ინფორმაციას კლინიკა "ბომონდი" ავრცელებს. მშობიარემ, რომელმაც უამინდობის მიზეზით კლინიკაში დროულად მისვლა ვერ შეძლო, "კლინიკა ბომონდის,, ეზოში იმშობიარა.

 

ქალბატონს ვაჟი შეეძინა. დედაც და ახალშობილიც თავს კარგად გრძნობენ. 

 

"მშობიარე მარტვილიდან კლინიკაში შემოვიდა ჭინთვებში, რის გამოც მისი გადაყვანა სამშობიარო ბლოკში ვერ მოესწო და მშობიარობის მიღება მოხდა ავტომობილში,"-ამბობს მეან-გინეკოლოგი თეონა ლორთქიფანიძე.

 

 

12-ვე მუნიციპალიტეტში მეორე დღეა გაწმენდითი სამუშაოები აქტიურად მიმდინარეობს. გზები იწმინდება, როგორც ქალაქის ასევე სოფლების მიმართულებით, თუმცა  სამუშაოებს ინტენსიური თოვა აფერხებს. 

 

იმერეთის მაღალმთიან სოფლებში თოვლის საფარი ერთ მეტრს აღწევს. 

 

სახელმწიფო რწმუნებული ზვიად შალამბერიძე, თერჯოლის მუნიციპალიტეტის  მაღალმთიან სოფელ, გოგნში გზის გაწმენდის სამუშაოებს ადგილზე გაეცნო. 

 

,,მეორე დღეა იმერეთში გადაუღებლად თოვს და შესაბამისად გარკვეული შეფერხებები შეიქმნა საავტომობილო გადაადგილების კუთხით. დღეს 73 სოფელში გვაქვს შეფერხება, თუმცა ყველა სამსახური მუშაობს, ასევე ჩვენი შესაძლებლობის ფარგლებში, ტექნიკაც მობილიზებულია მუნიციპალიტეტებში, რომ დროულად გაიწმინდოს მისასვლელი გზები ყველა სოფელში. ამ ეტაპზე 50 000-მდე აბონენტს არ მიეწოდება ელექტროენერგია და რა თქმა უნდა ვმუშაობთ ამ მიმართულებითაც, პრობლემის დროულად მოგვარებაში აქტიურად არის ჩართული კომპანია ,,ენერგო-პრო“. ჩვენ ყველაფერს გავაკეთებთ იმისთვის, რომ მაქსიმალურად მოკლე ვადაში გზებიც გაიწმინდოს და ელექტროენერგიაც აღუდგეს ჩვენს თანამოქალაქეებს“ - ზვიად შალამბერიძე. 

 

რეგიონის მასშტაბით გაწმენდით სამუშაოებში 90 ერთეული შესაბამისი ტექნიკაა ჩართული. 

 

თოვლმა გარკვეული პრობლემები შექმნა რეგიონში ელექტროენერგიის მიწოდების მიმართულებით. კომპანია ,,ენერგო-პრო ჯორჯიას” შესაბამისი ჯგუფები პრობლემის მოსაგვარებლად  აქტიურად ახორციელებენ სამუშაოებს.

ამ დროისთვის შესაბამისი ტექნიკა სოფელ ზედა სიმონეთში, თუზში, ღვანკითში, ალისუბანში, ეწერში, ნახშირღელეში მუშაობს და ეტაპობრივად სხვა ადმინისტრაციულ ერთეულებში გააგრძელებს. 

 

უხვმა ნალექმა, რამდენიმე ადმინისტრაციულ ერთეულში  ელექტროგადამცემი ხაზების დაზიანება გამოიწვია, ადგილზე მობილიზებულია ,,ენერგო-პრო ჯორჯიას" სამუშაო ბრიგადა. ელექტრო ენერგიის მიწოდება პერიოდულად აღდგება. 

 

 

 

ქალაქ ბაღდათში თოვლის საფარმა 50 სანტიმეტრს გადააჭარბა, მაღალმთიან სოფლებში კი თითქმის ერთი მეტრია.

 

მესამე დღეა მობილიზებულია ტექნიკა და იწმინდება გზები, როგორც ქალაქში, ასევე სოფლებში.იყრება ტექნიკური მარილი.

 

ბათდათის მუნიციპალიტეტის მერს კახა ენუქიძეს, პირველ მოადგილესთან ერთად   კონტროლზე ყავს აყვანილი შესაბამისი სამსახურები, რათა მუნიციპალიტეტში დროულად მოხდეს გზების გაწმენდა და მოსახლეობას  გადაადგილების პრობლემა არ შეექნეს. 

ბაღდათის მუნიციპალიტეტის  რამდენიმე სოფელს ამ დროისათვის   არ მიეწოდება ელექტრო ენერგია.

მიმდინარეობს აღდგენითი სამუშაობი.