პოლიტიკოს გოგი წულიას 19 კილო აქვს დაკლებული და მისი ჯანმრთელობის მდგომარეობა მძიმეა. ადვოკატ ვალერი გელბახიანის განცხადებით, ის პირადი მოთხოვნის საფუძველზე მე- 18 პენიტენციალური სამედიცინო დაწესებულებიდან მერვე დაწესებულებაში გადაიყვანეს . პოლიტიკოსი მკურნალობასა და მედიკამენტების მიღებაზე უარს აცხადებს , თუმცა შიმშილობა შეწყვიტა და მხოლოდ რძის პროდუქტებს იღებს .
გოგი წულაიას სასამართლო პროცესი 1 ივლისსაა ჩანიშნული . ადვოკატი აღკვეთი ღონისძიების შეცვლას კვლავ მოითხოვს.
წულაიას მიმართ გამოძიება 138-ე მუხლით მიმდინარეობს, რაც სექსუალური ხასიათის სხვაგვარ ქმედებას გულისხმობს. ბრალის დამტკიცების შემთხვევაში კი 4 -დან 6 წლამდე თავისუფლების აღკვეთა ემუქრება.
პოლიტიკოსი 3 თვეზე მეტია დაკავებულია.
