განათლებისა და მეცნიერების მინისტრი მიხეილ ჩხენკელი და სსიპ ზურაბ ჟვანიას სახელობის სახელმწიფო ადმინისტრირების სკოლის დირექტორი ქეთევან ჯაყელი სახელმწიფო ენის სწავლებისა და ინტეგრაციის პროგრამის იმ ტრენერებს შეხვდნენ, რომლებიც პანდემიის გამოცხადებისთანავე წარმატებით გადავიდნენ სწავლების დისტანციურ რეჟიმზე. როგორც მიხეილ ჩხენკელმა აღნიშნა, ჟვანიას სკოლის თანამშრომელთა თავდაუზოგავმა შრომამ უწყვეტი გახადა განათლებისა და მეცნიერების სამინისტროს სერვისის- სახელმწიფო ენის სწავლების პროგრამის ხელმისაწვდომობა. პანდემიის პირობებში გაწეული ნაყოფიერი საქმიანობისთვის სახელმწიფო ენის სწავლების პროგრამის 55 ტრენერს გადაეცა მადლობის სიგელები. შექმნილი ეპიდემიოლოგიური მდგომარეობიდან გამომდინარე, შეხვედრა ონლაინ რეჟიმში წარიმართა. ჟვანიას სკოლა ონლაინ რეჟიმზე პანდემიის გამოცხადებიდან ორ კვირაში გადავიდა.

ჟვანიას სკოლა იწყებს ტრენერთა მომზადების/გადამზადების სასერთიფიკატო პროგრამის განხორციელებას სახელმწიფო ენის სწავლებისა და ინტეგრაციის საკითხებში. 21-ე საუკუნე მთელს ჩვენს საგანმანათლებლო სისტემას თანამედროვე გამოწვევების წინაშე აყენებს. ჟვანიას სკოლა მუდამ ქმნის განახლებულ პროგრამებს და არის ნოვატორი სახელმწიფო ენის სწავლების პროცესში. სწორედ ამიტომ, სკოლამ შეიმუშავა სახელმწიფო ენის სწავლებისა და ინტეგრაციის საკითხებში ტრენერთა მომზადება/გადამზადების სასერტიფიკატო პროგრამა. პროგრამა ემსახურება ტრენერთა მომზადებას ან/და გადამზადებას სახელმწიფო ენის სწავლებისა და ინტეგრაციის საკითხებში, რათა მათ შემდგომში უზრუნველყონ ეროვნული უმცირესობების წარმომადგენლებისთვის სახელმწიფო ენის სწავლება მათი ერთიან სახელმწიფოებრივ სივრცეში ინტეგრაციის ხელშეწყობისთვის. ჟვანიას სკოლის მიზანია, დაინტერესებულ პირებს მიაწოდოს სათანადო თეორიული და პრაქტიკული ცოდნა, რომელიც ესაჭიროებათ საქმიანობის სრულყოფილად განსახორციელებლად.

 ღონისძიებას კადეტთა სამხედრო ლიცეუმის დირექტორი, ვიცე-პოლკოვნიკი მალხაზ გოლეთიანი, ლიცეუმის დირექციის წარმომადგენლები, პედაგოგები და კადეტები ესწრებოდნენ.

ქუთაისის ორ საბავშვო ბაღში კორონა ვირუსი დაფიქსირდა.22-ე და   25-ე ბაღებში სააღმზრდელო პროცესი შეჩერებულია.22-ე ბაღში ვირუსი 2 თანამშრომელს, ხოლო 25-ში ერთ თანამშრომელს დაუდასტურდა.

ინფიცირებულებს,რომლებსაც არანაირი სიმპტომი არ აღენიშნებოდათ, კოვიდ-19 გეგმიური ტესტირებისას გამოუვლინდათ.ააიპ ბაგა-ბაღების გაერთიანების ხელმძღვანელმა  განმარტა,რომ 2 კვირაში აღნიშნული ფილიალები სააღმზრდელო პროცესის განახლებას შეძლებენ,მანამდე კი ქუთაისის მასშტაბით რეგისტრირებული 37 ფილიალიდან  35 შეუფერხებლად ფუნქციონირებს.

ქუთაისში დისტანციურ სწავლებაზე გადასული საკლასო ჯგუფების რაოდენობა 40-მდე გაიზარდა

ქუთაისის რესურსცენტრის ხელმძღვანელის  მაია ცქიტიშვილის განცხადებით, კორონავირუსის გავრცელების გამო სრულ დისტანციურ რეჟიმზეა გადასული 2 საჯარო სკოლა, ონლაინ გაკვეთილებზე გადასვლის სურვილი კი 2090-მა მოსწავლემ გამოთქვა

ქალაქ ქუთაისის 38 საჯარო სკოლიდან კორონავირუსის დადასტურების გამო, ამ ეტაპზე სრულ დისტანციურ რეჟიმზე გადასულია ორი საჯარო სკოლა, რომელიც ერთ შენობაშია განთავსებული- 23-ე და მე-7-ე საჯარო სკოლები, ხოლო ჰიბრიდულ სასწავლო სისტემაზე ქალაქის მასშტაბით ჯამში სხვადასხვა სკოლის 38 კლასი იმყოფება.