დღეს ჭიათურაში უწყვეტი საპროტესტო აქციის მე-60 დღეა.მაღაროელები ყველას მოუწოდებენ,მხარი დაუჭირონ მათ პროტესტს.

,,პროტესტის მე-60 დღე. მშრალი შიმშილობის მე-3 დღე.

შეგახსენებთ, რომ დღეიდან იწყება მასობრივი შიმშილობა.

მოდით, მეგობრებო, დავუდგეთ გვერდში ერთმანეთს. ერთად გავაკეთოთ დიდი საქმე, ერთად გადავდგათ სწორი ნაბიჯები.

ნუ მოვიტყუებთ თავს, კომპანიას კიდევ ერთხელ ნუ ავყვებით მათ მანიპულაციაში.ვინც კომპანიის წარდგენილ ხელშეკრულებას მოაწერეთ ხელი, მინდა გაცნობოთ , რომ თქვენ დაკარგეთ მარტის და აპრილის ხელფასი, ხელფასის მოთხოვნის უფლებაც, რადგან ხელფასი ეკუთვნის დასაქმებულს და არა სამსახურის მაძიებელს და კონკურსის მონაწილეებს.,,-მაღაროელების საინიციატივო ჯგუფი . 

ჭიათურაში მესამე დღეა პროტესტის უკიდურეს ფორმას-მშრალ შიმშილობას მიმართა ერთ-ერთმა მაღაროელმა.  ირაკლი ჯიქიძეს დღეს ექიმების დახმარება დასჭირდა.

 28 აპრილს,ორშაბათს, 15:00 საათზე ჭიათურელი მაღაროელების საინიციატივო ჯგუფი  თბილისში და პრესკონფერენციას გამართავენ.

,,60 დღეა, ჭიათურაში მიმდინარეობს პროტესტი. პროტესტის მონაწილეების არაერთი თხოვნის მიუხედავად, მაღაროელებს არ გვხდება არც მთავრობის და არც კომპანიის წარმომადგენლები. მაღაროელთა გვერდის ავლით, კომპანია უთანხმება პროფკავშირს რეორგანიზაციის თაობაზე, რაც ყველა დასაქმებულს ტოვებს უსამსახუროდ. 

სანაცვლოდ, კომპანიის ახალი წარმომადგენელი, რუსეთის მოქალაქე მიხეილ სოცკი, რომელიც მანამდე ტყიბულში მიავლინა მთავრობამ, გვთავაზობს მონაწილეობას სრულიად უკანონო და გაურკვეველ კონკურსებში. 

ვისაუბრებთ ჭიათურაში არსებულ მწვავე ვითარებაზე, ჩვენს მოთხოვნებზე და მაღაროელების გეგმებზე.,,-საინიციატივო ჯგუფი. 

გუშინ ერთ-ერთმა მაღაროელმა პროტესტის ნიშნად მშრალი შიმშილობა დაიწყო.

,, რეალური შანსი გვაქვს, საერთო კეთილდღეობა და პერსპექტიული მომავალი შევიქმნათ: ღირსეული და დაფასებული შრომის პირობები, განვითარებული ქალაქი. პირადი კეთილდღეობის მოლოდინს ნუ შევწირავთ საერთო ინტერესს.

ეს ხელშეკრულება იმდენად ბუნდოვანია, რომ კითხვის ნიშნის ქვეშ აყენებს დასაქმებულების მდგომარეობას მომავალში. კომპანია “ჯორჯიან მანგანეზს” არც სამართლებრივი და არც მორალური უფლება არ აქვს, ჩვენი დამსაქმებელი ერქვას. საერთოდ, ამ კომპანიის რაიმე სახის შემოთავაზების ავკარგიანობას რომ განვიხილავთ, ეგეც დიდი შეცდომაა.

ასე მალე გვავიწყდება წარსული გამოცდილება? ასე მალე გვავიწყდება ის პრობლემები, რის წინაშეც დაგვაყენა ამ კომპანიამ და მისმა უპასუხისმგებლო ქმედებებმა?

მეგობრებო, სახელმწიფოს ჩართულობისა და სახელმწიფოს მყარი გარანტიების გარეშე, ნებისმიერი შეთანხმება ამ კომპანიასთან ჩვენთვის საზიანოა და ვერ უზრუნველყოფს სტაბილურ და ეფექტურ მომავალს.,,-საინიციატივო ჯგუფი. 

26 აპრილის დღის ბოლოდან 27 აპრილის დღის მეორე ნახევრამდე საქართველოში მოსალოდნელია დროგამოშვებით წვიმა, ზოგან ძლიერი, შესაძლებელია ელჭექი, სეტყვა და ქარის გაძლიერება.  

მოსალოდნელმა ნალექებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს (საფრთხის დონე საშუალო).

ინფორმაციას გარემოს დაცვის სააგენტო ავრცელებს. 

სტიქიის შედეგად დაზიანებული ინფრასტრუქტურის აღდგენითი სამუშაოები მიმდინარეობს საჩხერის სოფლებში ჭალოვანსა და ხვანში.

წვიმის სახით მოსულმა ნალექმა პრობლემები შექმნა საჩხერის მუნიციპალიტეტის ჭალოვანის ადმინისტრაციულ ერთეულში შემავალ სოფლებში.

ღვარცოფმა ცენტრალური საავტომობილო გზის რამდენიმე მონაკვეთის პარალიზება გამოიწვია. ადიდებულმა მდინარე ,,ფიცხავამ” სოფელ ჭალოვანის ფიცხავეების უბანში დააზიანა 1 კმ-მდე ცენტრალური გზა და მასზე არსებული ხიდ-ბოგირი. ასევე სანიაღვრე, ნაპირსამაგრი ნაგებობები და გაბიონები.

სტიქიის ადგილზე დილიდან მუშაობს შესაბამისი ტექნიკა და ამ დროისთვის ცენტრალურ საავტომობილო გზაზე მოძრაობა აღდგენილია.დაზიანებული ხიდის მიმდებარედ  შემოვლითი გზა მოეწყო. 

ავტორიტარიზმი და დეცენტრალიზაციის პარადოქსი-ქუთაისის მერიის წინ,სახალხო პროტესტის 150-ე დღეს ამ თემას განიხილავენ.  

,,შაბათს, 26 აპრილს, პროტესტის 150-ე დღეს ვისაუბრებთ დეცენტრალიზაციის, რეალური თვითმმართველობის აუცილებლობაზე საქართველოსთვის და ქართველი ხალხისთვის. 

რეალურ თვითმმართველობაში ავტორიტარიზმი ფეხს ვერ მოიკიდებდა. 

19:00 სთ.-დან, პროტესტის ჩვეულ ადგილზე (ქუთაისის მერიის წინ) გელოდებით სასაუბროდ. 

მომხსენებელი - მათე ჩაფიჩაძე.,,-წერია ორგანიზატორების მიერ გავრცელებულ ინფორმაციაში. 

საქართველოს სტატისტიკის ეროვნული სამსახურის ინფორმაციით, 2025 წლის 1-ელი იანვრის მდგომარეობით, საქართველოში 3 704.5 ათასი ადამიანი ცხოვრობს, რაც წინა წლის შესაბამისი პერიოდის მაჩვენებელთან შედარებით 9.9 ათასი კაცით მეტია.

როგორც „საქსტატის“ მიერ გავრცელებულ ინფორმაციაშია ნათქვამი,  2024 წელს დაფიქსირდა უარყოფითი ბუნებრივი მატება (-4 488) და დადებითი მიგრაციული სალდო (14 386).

„2025 წლის 1-ელი იანვრის მდგომარეობით, საქართველოს მოსახლეობის 61.5% ცხოვრობს საქალაქო დასახლებებში. ამასთან, თბილისის მოსახლეობა მთლიანი მოსახლეობის მესამედზე მეტს შეადგენს.

კაცების რიცხოვნობამ 1 774.5 ათასი შეადგინა, ხოლო ქალების რიცხოვნობამ – 1 920.1 ათასი. ამასთან, საქართველოს მოსახლეობის 48% კაცი, ხოლო 52% – ქალია. სქესთა რაოდენობრივი თანაფარდობის მაჩვენებელი 93-ს შეადგენს, რაც იმას ნიშნავს, რომ ყოველ 100 ქალზე 93 კაცი მოდის. აღსანიშნავია, რომ 40 წლამდე ასაკში კაცების რიცხოვნობა აღემატება ქალების რიცხოვნობას, ხოლო 40 წლის ასაკიდან სახეზე გვაქვს საპირისპირო სურათი, რაც გამოწვეულია კაცებთან შედარებით ქალების უფრო მაღალი სიცოცხლის მოსალოდნელი ხანგრძლივობით. 

2024 წელს, ემიგრანტების რიცხოვნობამ 121 425 კაცი შეადგინა, რაც წინა წელთან შედარებით 50.5%-ით ნაკლებია, ხოლო იმიგრანტების რიცხოვნობა 34.0%-ით შემცირდა და 135 811 კაცი შეადგინა,, - ნათქვამია ინფორმაციაში.