საზოგადოება

: საზოგადოება; 19 მაისი 2023; გადასვლები: 838

ქუთაისში მომხდარი ძარცვის ფაქტი გახსნილია-დაკავებულია ერთი პირი

შინაგან საქმეთა სამინისტროს იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ქუთაისის საქალაქო სამმართველოს თანამშრომლებმა, ჩატარებული საგამოძიებო მოქმედებებისა და ოპერატიული ღონისძიებების შედეგად, 2004 წელს დაბადებული გ.მ. ძარცვის ბრალდებით დააკავეს.

დანაშაული 5-დან 8 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ბრალდებულმა ქუთაისში, თაბუკაშვილის ქუჩაზე მდებარე ერთ-ერთი მარკეტის მოლარე ოპერატორს, ძალის გამოყენებით გასტაცა სალაროს უჯრა, მასში არსებული თანხით და შემთხვევის ადგილიდან მიიმალა.

სამართალდამცველებმა, ჩატარებული საგამოძიებო მოქმედებების შედეგად, დანაშაულის ჩამდენი პირი, მომხდარიდან რამდენიმე საათში დააკავა. პოლიციამ ძარცვის შედეგად დაუფლებული თანხის ნაწილი ნივთმტკიცებად ამოიღო.

გამოძიება საქართველოს სისხლის სამართლის კოდექსის 178-ე მუხლის მე-3 ნაწილის "დ" ქვეპუნქტით მიმდინარეობს, რაც ძალადობის გამოყენებით ჩადენილ ძარცვას გულისხმობს.

: საზოგადოება; 18 მაისი 2023; გადასვლები: 711

დააზიანა თუ არა ზესტაფონში კორპუსი გვირაბის მშენებლობამ?

საავტომობილო გზების დეპარტამენტი ზესტაფონში საცხოვრებელი კორპუსის დაზიანების ფაქტს ეხმაურება. დეპარტამენტის ინფორმაციით,საცხოვრებელ შენობას შორაპანი-არგვეთას მონაკვეთზე გვირაბის მშენებლობამდე ქონდა ბზარები.

,,გვსურს გამოვეხმაუროთ მედიაში არაერთხელ გავრცელებულ ინფორმაციას იმის შესახებ, რომ თითქოს ქალაქ ზესტაფონში, უზნაძის ქუჩა N132-ში მდებარე საცხოვრებელი კორპუსი დააზიანა შორაპანი-არგვეთას მონაკვეთზე გვირაბის მშენებლობამ.

მაგისტრალური გზის სამშენებლო სამუშაოების დაწყებამდე, წინა სამშენებლო კვლევების ეტაპზე, ჩატარდა გვირაბიდან 250 მეტრის მანძილზე არსებული ყველა საცხოვრებელი სახლის, მათ შორის, უზნაძის ქ. N132-ში მდებარე კორპუსის ტექნიკური მდგომარეობის აღწერა. აღწერის მიხედვით, კორპუსში არსებული საცხოვრებელი ბინები, სამშენებლო სამუშაოების დაწყებამდეც იყო დაზიანებული და კედლებზე აღინიშნებოდა არაერთი დიდი ბზარი.

ვინაიდან საცხოვრებელ სახლზე არსებული ბზარები იძლეოდა უსაფრთხოების დაცვის ვალდებულებას, 2021 წლის ნოემბრიდან, კორპუსში მცხოვრები მოქალაქეები, სამუშაოების პროცესში, უზრუნველყოფილი იყვნენ დროებითი ქირით.

კორპუსზე სამშენებლო სამუშაოების ზეგავლენის დასადგენად, სამუშაოების დაწყებისთანავე, საავტომობილო გზების დეპარტამენტმა მიმართა სსიპ ლევან სამხარაულის სახელობის სასამართლო ექსპერტიზის ეროვნულ ბიუროს.

თავდაპირველი ექსპერტიზის დასკვნის მიხედვით, ბინებზე გვირაბის სამშენებლო სამუშაოებს, ვიზუალური დათვალიერებისა და კონტროლის მიზნით აღებული მონაცემების მიხედვით, ზეგავლენა არ ჰქონდა. კორპუსთან მდებარე გვირაბის მშენებლობის დასრულების შემდეგ, დეპარტამენტმა ხელახლა მიმართა ექსპერტიზის ბიუროს. მეორე დასკვნის მიხედვითაც, შორაპანი-არგვეთას მონაკვეთზე ჩატარებულ სამშენებლო სამუშაოებს შენობის ტექნიკურ მდგომარეობაზე ზეგავლენა არ აქვს.

აღნიშნული დასკვნების გათვალისწინებით, არ დადასტურდა უზნაძის ქ. N132-ში მდებარე საცხოვრებელ კორპუსზე სამშენებლო სამუშაოების ზეგავლენა. დასრულდა გვირაბის გაყვანის სამუშაოებიც. შესაბამისად, აღარ არსებობს კორპუსის მაცხოვრებელთა ქირით უზრუნველყოფის საფუძველი.

საავტომობილო გზების დეპარტამენტს უზნაძის ქ. N132-ში მდებარე კორპუსის მაცხოვრებლებთან, სამუშაოებისა და კვლევების წარმოების ყველა ეტაპზე, ჰქონდა აქტიური კომუნიკაცია მათი ინფორმირების მიზნით.,,-საავტომობილო გზების დეპარტამენტი.

: საზოგადოება; 18 მაისი 2023; გადასვლები: 839

ქუთაისის მერიაში მამაკაცი შეიჭრა და მინა ჩაამსხვრია

მოქალაქემ ქუთაისის მერიის შენობის მინა ჩაამსხვია.

თვითმხილველების თქმით, მამაკაცი აგრესიულად იქცეოდა და თვითმმართველობას უყურადღებობაში ადანაშაულებდა.

ადგილზე მობილიზებულები იყვნენ სამართალდამცველები.

: საზოგადოება; 18 მაისი 2023; გადასვლები: 956

ქუთაისში ოლიმპიური საცურაო აუზის მშენებლობა დასრულდა

პროექტი საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა განახორციელა.

თანამედროვე, ოლიმპიური სტანდარტის საცურაო აუზის სიგრძე 50 მეტრი, ხოლო სიგანე 25 მეტრია. აუზის კომპლექსში მოეწყო 600-მდე მაყურებელზე გათვლილი ტრიბუნა, მცირე საბავშვო აუზი, სავარჯიშო დარბაზები, გასახდელები სპორტსმენებისა და მსაჯებისათვის, სივრცეები კვებისა და სპორტული ინვენტარის მაღაზიებისათვის.

ოლიმპიური აუზის შენობა აღჭურვილია თანამედროვე საინჟინრო ქსელებით, საფილტრაციო და სატუმბი სადგურებით, გათბობის, გაგრილების და სახანძრო სისტემებით. აუზის გარე ტერიტორიაზე მოეწყო პარკინგი და გარე კაფე.

ახალი აუზით სარგებლობას შეძლებენ როგორც მოყვარულები, ისე სპორტსმენები საწყლოსნო სპორტის სხვადასხვა სახეობაში. ოლიმპიური აუზი მოემსახურება ადგილობრივ და საერთაშორისო სპორტულ ღონისძიებებსაც.

აუზის ინფრასტრუქტურა ადაპტირებულია შეზღუდული შესაძლებლობების მქონე პირთათვის. ამჟამად, სრულდება საცურაო აუზის აღჭურვა და მიმდინარეობს ტესტირების პროცესი.

ქუთაისში ოლიმპიური აუზის მშენებლობა 2021 წლის აპრილში, აზიის განვითარების ბანკის (ADB) 13.6 მილიონი ლარის ფინანსური მხარდაჭერით დაიწყო.

შესრულებული სამუშაოები ქუთაისის მერმა ,საქართველოს რეგიონული განვითარებისა და ინფრასტრუქტურის მინისტრმა , იმერეთში სახელმწიფო რწმუნებულმა და საკრებულოს თავმჯდომარემ დაათვალიერეს.

: საზოგადოება; 17 მაისი 2023; გადასვლები: 767

პირი,რომელმაც ორი პოლიციელი მოკლა,დაკავებულია

შინაგან საქმეთა სამინისტრო ღრმა მწუხარებას გამოთქვამს შიდა ქართლში, ქარელის რაიონში მომხდარი ავტოსაგზაო შემთხვევის გამო, რამაც საპატრულო პოლიციის დეპარტამენტის ორი თანამშრომელი იმსხვერპლა.

უწყების მიერ გავრცელებული ინფორმაციით, პირი, რომელიც პოლიციის ეკიპაჟს დაეჯახა, დაკავებულია.

„1993 წელს დაბადებული, წარსულში ნასამართლევი, არაფხიზელ მდგომარეობაში მყოფი გ.ლ. დიდი სიჩქარით მოძრაობდა ქარელის რაიონში და საავტომობილო გზის გვერდულზე მდგომ საპატრულო პოლიციის ეკიპაჟს დაეჯახა, რის შედეგადაც შემთხვევის ადგილზე გარდაიცვალნენ ავტომანქანაში მსხდომი საპატრულო პოლიციის თანამშრომლები: 1972 წელს დაბადებული ომარ ქარელი და 1992 წელს დაბადებული ვანო ბასანიძე.

სამართალდამცველებმა გ.ლ დააკავეს.

გამოძიება საქართველოს სისხლის სამართლის კოდექსის 276-ე მუხლის მე-9 ნაწილით მიმდინარეობს, რაც ალკოჰოლის ზემოქმედების ქვეშ, ტრანსპორტის მოძრაობის უსაფრთხოების წესის დარღვევას გულისხმობს, რამაც ორი ადამიანის სიცოცხლის მოსპობა გამოიწვია“, - ნათქვამია უწყების მიერ გავრცელებულ ინფორმაციაში.

: საზოგადოება; 16 მაისი 2023; გადასვლები: 2866

22 მაისიდან ბაღდათის მუნიციპალიტეტის საავტომობილო გზებზე კამერები ჩაირთვება

ქუთაისი(საღორია)-ბაღდათი-აბასთუმანი-

ბენარას, ვარციხე-როხის, ბაღდათი-ვანი-დაფნარის და ზესტაფონი-ბაღდათის შიდასახელმწიფოებრივი მნიშვნელობის საავტომობილო გზების 16 ლოკაციაზე განხორციელდა ნომრის ამომცნობი ვიდეო სამეთვალყურეო სისტემის მონტაჟი. რომლებიც ფუნქციონირებას

ორშაბათს 22 მაისიდან დაიწყებს.

გთხოვთ გაითვალისწინოთ აღნიშნული რეგულაციები.

1. ქუთაისი (საღორია)-ბაღდათი-აბასთუმანი-ბენარა პკ. 09კმ+380მ. (კამერა 3 ცალი)---70 კმ/სთ;

2. ქუთაისი (საღორია)-ბაღდათი-აბასთუმანი-ბენარა პკ. 16კმ+400მ. (კამერა 2 ცალი)---50 კმ/სთ და 70 კმ/სთ;

3. ქუთაისი (საღორია)-ბაღდათი-აბასთუმანი-ბენარა პკ. 19კმ+630მ. (კამერა 2 ცალი)---40 კმ/სთ;

4. ქუთაისი (საღორია)-ბაღდათი-აბასთუმანი-ბენარა პკ. 21კმ+800მ. ---40 კმ/სთ;

5. ქუთაისი (საღორია)-ბაღდათი-აბასთუმანი-ბენარა პკ. 24კმ+780მ. ---40 კმ/სთ;

6. ვარციხე-როხი პკ. 06კმ+370მ.---40 კმ/სთ;

7. ვარციხე-როხი პკ. 03კმ+880მ.---40 კმ/სთ;

8. ვარციხე-როხი პკ. 02კმ+550მ. (კამერა 2 ცალი)---40 კმ/სთ;

9. ვარციხე-როხი პკ. 01კმ+100მ.---70 კმ/სთ;

10. ბაღდათი-ვანი-დაფნარი პკ. 00კმ+450მ.---40 კმ/სთ;

11. ბაღდათი-ვანი-დაფნარი პკ. 04კმ+230მ.---40 კმ/სთ;

12. ბაღდათი-ვანი-დაფნარი პკ. 8კმ+550მ.---40 კმ/სთ;

13. ბაღდათი-ვანი-დაფნარი პკ. 11კმ+750მ. (კამერა 3 ცალი)---40 კმ/სთ;

14. ზესტაფონი-ბაღდათი პკ. 17კმ+450მ.---40 კმ/სთ;

15.სოფელ ვარციხეში გეგუთის გზაზე ---40 კმ/სთ;

16.სოფელ დიმში ფულარიანების უბანში---40 კმ/სთ;

კამერების მონტაჟი ბაღდათის მუნიციპალიტეტის მერიამ გახშირებული ავარიების თავიდან აცილების მიზნით, მოსახლეობის მოთხოვნის საფუძველზე განახორციელა.

დღის სიახლეები

საზოგადოება

Search