ცნობილი საოპერო მომღერალი, ფონდ "იავნანას"დამფუძნებელი პაატა ბურჭულაძე ქუთაისის ოპერის თეატრში არ შეუშვეს - ინფორმაციას "ნაციონალური მოძრაობის" წევრი გიგა შუშანია ფეისბუქზე ავრცელებს.
"დღეს ქუთაისის მერის დავალებით ოპერის თეატრის კარი ჩაუკეტეს პაატა ბურჭულაძეს (ოპერის თეატრის დათვალიერების მიზნით იყო მისული). ეს იგივეა, მესი რომ ჩამოსულიყო "ტორპედოს" სტადიონის დასათვალიერებლად და არ შეეშვათ. გუშინ რუსთავის ციხესთან ქუთაისის მერის მხარდამჭერების სამარცხვინო აქციის შემდეგ, თუ ახალ რეკორდებს მოხსნიდნენ, მეც ვერ წარმომედგინა", - წერს შუშანია.
პაატა ბურჭულაძე ქუთაისის მერობის ოპოზიციონერი კანდიდატის ,ხატია დეკანოიძის მხარდამჭერია.
ქუთაისის ოპერის თეატრის დირექციას ოფიციალური განცხადება ჯერ არ გაუვრცელებია.
