უბედური შემთხვევა ხარაგაულის მუნიციპალიტეტის სოფელ ვერტყვიჭალაში მოხდა. ამ დროის ინფორმაციით დაღუპულია ერთი და დაშავებულია რამდენიმე პირი.

საამქროში დასაქმებულმა ათმა ადამიანმა მიიღო სხეულის დაზიანება, ხოლო ერთი გარდაიცვალა.

1-დან 10 იანვრამდე საჯარო უწყებებში უქმე დღეები გამოცხადდა, - აღნიშნული გადაწყვეტილება უწყებათაშორისმა საკოორდინაციო საბჭომ მობილობის შემცირების მიზნით მიიღო. ანალოგიური რეკომენდაციით მიმართავს საბჭო კერძო დაწესებულებებსაც.

სხდომაზე, რომელიც პრემიერ-მინისტრ ირაკლი ღარიბაშვილის ხელმძღვანელობით, დღეს მთავრობის ადმინისტრაციაში გაიმართა, აღინიშნა, რომ 29 დეკემბრიდან 17 იანვრამდე არდადეგები გამოცხადებულია სკოლებში.

ამასთან, საბჭომ იმსჯელა საქართველოში არსებულ ეპიდემიოლოგიურ მდგომარეობაზე. როგორც ცნობილია, 20 დეკემბერს ქვეყანაში დაფიქსირდა კორონავირუსის ახალი შტამი - „ომიკრონი“, რასთან დაკავშირებითაც საბჭოს წევრებს დეტალური ინფორმაცია დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ მიაწოდა. „ომიკრონის“ გავრცელებით გამოწვეული ახალი გარემოებების გათვალისწინებით, საკოორდინაციო საბჭომ ამ ეტაპზე მიზანშეწონილად არ მიიჩნია დამატებითი შემსუბუქების ღონისძიებებზე გადაწყვეტილებების მიღება, მათ შორის ღამის კლუბების გახსნა.

უწყებათაშორისი საკოორდინაციო საბჭო მოქალაქეებს მიმართავს, ატარონ პირბადე, დაიცვან სოციალური დისტანცია და აქტიურად ჩაერთონ ვაქცინაციის პროცესში, რათა ქვეყანაში მკაცრი შემზღუდავი ღონისძიებების დაწესების აუცილებლობა არ დადგეს.

პრემიერ-მინისტრის დავალებით, ქვეყანაში მოქმედი რეგულაციების აღსრულება შესაბამისი უწყებების მხრიდან მკაცრად გაკონტროლდება

ინტენსიური თოვის გამო, საჩხერე-ონის საავტომობილო გზაზე აკრძალულია  მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

გარემოს ეროვნული სააგენტო მოსახლეობას აფრთხილებს.  21-23 დეკემბერს საქართველოში მოსალოდნელია რთული მეტეოროლოგიური პირობები: ნალექი, უმეტესად თოვლის სახით, ძლიერი ქარი. მთაში ძლიერი თოვა, ნისლი და ქარბუქი, ზღვაზე შტორმი, საავტომობილო გზებზე ლიპყინული, ელექტროგადამცემ ხაზებზე შემოყინულობა, მთიან რეგიონებში ზვავსაშიშროება. 

წგარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა ბრაკონიერობის წინააღმდეგ ბრძოლის ფარგლებში  პრევენციული ღონისძიებები გაატარეს და იმერეთსა და რაჭა-ლეჩხუმი ქვემო სვანეთში უკანონო ნადირობის 7 ფაქტი გამოავლინეს. 

ავტოსაგზაო შემთხვევა ქუთაისის გასასვლელში მოხდა, თვითმხილველების ინფორმაციით ავტომობილი, რომელშიც ხუთი ადამიანი იმყოფებოდა, მდინარე წყალწითელაში გადავარდა. ორი პირი ადგილზე დაიღუპა, ადგილზე სამაშველო სამსახური მუშაობდა.სწორედ მათ ამოიყვანეს ცხედრები მდინარე წყალწითელადან.გავრცელებული ინფორმაციით, დაღუპულები 18 და 19 წლის ახალგაზრდები არიან.ავტომობილში  ხუთი ადამიანი იმყოფებოდა,მათგან სამი გადარჩა.ისინი კლინიკაში არიან გადაყვანილები.

როგორც შინაგან საქმეთა სამინისტროში  განაცხადეს,  მომხდართან დაკავშრებით გამოძიება სსსკ-ის 276-ე მუხლის  მე-8 ნაწილით დაიწყო.