ქუთაისის საკრებულოს თავმჯდომარის მოვალეობის შემსრულებელმა ირაკლი შენგელიამ საკრებულოს სხდომაზე განაცხადა, რომ მზად არის როგორც ექიმი , ჩაერთოს კოვიდ პანდემიასთან ბრძოლაში.
,,ამ პერიოდში ბროლის წინა ხაზზე, სწორედ, ჯანდაცვის სფეროს წარმომადგენლები არიან და ყველაზე დიდ დარტყმასაც ეს სექტორი იღებს. ჯანდაცვის სისტემის გამართული ფუნქციონირება არის სასიცოცხლო მნიშვნელობის და ამ პროცესში თანაბრად არის ჩართული მმართველი რგოლიც, როგორც ცენტრალურ, ასევე ადგილობრივ დონეზე.
ვგრძნობ რა ამ გამოწვევის მნიშვნელობას და პროფესიულ პასუხისმგებლობას, მზად ვარ, როგორც ექიმი ჩავერთო კოვიდ პანდემიასთან ბრძოლის საქმეში. მივმართავ პირველადი ჯანდაცვის თუ ჰოსპიტალური სექტორის წამომადგენლებს, ვიქნები თქვენ გვერდით როგორც ექიმ რადიოლოგი და რენტგენ ლაბორანტი, ჩემი კომპეტენციის ფარგლებში შევასრულებს პროფესიული საქმიანობას, ნებისმიერი ფორმით და დროით, დამატებითი პირობების გარეშე, იმ ნაწილში სადაც ამის საჭიროება ყველაზე მეტად გექნებათ! “-განცხადა ირაკლი შენგელიამ.
ირაკლი შენგელია პროფესიით რადიოლოგია, საქართველოს რადიოლოგთა ასოციაციისა და ევროპის რადიოლოგთა ასოციაციის წევრი; მას პროფესიული განათლება მიღებული აქვს თბილისის სახელმწიფო სამედიცინო უნივერსიტეტში და ბელორუსის სახელმწიფო სამედიცინო უნივერსიტეტში. 2009 წლიდან მუშაობდა სხვადასხვა პოზიციაზე მინსკისა და ქუთაისის მულტიპროფილურ კლინიკებში, 2014-2018 წლებში იყო კლინიკა ბომონდის რადიოლოგიური დეპარტამენტის ხელმძღვანელი.
