ბაღდათის მუნიციპალიტეტმა ქალაქური სიმღერის საღამოს უმასპინძლა.

ვლადიმერ მაიაკოვსკის სახლ-მუზეუმის ეზოში ანსამბლ „ ჩვენი კვარტეტის“ მომღერლებმა, ცნობილი ქართველი კომპოზიტორების შემოქმედებიდან ქალაქური სიმღერები შეასრულეს.

კონცერტთან ერთდ სახლ-მუზეუმის ეზოში, ბაღდათში მცხოვრები მხატვრის ფიქრია კოხოძის ნამუშევრები იყო გამოფენილი.

მოეწყო ადგილობრივი მეღვინეების სხვადასხვა ჯიშებისგან წარმოებული ღვინის გამოფენა-დეგუსტაცია.

ღონისძიება სახელწოდებით „ამღერებული იმერეთი“ ბაღდათის მუნიციპალიტეტის მერიის განათლების, კულტურის და ახალგაზრდულ საქმეთ სამსახურის, და ა.(ა).ი. პ. ხელოვნებისა და კულტურის განვითარების ცენტრის ორგანიზებით გაიმართა , რომელიც მიზნად ქართული მუსიკის პოპულარიზაციას, ადგილობრივი მეწარმეების მხარდაჭერას და შიდა ტურიზმის განვითარებას ისახავდა.

ააიპ ,,კულტურულ, სახელოვნებო, საგანმანათლებლო დაწესებულებათა გაერთიანების“  ფილიალებში ახალი სასწავლო წელი 2020 წლის 1 ოქტომბერს დაიწყება.სწავლის განახლებამდე ყველა იმ დაწესებულებაში , სადაც ფართომასშტაბიანი სარემონტო სამუშაოები არ ჩატარებულა, ლოკალურად მოწესრიგდება საკლასო ოთახები და სველი წერტილები. ოქტომბიდანვე  სასწავლო პროცესი ონლაინ რეჟიმშიც განახლდება. მოსწავლეებს თეორიული საგნები დისტანციურად, ხოლო პრაქტიკული საკლასო ოთახებში ჩაუტარდებათ.

,,კულტურულ, სახელოვნებო, საგანმანათლებლო დაწესებულებათა გაერთიანების“ მმართველმა ვაჟა ჯუღელმა  საბჭოს სათათბირო სხდომაზე ფილიალების ხელმძღვანელებისგან დეტალურად მოისმინა ინფორმაცია, როგორ მიმდინარეობს ჯანდაცვის სამინისტროს რეკომენდაციების შესრულება სასწავლო დაწესებულებებში. 

როგორც ვაჟა ჟუღელმა  განცხადა, საგანმანათლებლო ფილიალები სწავლის განახლებამდე  საჭირო ინვენტარს  მიიღებენ. მოსწავლეებს ჩაუტარდებათ თერმოსკრინინგი და შენობები აღიჭურვება  დეზობარიერებით.

სხდომაზე ასევე ისაუბრეს,  თუ როგორ უნდა დაიცვან მოსწავლეებმა საკლასო ოთახებში ერთ მეტრიანი დისტანცია.

ქუთაისის მერიაში „ქუთაისის ახალგაზრდული ცენტრის“ სამხატვრო სკოლის მოსწავლეებს უმასპინძლეს, რომელთა ნახატებით ილუსტრირებული ზღაპრების წიგნების პოსტერები ამ დღეებში პარიზის მეტროპოლიტენში გამოიფინა. ქუთაისის მერის მოვალეობის შემსრულებელმა დავით ერემეიშვილმა, მერის მოადგილემ ირაკლი ქარქაშაძემ, ადმინისტრაციული სამსახურის უფროსმა პეტრე ადამაძემ, საკრებულოს თავმჯდომარის მოადგილემ რამაზ ჩხიკვაძემ პატარა მხატვრებს, „ახალგაზრდული ცენტრის“ ხელმძღვანელს და პედაგოგებს მიულოცეს ეს დიდი წარმატება და სამახსოვრო საჩუქრები გადასცეს. „ თითოეული ჩვენგანი ამაყობს დღეს თქვენით. პარიზში ნახატების გამოფენა ნებისმიერი მხატვრისთვის დიდი მიღწევაა და მით უფრო, თქვენს ასაკში. გილოცავთ და ყოველთვის გქონდეთ ჩვენი მხარდაჭერის იმედი!“- განაცხადა მერის მოვალეობის შემსრულებელმა დავით ერემეიშვილმა. „ახალგაზრდული ცენტრის“ დირექტორმა ნატალი პატარიძემ იმ წარმატებულ პროექტებზე ისაუბრა, რასაც ცენტრი წლების მანძილზე ახორციელებს. „ქუთაისის ახალგაზრდული ცენტრის“ მოსწავლეებმა თეკლა ჭედიამ, საბა ეძგვერაძემ, ნინი გოქაძემ, მარიამ ქავთარაძემ და მარიამ გოქსაძემ ილუსტრაციები ზღაპრების კრებულისთვის „გვრიტი“ შექმნეს. ქართული ზღაპრები ფრანგულ ენაზე პარიზში გამომცემლობა „მედუზამ“ გამოსცა. წიგნის წინასიტყვაობა ჟურნალისტ დავით ლიკლიკაძეს ეკუთნის. ცნობილი მხატვრებისა და პედაგოგების ნატალია, ქეთი და ნოე მიქავების აღსაზრდელების ნამუშევრები პარიზის მეტროში 4 თვის მანძილზე იქნება გამოფენილი.

გარდაიცვალა ცნობილი მსახიობი გოვენ ჭეიშვილი.