დღეს, 28 მაისს საქართველოს საკანონმდებლო ორგანოში საპარლამენტო სესიები განახლდება.დღესვე უმრავლესობა რუსულ კანონზე პრეზიდენტის ვეტოს დაძლევას შეეცდება.ამ ფონზე ქუთაისში მორიგი საპროტესტო აქცია დაიგეგმა. 

საღამოს 18:00  საათზე მოსახლეობა მესხიშვილის სახელობის თეატრის წინ შეიკრიბებიან.

,,გელოდებით ქალაქის ცენტრში - ერთად ვუთხრათ არა რუსულ კანონს! 

28 მაისი, 18:00 სთ., ქუთაისის ცენტრი,,-აცხადებენ ორგანიზატორები. 

ფოტო ,,აქტორის,, არქივიდან

„რაც გვეამაყება და გვაერთიანებს“-ბაღდათის მუნიციპალიტეტში საქართველოს დამოუკიდებლობის დღე აღნიშნეს.

რაც გვეამაყება და გვაერთიანებს" - 26 მაისს საქართველოს დამოუკიდებლობის დღე საზეიმო ღონისძიებებით აღინიშნება იმერეთში. 12-ვე მუნიციპალიტეტში სხვადასხვა აქტივობები მთელი დღის განმავლობაში გაგრძელდება. 

ბაგრატის ტაძარში, რომელიც გაერთიანებული საქართველოს სიმბოლოა, ქუთაის-გაენათის ეპარქიის მიტროპოლიტმა მეუფე იოანემ ქვეყნის ერთიანობისთვის დაღუპული გმირების სულის მოსახსენიებელი პარაკლისი აღავლინა. 

 ხელისუფლების წარმომადგენლებმა გვირგვინით შეამკეს საქართველოს ეროვნული გმირის, მერაბ კოსტავას ძეგლი. 

,,ვულოცავ საქართველოს ჩვენი ქვეყნის დამოუკოდებლობის დღეს, ვუსურვებ წარმატებას და ეფექტურ წინსვლას ევროპული ოჯახისკენ მიმავალ გზაზე. რა თქმა უნა მთელი ქვეყანა დღევანდელ დღეს ზეიმობს და ზეიმობს იმერეთი. თორმეტივე მუნიციპალიტეტში დაგეგმილია გარკვეული ღონისძიებები. განსაკუთრებით წელს, ჩვენ აღვნიშნავთ ქუთაისში და ხონში საქართველოს დამოუკიდებლობის დღეს და ამ საზეიმო განწყობისთვის მინდა მადლობა გადავუხადო ინფრასტრუქტურისა და ჯადაცვის სამინისტროებს. აღნიშნული უწყებები ადგილობრივ მუნიციპალიტეტებთან ერთად, ძალიან საინტერესო ღონისძიებებს შესთავაზებენ ჩვენს თანამოქალაქეებს და ვფიქრობ, მთელი დღე საინტერესოდ დატვირთული იქნება ზოგადად იმერეთში“-ზვიად შალამბერიძე.

დამოუკიდებლობის დღისადმი მიძღვნილი საზეიმო ღონისძიებები დავით აღმაშენებლის მოედანზე მთელი დღის განმავლობაში გაგრძელდება.

მერაბ კოსტავა 1939 წლის 26 მაისს,თბილისში დაიბადა.ის იყო ქართველი საზოგადო მოღვაწე, საქართველოს ეროვნული გმირი, დისიდენტი და უფლებადამცველი, მუსიკათმცოდნე, პოეტი. 1974 წლიდან მის ტრაგიკულ დაღუპვამდე იყო საქართველოს ეროვნულ-განმათავისუფლებელი მოძრაობის ყველაზე გამორჩეული ლიდერი.

1972 წელს მერაბ კოსტავა ზვიად გამსახურდიასთან ერთად აყალიბებს საქართველოში ადამიანის უფლებათა დაცვის საინიციატივო ჯგუფს. რეპრესიები მის წინააღმდეგ არ წყდებოდა. სუკ-ი გამუდმებით უთვალთვალებდა. მის სახლთან ყოველთვის მორიგეობდა უშიშროების მანქანა. 

1977 წლის 7 აპრილს მერაბ კოსტავა ზვიად გამსახურდიასთან ერთად დააპატიმრეს. მერაბ კოსტავას 3 წლით პატიმრობა მიუსაჯეს. საბაბი ანტისაბჭოთა აგიტაცია და პროპაგანდა, ჟურნალ „ოქროს საწმისის” გამოცემა იყო.ის არაერთხელ იყო დაპატიმრებული,იყო გადასახლებული ციმბირში,ციხესა და გადასახლებაში ყოფნისას კოსტავა ჯამში 13 თვეზე მეტი იშიმშილა.

მერაბ კოსტავას საქმიანობამ გადამწყვეტი როლი ითამაშა საქართველოს ეროვნულ-განმათავისუფლებელი მოძრაობის  შექმნაში, ბრძოლასა და წარმატებაში.

1989 წლის 13 ოქტომბერს ქუთაისიდან თბილისს მომავალი მერაბ კოსტავა სოფელ ბორითთან (ხარაგაულის რაიონი) ტრაგიკულად დაიღუპა

1918 წლის 26 მაისს საქართველოს ეროვნულმა საბჭომ მიიღო სახელმწიფოებრივი დამოუკიდებლობის აქტი და ჩამოაყალიბა დამოუკიდებელი საქართველოს მთავრობა. სახელმწიფოს პოლიტიკური მმართველობის ფორმად აღიარეს დემოკრატიული რესპუბლიკა; შეიქმნა ევროპული ტიპის ქართული სახელმწიფოებრიობა, დემოკრატიული სისტემა.

საქართველოს დამოუკიდებლობას იმთავითვე მტრულად შეხვდა ბოლშევიკური რეჟიმი, რომლის მიზანს წარმოადგენდა რუსეთის ყოფილი იმპერიის აღდგენა. 1921 წელს საქართველოში წითელი არმია შემოიჭრა და ქვეყნის ანექსია მოახდინა. საქართველოს მთავრობა და დამფუძნებელი კრების უმრავლესობა ემიგრაციაში წავიდა.

1991 წლის 31 მარტის საყოველთაო რეფერენდუმის შედეგად, მოსახლეობის ერთსულოვანი გადაწყვეტილებით, ქვეყანამ დამოუკიდებელი რესპუბლიკის სტატუსი დაიბრუნა. 1991 წლის 9 აპრილს ძალაში შევიდა საქართველოს სახელმწიფოებრივი დამოუკიდებლობის აღდგენის აქტი.

26 მაისს,საქართველოს დამოუკიდებლობის დღის აღნიშვნა ქუთაისში დღის 13:00 საათიდან დაიწყება.

ღონიეძიებები დავით აღმაშენებლის სახელობის ცენტრალურ მოედანზე გაიმართება.

13:00–18:00 სამხედრო ტექნიკის გამოფენა;

13:00–18:00 ადგილობრივი მეწარმეების პროდუქციის გამოფენა-გაყიდვა;

13:00-18:00 საგამოფენო სივრცე - „რაც გვეამაყება და გვაერთიანებს“;

13:00-19:00 კვების სივრცე;

14:00–18:00 ღია კინო-თეატრი;

13:00-17:00 საბავშვო სივრცე, სახალისო თამაშები;

14:00-16:30 სპორტული შეჯიბრებები: ჭადრაკი, მშვილდის სროლა, ველოსიპედი. გამარჯვებულების დაჯილდოება;

13:00-15:00 ადგილობრივი შემსრულებლებ9ის კონცერტი;

17:10 ერთად ვუმღეროთ ჰიმნი თავისუფლებას!

ი.კეჭაყმაძის სახელობის კამერული გუნდი, ირინე ლომინაძის ხელმძღვანელობით;

19:00-21:00 ჯგუფი “ურსა“, კახაბერი და ხანუმები.

ღონისძიებების ორგანოზატორია საქართველოს მთავრობის ადმინისტრაცია, საქართველოს რეგიონული განვითარებისა და ინფრასტრუქტურის სამინისტრო,იმერეთში სახელმწიფო რწმუნებულის ადმინისტრაცია და ქუთაისის მუნიციპალიტეტის მერია