დასაქმების ფორუმი  განათლების განვითარების და დასაქმების ცენტრის (EDEC) მიერ იყო ორგანიზებული, დასაქმების ხელშეწყობის სახელმწიფო სააგენტოსთან პარტნიორობით (SESA), ევროკავშირის ფინანსური მხარდაჭერით, პროექტის „სწავლა, წვრთნა, მიღწევა და კავშირების დამყარება დასაქმებისთვის! (ისწავლე დასაქმებისთვის!) LEARN“ ფარგლებში.

 

ფორუმს ქუთაისის მერი დაესწრო.

„ დასაქმების ფორუმი საუკეთესო საშუალებაა სამუშაოს მაძიებელთა და დამსაქმებელთა შორის სწრაფი და ეფექტური კომუნიკაციებისთვის. დღეს განათლების განვითარებისა და დასაქმების ცენტრის მიერ ორგანიზებულ დასაქმების ფორუმზე 35 კომპანია იყო წარმოდგენილი 150-მდე ვაკანტური ადგილით. სამუშაოს მაძიებლებს შესაძლებლობა ჰქონდათ შეხვედროდნენ  პოტენციურ დამსაქმებლებს და  ეპოვნათ  სასურველი ვაკანსია.” - განაცხადა იოსებ ხახალეიშვილმა.

 

 დასაქმების ფორუმის მიზანია ახალგაზრდების, იძულებით გადაადგილებული, სამუშაო გამოცდილების არმქონე, ხანგძლივი პერიოდის განმავლობაში დაუსაქმებელი პირებისა და მოწყვლადი ჯგუფების დასაქმების ხელშეწყობა.