პოლიტიკა

: პოლიტიკა; 31 ოქტომბერი 2020; გადასვლები: 1053

12 საათის მონაცემებით ქუთაისში ხმა 25 391 ადამიანმა მისცა

12 საათის მონაცემებით ქუთაისში ხმა 25 391 ამომრჩეველმა მისცა,რაც 16,38 %-ია.გასულ საპარლამენტო არჩევნებზე აქტივობა 14,4 % იყო.

ამ დროისთვის ქუთაისის 59-საოლქო საარჩევნო კომისიაში 2 საჩივარია შესული.საჩივრები პროცედურული ხასიათისაა.

: პოლიტიკა; 31 ოქტომბერი 2020; გადასვლები: 1144

,,ხმა მივეცი ჩვენი ქალაქის განვითარებას და წინსვლას,,-გიგა შუშანია

,,ერთიანი ნაციონალური მოძრაობის,, ქუთაისის მერობის კანდიდატმა საკუთარი არჩევანი 117-ე უბანზე დააფიქსირა.

,,დღეს მარიამთან ერთად უკვე ვიყავი არჩევნებზე და ხმა მივეცი ჩვენი შვილების ნათელ მომავალს, კანონს "ქუთაისის განსაკუთრებული სტატუსის შესახებ", პარლამენტის ქუთაისში დაბრუნებას, ჩვენი ლამაზი ქალაქის სწრაფ განვითარებას და წინსვლას.ყველა საქმე უნდა გადავდოთ და მივიდეთ არჩევნებზე. დღეს ქართველი ხალხის გამარჯვების დღეა,,-განაცხადა გიგა შუშანიამ.

: პოლიტიკა; 31 ოქტომბერი 2020; გადასვლები: 1138

,,ერის გაერთიანებას და ზიზღის დამთავრებას მივეცი ხმა,,-გრიგოლ ვაშაძე

"ნაციონალური მოძრაობის" მაჟორიტარი დეპუტატობის კანდიდატმა გრიგოლ ვაშაძემ არჩევანი 22-ე საარჩევნო უბანზე გააკეთა. მისი თქმით, ხმა ერის გამთლიანებას და ზიზღის დასრულებას მისცა.

"პატიოსან სიტყვას გაძლევთ, ერის გაერთიანებას და ზიზღის დამთავრებას მივეცი ხმა, იმას რომ მოსახლეობის 50% აღარ იყოს შიდა ემიგრაციაში, ხელისუფლებას და სახელმწიფოს არ თვლიდეს არათავისიანად. იმას მივეცი ხმა, რომ საქართველოს ეროვნული თანხმობა მოხდეს. განწყობები არის ისეთი, რომ წესით, ქუთაისში უნდა მოვიგოთ. პარლამენტი იქნება ისეთი, როგორიც საქართველოში არასოდეს ყოფილა, მრავალპარტიული და განსხვავებული"-განაცხადა გრიგოლ ვაშაძემ.

: პოლიტიკა; 31 ოქტომბერი 2020; გადასვლები: 1110

,,ღირსეული,გონივრული და სამართლიანი არჩევანი გავაკეთე,,-ზაზა ლომინაძე

,,ქართული ოცნება-დემოკრატიული საქართველოს" ქუთაისის მაჟორიტარი დეპუტატობის კანდიდატმა ზაზა ლომინაძემ უკვე გააკეთა არჩევანი. მან ხმა ქუთაისში, #14 საარჩევნო უბანზე მისცა .

„ქუთაისის #23 მაჟორიტარული ოლქის # 14 საარჩევნო უბანზე დღეს მეც ისე მივედი, როგორც რიგითი ამომრჩეველი და უკვე მოვიხადე ჩემი მოქალაქეობრივი ვალი.

ზუსტად ვიცი, ღირსეული, გონივრული და სამართლიანი არჩევანი გავაკეთე. მჯერა, რომ თითოეული თქვენგანიც ასე მოიქცევა, მივა საარჩევნო ყუთთან და საქართველოს საუკეთესო მომავალს მისცა ხმა.

მე ჩემს თანაქალაქელებთან ერთად გავიარე წინასაარჩევნო პერიოდი და მათთან ერთად ვიქნები ყოველთვის, როგორც ქუთაისის მაჟორიტარი დეპუტატი საქართველოს პარლამენტში.

კიდევ ერთხელ გეუბნებით ყველას მადლობას ნდობისა და მხარდაჭერისთვის!

მშვიდობიან, ძლიერ და წარმატებულ საქართველოში გვეცხოვროს! „- განაცხადა ზაზა ლომინაძემ და ქუთაისელებს მოქალაქეობრივი აქტიურობისკენ მოუწოდა.

: პოლიტიკა; 31 ოქტომბერი 2020; გადასვლები: 1182

,,პროცესი ხელოვნურად ყოვნდება,,-გიორგი თევდორაძე საარჩევნო უბნებთან შექმნილ რიგებზე

საარჩევნო უბნებთან ამომრჩეველთა დიდ რიგებს ოპოზიცია ხელოვნურად შექმნილ ბარიერს უწოდებს

ხმის მიცემის პროცედურის დაწყებიდან ხალხმრავლობაა საარჩევნო უბნებზე. როგორც ,,სტრატეგია-აღმაშენებლის" ერთ-ერთმა ლიდერმა გიორგი თევდორაძემ განაცხადა, ,,ქართული ოცნება" ცდილობს ამ გზით ცვლილებებისთვის მისულ ადამიანებს ხელოვნური ბარიერი შეუქმნას.

,,არის დიდი რიგები, რეგისტრატორები შეგნებულად ნელა მუშაობენ. პროცესი ხელოვნურად ყოვნდება, რომ რაც შეიძლება დიდი რიგები იყოს საარჩევნო უბნებთან. უნდათ ამ მეთოდით ადამიანებმა ხელი აიღონ ხმის მიცემისგან და მოთმინებადაკარგულები უკან გაბრუნდნენ."-განაცხადა თევდორაძემ.

: პოლიტიკა; 31 ოქტომბერი 2020; გადასვლები: 1027

,,ხმა მივეცი იმას,რაც საქართველოს ჭირდება,,-თორნიკე ართქმელაძე

,,ლელოს,,წყალტუბო, სამტრედია ,ხონისა და ვანის მაჟორიტარი დეპუტატობის კანდიდატმა თორნიკე ართქმელაძემ ხმა სამტრედიაში , 39-ე საარჩევნო უბანზე მისცა.

"უმნიშვნელოვანესია დღეს მაქსიმალურად ბევრმა ადამიანმა დააფიქსიროს თავისი მოქალაქეობრივი პასუხისმგებლობა, მხოლოდ ასე შევძლებთ ჩაკეტილი ორპოლუსიანი პოლიტიკური ველის გარღვევას.

რა თქმა უნდა ხმა მივეცი ჭეშმარიტ სტაბილურობას, ჭეშმარიტად თითოეულ ადამიანზე მორგებულ ხვალინდელ დღეს, იმას რაც საქართველოს სჭირდება, იმას რასაც რეალურად იმსახურებს ჩვენი სამშობლო."-განაცხადა თორნიკე ართქმელაძემ.

დღის სიახლეები

პოლიტიკის სიახლეები

Search