21 მარტს პროექტის: "ქალები და ახალგაზრდები ქალების მშვიდობისა და უსაფრთხოების დღის წესრიგის ადგილობრივ დონეზე განხორციელებისთვის" ფარგლებში, საინფორმაციო შეხვედრა ხონის მუნიციპალიტეტის სამუშაო ჯგუფის წევრებთან ჩატარდა.

შეხვედრაზე განხილულ იქნა ანკეტირების პროცესი, რომლის პროცესშიც ჯგუფის წევრები იქნებიან ჩართულები. ანკეტირების ფარგლებშიც მოხდება ხონის მუნიციპალიტეტში მცხოვრებ "იგპთა" საჭიროებების შესწავლა, შემდგომ გამოკვეთილი საკითხების ადვოკატირების მიზნით.

#UNWomen 

გენდერული სტერეოტიპი არის საზოგადოებაში გაბატონებული შეხედულება ქალისა და მამაკაცის როლების შესახებ. გენდერული სტერეოტიპი საზიანოა, როდესაც ის ზღუდავს ქალებისა და მამაკაცების შესაძლებლობებს განავითარონ თავიანთი პიროვნული უნარები, განაგრძონ თავიანთი პროფესიული კარიერა და/ან გააკეთონ არჩევანი თავიანთი ცხოვრების აწყმოსა და მომავალზე.

ქალთა ფონდი „სოხუმი“ აგრძელებს გენდერული სტერეოტიპების ნგრევის კამპანიას - თანასწორობის, ტოლერანტული და არაძალადობრივი კულტურისა და გარემოს დასამკვიდრებლად ჩვენს საზოგადოებაში.

მოზადებული ფილმი იხილეთ ლინკზე👇👇

https://fb.watch/bE4A4_uKSL/

ქალთა საერთაშორისო დღე ყოველი წლის  8 მარტს აღინიშნება . ეს არის  ქალთა ეკონომიკური, პოლიტიკური და სოციალური მიღწევების აღნიშვნის გლობალური დღესასწაული.  8 მარტი ოფიციალურ დღესასწაულად და უქმე დღედ რჩება ყოფილი საბჭოთა კავშირის ქვეყნებში, მათ შორის, საქართველოშიც.

1975 წელს გაერომაც აღიარა 8 მარტი ქალთა საერთაშორისო დღედ.

ქალთა სოლიდარობის საერთაშორისო დღის აღნიშვნის იდეა XX საუკუნის დასაწყისში დაიბადა. სწრაფი მსოფლიო ინდუსტრიალიზაციისა და ეკონომიკური ექსპანსიის ეპოქაში ხშირი იყო მასობრივი პროტესტები მუშათა აუტანელი სამუშაო პირობების გამო. ერთ-ერთი პირველი იყო ნიუ-იორკის სამკერვალო ფაბრიკების მუშა-ქალთა გაფიცვა1857  წლის 8 მარტს. მათი პროტესტი გამოიწვია ძალზე დაბალმა ხელფასმა და გაუსაძლისმა სამუშაო პირობებმა. ქუჩაში გამოსული, გაფიცული ქალები პოლიციამ დაარბია. 

მომდევნო წლებში 8 მარტს უფრო მეტი და ფართომასშტაბიანი პროტესტი ახლდა.1908 წელს ნიუ-იორკის ქუჩებში 15 ათასი ქალი გამოვიდა მოკლე სამუშაო დღის, უკეთესი ანაზღაურებისა და არჩევნებში ხმის მიცემის უფლების მოთხოვნით.1910  წელს, სოციალისტ-ინტერნაციონალმა კოპენჰაგენში  პირველი ქალთა საერთაშორისო კონფერენცია ჩაატარა. ამ ყრილობაზე გავლენიანი გერმანელი სოციალისტის, კლარა ცეტკინის ინიციატივით დაფუძნდა ქალთა საერთაშორისო დღე.

ქალთა ფონდი „სოხუმი“ აქტიურად მუშაობს გენდერული სტერეოტიპების რღვევის მიმართულებით სკოლამდელი აღზრდის დაწესებულელებსა და სკოლებში.

ქუთაისის  N1 ბაგა-ბაღის მენეჯერი, ზაალ ხონელიძე, ის გამონაკლისია, რომელიც ცდილობს ბავშვების  თანასწორობაზე დაფუძნებული ღირებულებებით აღზრდას.  რეალური ცვლილებების და თანასწორობის მისაღწევად, აუცილებელია, სახელმწიფომ აქტიურად იმუშაოს  გენდერული სტერეოტიპების აღმოსაფხვრელად და პრიორიტეტად დაისახოს ჯერ კიდევ სკოლამდელ დაწესებულებებში ბავშვების ცნობიერების ამაღლება, მოძველებული პატრიარქალური ნორმებისგან თავისუფალი ადამიანების აღზრდა, რომლებიც უარს იტყვიან უთანასწორობაზე,  გენდერულ სტერეოტიპებსა და ძალადობაზე მომავალში.

მომზადებული კ ლ ი პ ი იხილეთ ლინკზე👇👇

https://fb.watch/bwmYEA1t44/

პროექტის “ქალები და ახალგაზრდები ქალების მშვიდობისა და უსაფრთხოების დღის წესრიგის ადგილობრივ დონეზე განხორციელებისთვის"ფარგლებში, 24 თებერვალს, ონლიან რეჟიმში, ჩატარდა ტრენინგი ქუთაისის  ქალთა საინიციატივო ჯგუფის წევრებთან.