მსახიობი და რეჟისორი რეზი ქაროსანიძე გარდაცვლილი იპოვეს.

ახალგაზრდა ხელოვანის ცხედარი მესხიშვილის სახელობის თეატრში ნახეს.

სიკვდილის მიზეზი უცნობია.

დაწყებულია გამოძიება.

 8 თებერვალი წმინდანად შერაცხული ქართველი მეფის დავით აღმაშენებლის ხსენების დღეა.„დავითობას“ განსაკუთრებულად აღნიშნავენ ქუთაისში.

სამეგრელო-ზემო სვანეთის პოლიციის, ცენტრალური კრიმინალური პოლიციისა და განსაკუთრებულ დავალებათა დეპარტამენტების თანამშრომლებმა, ერთობლივად ჩატარებული სამძებრო ღონისძიებებისა და საგამოძიებო მოქმედებების შედეგად, იძულების, ცეცხლსასროლი იარაღის და საბრძოლო მასალის უკანონო შეძენა-შენახვა-ტარების, ასევე, ტერორისტული აქტის და ტერორისტული მიზნით მოქალაქეების მძევლად ხელში ჩაგდების ფაქტებზე 2020 წლიდან ძებნილი ბ.ე. სამეგრელოში დააკავეს.

თურქეთსა და სირიაში მიწისძვრის შედეგად გარდაცვლილთა რიცხვმა 7 800-ს გადააჭარბა, - ინფორმაციას მედია საშუალებები ოფიციალურ პირებზე დაყრდნობით ავრცელებენ.

მათივე ინფორმაციით, ამ დროისთვის არსებული მონაცემებით, თურქეთში მიწისძვრას 5 894 ადამიანი ემსხვერპლა, სირიაში კი - 1 932.

ამასთან, თურქეთის ვიცე-პრეზიდენტის, ფუათ ოქთაის განცხადებით, ნანგრევებიდან, ამ დრომდე, 8 000-ზე მეტი ადამიანის გამოყვანა მოხერხდა.

დაახლოებით 380 000-მა ადამიანმა თავი სამთავრობო თავშესაფრებს ან სასტუმროებს შეაფარა, მოქალაქეები განთავსდნენ სავაჭრო ცენტრებში, სტადიონებზე, მეჩეთებსა და საზოგადოებრივ ცენტრებშიც.

"კურიერის" ინფორმაციით, ბადრი ესებუა დააკავეს, ინფორმაცია რამდენიმე წუთის წინ გახდა ცნობილი. 

თურქეთში მიწისძვრის შედეგად სულ მცირე 2921 ადამიანი დაიღუპა და 15 834 დაშავდა, - ამის შესახებ ინფორმაციას თურქული მედია კატასტროფების სააგენტოზე დაყრდნობით ავრცელებს.

მანამდე, თურქეთის ვიცე-პრეზიდენტმა, ფუათ ოტქაიმ განაცხადა, რომ დანგრეული შენობების ნანგრევებიდან 7840 ცოცხალი ადამიანი ამოიყვანეს.

ამასთან, მიწისძვრას სირიაში სულ მცირე 1444 ადამიანი ემსხვერპლა. ეს ნიშნავს, რომ დამანგრეველი მიწისძვრების შედეგად დაღუპულთა რიცხვი ახლა 4365-ს მიაღწია.

ამასთან, შესაძლოა, დაღუპულთა რაოდენობა კიდევ უფრო გაიზარდოს, რადგან სამაშველო სამუშაოები გრძელდება.

ცნობისათვის, რამდენიმე საათის წინ ჯანდაცვის მსოფლიო ორგანიზაციამ (WHO) განაცხადა, რომ დაღუპულთა რიცხვი, შესაძლოა, რვაჯერ გაიზარდოს.

შეგახსენებთ, გუშინ დილით თურქეთის ქალაქ გაზიანთეფთან 7.8 მაგნიტუდის სიმძლავრის მიწისძვრა მოხდა, რომელსაც რამდენიმე საათში კიდევ ერთი ძლიერი, 7.5 მაგნიტუდის სიმძლავრის მიწისძვრა მოჰყვა. სამაშველო სამუშაოები მთელი ღამის განმავლობაში მიმდინარეობდა და ამჟამადაც გრძელდება.