ქაუთაისის საგანმანათლებლო რესურს-ცენტრის ხელმძღვანელის ,მაია ცქიტიშვილის ინფორმაციით , ორშაბათიდან საჯარო სკოლების შემოწმება იწყება.შრომის უსაფრთხოების სამსახური ეტაპობრივად, სწავლის დაწყებამდე ყველა საგანმანათლებლო დაწესებულებაში შევა.
,,ჯანდაცვისა და განათლების სამინისტროების მიერ მოწოდებული ინფორმაციით, ჩვენ კერძო და საჯარო სკოლების შემოწმების ყოველდღიურ რეჟიმზე გადავდივართ.ეს გულისხმობს შრომის უსაფრთხოების სამსახურის შემოსვლას სკოლებში, შემოწმდება იმ რეკომენდაციების დაცულობა, რომელიც მიეცათ სკოლებს. ეს პროცესი კერძოებში უკვე დაწყებულია. საჯაროები კი იწყებენ ორშაბათს. თუ იქნება შემთხვევა, რომ სკოლას ექნება ხარვეზი, მაქსიმალურად შევეცდებით, იყოს აღმოფხვრილი, რომ 15 სექტემბრამდე გვქონდეს მზაობა, განვაახლოთ სასწავლო პროცესი,, განაცხადა მაია ცქიტიშვილმა.
მაია ცქიტიშვილის ინფორმაციით, სამინისტროს მითითებით, მე-4-ე კლასამდე მოსწავლეებთან დისტანციური სწავლება არ განიხილება, ხოლო მაღალი კლასის მოსწალეები სკოლაში 3 დღე ივლიან.