიმა, ზოგან ძლიერი, მთიან და მაღალმთიან რაიონებში ძალიან ძლიერი, ელჭექი, სეტყვა და ქარის გაძლიერება. 

მოსალოდნელმა ძლიერმა ნალექმა შესაძლებელია მდინარეებზე წყლის დონის მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ- ღვარცოფული პროცესების ჩასახვა- გააქტიურება გამოიწვიოს (საფრთხის დონე მაღალი).

ბავშვთა დაცვის ღონისძიებები ქუთაისში 1 ივნისის ნაცვლად 2 ივნისს გაიმართება. მიზეზი მოსალოდნელი უამინდობაა.

,, 1 ივნისს მოსალოდნელი უამინდობის გამო , ბავშვთა დაცვის დღისადმი მიძღვნილ ღონისძიებებზე 2 ივნისს გიწვევთ.

  გვინდა ჩვენს პატარებს ხალისიანი და ბედნიერი დღესასწაული ვაჩუქოთ. წელს, ბავშვთა დაცვის დღისადმი მიძღვნილი ღონისძიებები, 2 ივნისს, 13 : 00 საათიდან, ქუთაისის ახალგაზრდობის პარკში გაიმართება ( მისამართი თაბუკაშვილის ქ. #2).

 ბავშვებისთვის პარკში მოწყობილი იქნება გასართობი სივრცეები, ჩატარდება სამხატვრო და სპორტული აქტივობები, ქუთაისის საბავშვო სტუდიების კონცერტი, პატარების მხიარული განწყობის შექმნაზე იზრუნებენ ანიმატორები, მულტფილმების პერსონაჟები და კოსტიუმირებული მსახიობები.

 ღონისძიებებზე დასწრება და მონაწილეობა თავისუფალია.,,-ქუთაისის მუნიციპალიტეტის მერია. 

 ქართული არასამთავრობო ორგანიზაციები  რუსული კანონის წინააღმდეგ სამართლებრივ ბრძოლას აგრძელებენ.მათ დღეს ერთობლივი განცხადება გაავრცელეს.

,,ჩვენ ვაცხადებთ, რომ რუსული კანონის წესებით არ ვიცხოვრებთ და გამოვიყენებთ ყველა შიდა და საერთაშორისო მექანიზმს მისი მოქმედების შესაფერხებლად კანონის უპირობო გაუქმებამდე.

 ამისათვის, ვამზადებთ სარჩელს საქართველოს საკონსტიტუციო სასამართლოში წარსადგენად და უახლოეს პერიოდში მივმართავთ მას. საკონსტიტუციო სასამართლოს შეუძლია იმოქმედოს კონსტიტუციით მინიჭებული უფლებამოსილებით და შეაჩეროს კანონის შესაბამისი მუხლების მოქმედება. 

 თუმცა, საკონსტიტუციო სასამართლოს არ მივიჩნევთ ერთადერთ გზად ჩვენი სამართლებრივი ბრძოლისათვის. იმ შემთხვევაში, თუ საკონსტიტუციო სასამართლო არ იმოქმედებს დროულად და კონსტიტუციურ ჩარჩოებში, ჩვენ გამოვიყენებთ ალტერნატიულ სამართლებრივ მექანიზმს. 

 პარალელურად ვემზადებით ადამიანის უფლებათა ევროპულ სასამართლოში საჩივრის წარსადგენად, რომელსაც მივმართავთ შესაბამის დროს. ყველა არასამთავრობო ორგანიზაციასა და მედიას შეუძლია ამ ბრძოლის მონაწილე გახდეს და შემოგვიერთდეს.,,-წერია განცხადებაში

რუსული კანონით არ არ ვიცხოვრებთ-ამ სლოგანით ქუთაისში საპროტესტო აქცია-კონცერტი გაიმართება. 

2 ივნისს,საღამოს 19:00 საათზე ცენტრალურ მოედანზე გამართულ კონცერტში 8 მუსიკოსი მიიღებს მონაწილეობას. 

,,დედაქალაქში უწყვეტი პროტესტის პარალელურად, ქუთაისში ყოველდღე იმართება საპროტესტო აქცია, რომელსაც ყოველდღიურად ემატებიან თვითორგანიზებული ადამიანები. 

საპროტესტო მსვლელობები ჩატარდა ქალაქის ყველა უბანში. 

2 ივნისს, 19:00 სთ.-დან ყველას, ვინც მხარს უჭერთ საქართველოს ევროპულ მომავალს და უარს ეუბნებით რუსულ რეჟიმს, გიწვევთ აქცია-კონცერტზე (ცენტრალურ მოედანზე). 

ერთი მხრივ, შევაჯამებთ ქუთაისში მიმდინარე უწყვეტ პროტესტს. მეორე მხრივ, ქართველი მუსიკოსები, რომლებიც იზიარებენ პროტესტის შინაარსს და მხარს უჭერენ დემონსტრანტებს, მკაფიოდ დააფიქსირებენ თავიანთ პოზიციას მათივე საბრძოლო იარაღით - მუსიკით. 

აქცია-კონცერტში მონაწილე მუსიკოსები:

- Outsider

- SKAZZ

- ბაჩო ჯიქიძე

- Will Kolak

- Stress

- See Me

- გერჩი

- Luie

ჩვენ, საქართველოს თავისუფალი მოქალაქეები ჩვენი და ჩვენი ქვეყნის ბედს თავად ვწყვეტთ.,,-წერია ინფორმაციაში.