საზოგადოება

: საზოგადოება; 01 ივლისი 2023; გადასვლები: 941

ხარაგაულის მუნიციპალიტეტში ჩამოწოლილი მეწყერის გამო მატარებლის ყველა რეისი გაუქმდა

ხარაგაულის მუნიციპალიტეტის სოფელ მატელისში ჩამოწილმა მეწყერმა სარკინიგზო ლიანდაგებზე დააზიანა ინფორმაციას საქართველოს რკინიგზა ავრცელებს

,,სადგურ მარელისში, უხვმა ნალექმა და უამინდობამ გამოიწვია მეწყერის ჩამოწოლა. მეწყერმა მნიშვნელოვნად დააზიანა საკონტაქო ქსელი და ლიანდაგები.

ჯერჯერობით წინასწარი გეოლოგიური დასკვნები არ გაკეთებულა. შესაბამისად, უსაფრთხოების უზრუნველყოფის მიზნებისათვის დღეს მატარებლების ყველა რეისი გაუქმებულია .

მიუხედავად იმისა, რომ საქართველოს რკინიგზის ბრიგადები სრულად მობილიზებულნი არიან და მუშაობენ მოძრაობის აღდგენაზე, კომპანიისგან დამოუკიდებელი მიზეზების გამო, მოძრაობის აღდგენის ზუსტი დრო უცნობია, ამასთან უსაფრთხოების უზრუნველყოფის მიზნებიდან გამომდინარე, მოძრაობის აღდგენის მოუხედავად, მიზანშეწონილი არა არის მგზავრთა გადაადგილება აღნიშნულ მონაკვეთზე.

შესაბამისად, სტიქიის გამო, რეისს ვერ შეასრულებენ და დანიშნულების ადგილზე ვერ ჩავლენ შემდეგი მიმართულებით მოძრავი მატარებლები:

თბილისი-ბათუმი(#804)

თბილისი-ფოთი (#874)

ბათუმი-თბილისი (#801)

ბათუმი-თბილისი (#807)

ზუგდიდი-თბილისი (#869)

ბათუმი-ერევანი (#201)

კომპანიის გადაწყვეტილებით,

მომხდარის გამო, ზემოთჩამოთვლილი მიმართულებით მოძრავი მატარებლები პირველივე ახლო მდებარე სადგურებში გაჩერდებიან, რათა მგზავრებმა სურვილისამებრ შეძლონ მატარებლებიდან ჩამოსვლა. საქართველოს რკინიგზა ყველა რეისის საწყის სადგურზე დაბრუნებას უზრუნველყოფს. სურვილისამებრ მგზავრებს შეეძლებათ მატარებლებით საწყის სადგურებში დაბრუნება.

კომპანია მგზავრებს სრულად აუნაზღაურებს მგზავრობის საფასურს.

კიდევ ერთხელ შეგახსენებთ, რომ ბოლო დღეებში მატარებლების შეყოვნებები გამოწვეულია დასავლეთში არსებული უამინდობისა და უხვი ნალექის გამო.,,-საქართველოს რკინიგზა

: საზოგადოება; 01 ივლისი 2023; გადასვლები: 1060

მოსკოვი-ქუთაისი-მოსკოვი-პირდაპირი რეისი რამდენიმე დღეში შესრულდება

რუსულმა ავიაკომპანიამ Red Wings საქართველოს მიმართულებით პირდაპირ რეისებზე ბილეთების გაყიდვა დაიწყო.

ავიაკომპანია მოსკოვი-ქუთაისი-მოსკოვის და სოჭი- თბილისი-სოჭის მიმართულებით იფრენს.

მოსკოვიდან ქუთაისის მიმართულებით რეისები რამდენიმე დღეში, სავარაუდოდ, 10 ივლისს, ხოლო სოჭი-თბილისის მიმართულებით 11 ივლისს შესრულდება.

: საზოგადოება; 01 ივლისი 2023; გადასვლები: 841

დღეს საქართველოში უკრაინაში დაღუპული ორი ქართველი ჩამოასვენეს,ერთი მათგანი ქუთაისელი მალხაზ კვიჟინაძეა

დღეს გამთენიას, თბილისის საერთაშორისო აეროპორტში უკრაინაში დაღუპული კიდევ ორი სამხედრო - მალხაზ კვიჟინაძე და ჯონი ოდიშვილი ჩამოასვენეს.

ლუგანსკის ოლქში, ლისიჩანსკთან დაღუპული მალხაზ კვიჟინაძე ქუთაისელი იყო. გამოცდილი სამხედრო ომის პირველივე დღეებიდან,რუსი ოკუპანტების წინააღმდეგ იბრძოდა.

მალხაზ კვიჟინაძეს ოთხი შვილი დარჩა.

სოფელ ტყვიავიდან იყო ჯონი ოდიშვილი. ის ბახმუტთან დაიჭრა. ოდიშვილი ბრძოლის ველიდან ცოცხალი გამოიყვანეს, მაგრამ ექიმებმა მისი გადარჩენა ვერ შეძლეს.

: საზოგადოება; 30 ივნისი 2023; გადასვლები: 845

3 ივლისიდან,გამოცდების პერიოდში მუნიციპალური ტრანსპორტი 06:30 საათიდან იმუშავებს

ქუთაისის სატრანსპორტო კომპანიის ინფორმაციით, ერთიანი ეროვნული გამოცდების პერიოდში მუნიციპალური ტრანსპორტი, დილის 06:30 საათიდან იმუშავებს.

ერთიანი ეროვნული გამოცდები 3 ივლისს იწყება და 26 ივლისს დასრულდება.

,,ქუთაისის სატრანსპორტო კომპანია მზად არის აბიტურიენტებისა და საგამოცდო პროცესში მონაწილე პირების დროული და უსაფრთხო გადაადგილებისთვის.,,-წერია ქუთაისის სატრანსპორტო კომპანიის მიერ გავრცელებულ განცხადებაში .

: საზოგადოება; 29 ივნისი 2023; გადასვლები: 1396

ხარაგაულის მუნიციპალიტეტში, ძლიერი წვიმის გამო ლიანგადები დაიტბორა-საქართველოს რკინიგზა

,,საქართველოს რკინიგზის“ ინფორმაციით, ხარაგაულის მუნიციპალიტეტში, სოფელ ბაბის მიმდებარედ ძლიერი წვიმის გამო, სანიაღვრე ჭებიდან გადმოსულმა უხვმა რაოდენობის წყალმა ლიანდაგები დატბორა, ასევე გამოიწვია ლიანდაგების მიმდებარედ ნიადაგის ჩამოშლა, რის გამოც, ზუგდიდი-თბილისისა და ბათუმი-თბილისის მიმართულებით მოძრავი მატარებლები გაჩერებულია.

,,დასავლეთში არსებული ძლიერი წვიმის გამო, სოფელ ბაბის მიმდებარედ, სანიაღვრე ჭებიდან გადმოსულმა უხვმა რაოდენობის წყალმა ლიანდაგები დატბორა. ასევე გამოიწვია ლიანდაგების მიმდებარედ ნიადაგის ჩამოშლა. ორივე მიმართულებით მოძრაობა გაჩერებულია. კერძოდ, შეჩერებულია ზუგდიდი-თბილისისა და ბათუმი-თბილისის მიმართულებით მოძრავი მატარებლები. საქართველოს რკინიგზამ სამუშაო ძალის მაქსიმალური მობილიზება განახორციელა და მიმდინარეობს გაწმენდა/აღდგენითი სამუშაოები. ამ ეტაპზე ზუსტი პროგნოზის გაკეთება მოძრაობის აღდგენასთან დაკავშირებით შეუძლებელია. დროის მოკლე მონაკვეთებში განვაახლებთ ინფორმაციას.,,-საქართველოს რკინიგზა.

ფოტო პირობითია.

: საზოგადოება; 29 ივნისი 2023; გადასვლები: 776

ნარკოდანაშაულის ბრალდებით 52 პირია დაკავებული, მათ შორის იმერეთშიც

შინაგან საქმეთა სამინისტროს ცენტრალური კრიმინალური პოლიციის, თბილისის, იმერეთის რაჭა-ლეჩხუმისა და ქვემო სვანეთის, აჭარის, შიდა ქართლის, სამეგრელო-ზემო სვანეთის და კახეთის პოლიციის დეპარტამენტების თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად, თბილისსა და რეგიონებში ნარკოდანაშაულის ბრალდებით 52 პირი დააკავეს, მათ შორის 37 ნარკორეალიზატორია.

დიდი და განსაკუთრებით დიდი ოდენობით ნარკოტიკული საშუალების უკანონო შეძენა-შენახვის, გასაღების, გასაღების მცდელობის და საქართველოში უკანონოდ შემოტანის ბრალდებით დაკავებული არიან, როგორც საქართველოს ასევე, გერმანიის, უკრაინის, თურქეთის, რუსეთის ფედერაციის, ნიგერიის, ინდოეთის და ირანის მოქალაქეები.

დანაშაულები 20 წლამდე ან უვადო თავისუფლების აღკვეთას ითვალისწინებს.

გამოძიებით დადგინდა, რომ ნარკოტიკული საშუალების გასაღებისა და გასაღების მცდელობისთვის დაკავებული პირები ნარკოტიკული საშუალებების გასაღების სქემებში იყვნენ ჩართული. ბრალდებულები კონკრეტულ ლოკაციებზე ათავსებდნენ ნარკოტიკულ საშუალებას, რასაც შემდგომ შესაბამისი აღნიშვნებითა და კოორდინატებით უგზავნიდნენ ნარკოტიკული საშუალების შეძენით დაინტერესებულ პირებს.

პოლიციამ, მოსამართის განჩინების საფუძველზე, რამდენჯერმე განახორციელა ნარკოტიკული საშუალებების საკონტროლო შესყიდვა და აღნიშნული შესყიდვის ფარული აუდიო და ვიდეო ჩაწერა.

სამართალდამცველებმა, დაკავებულების პირადი, საცხოვრებელი ბინების და მათი ავტომობილების ჩხრეკისას ნივთმტკიცებად დიდი და განსაკუთრებით დიდი ოდენობით სხვადასხვა სახის ნარკოტიკული საშუალებები ამოიღო.

ნივთმტკიცებად ამოღებულია: „ჰეროინი“, „კოკაინი“, „მეტამფეტამინი“, „ოპიუმი“, „პრეგაბალინი“, „ამფეტამინი“, „მდმა“, „ექსტაზი“,, „ბუპრენორფინი“, „მეთადონი“, გამომშრალი „მარიხუანა“, მცენარე „კანაფი“ და სხვადასხვა სახის ფსიქოტროპული ნივთიერება.

ნარკოტიკულ საშუალებებზე დაკავებული ორი პირისგან ამოღებულია ასევე, ცეცხლსასროლი იარაღები

დღის სიახლეები

საზოგადოება

Search