საირმის წყლის ჩამომსხმელი ქარხნის თანამშრომლები ხვალ აქციას თბილისში გამართავენ
საზოგადოება
გადასვლები: 760

კომპანია ,,საირმე მინერალ ვოთერსში,, დასაქმებულების გაფიცვა უკვე სამი კვირაა გრძელდება.

გაფიცულები ხელფასის მატებას, სანიტარული და უსაფრთხოების ნორმების გაუმჯობესებას ითხოვენ. მათი მოთხოვნები ამ დრომდე არ სრულდება. დასაქმებულები ხვალ, 6 მარტს,12:00 საათზე, მთავრობის კანცელარიასთან აქციის გამართვას გეგმავენ. 
 
,,კომპანიისა და ადგილობრივი ხელისუფლების წარმომადგენლები, დასაქმებულთათვის მოთხოვნების შესრულების მაგივრად, მათი დისკრედიტაციის, ხელფასების შეწყვეტისა და დარბევის გზას ირჩევენ.
 
გაფიცულები გრძნობენ პასუხისმგებლობას საზოგადოების წინაშე, ამ ეტაპზე ისინი არამხოლოდ საკუთარი შრომითი უფლებებისთვის არამედ საზოგადოებრივი ცნობიერების ფორმულირებისთვისაც იბრძვიან, მათი გამარჯვება ნიშნავს სხვადასხვა სამუშაო სივრცეში დასაქმებულთათვის იმედისა და დადებითი ცვლილებებისათვის ბრძოლის სურვილის გაღვიძებას, იმის დამტკიცებას რომ ბრძოლას ყოველთვის აქვს აზრი. 
 
სხვისი ინტერესების მხარდაჭერა რთულ და არახელსაყრელ სიტუაციაში შეგნებული საზოგადოების მახასიათებელია. რამდენადაც ძლიერი არ უნდა იყოს  ერთობა, საზოგადოების ფართო მხარდაჭერის გარეშე გამარჯვების მიღწევა გაძნელდება, სწორედ ამიტომ, მოგიწოდებთ სოლიდარობისკენ, 6 მარტს, 12:00 საათზე, მთავრობის კანცელარიასთან - საირმელთა გაფიცვა თბილსში გაგრძელდება,,-აცხადებენ ორგანიზატორები. 
 
ფოტო-"მაუწყებელი"
შემზარავი ფაქტი იმერეთში-არასრულწლოვანმა,რომელზეც სექსუალურად ძალადობდნენ, ბავშვი გააჩინა
საზოგადოება
გადასვლები: 823

იმერეთის მუნიციპალიტეტის ერთ-ერთ სოფელში არასრულწლოვანმა ბავშვი გააჩინა.ახალშობილი გარდაიცვალა.

გავრცელებული ინფორმაციით, დედა მეშვიდე კლასის მოსწავლეა,13 წლის.


ინფორმაცია საზოგადოებისთვის ,,ნოდარ მელაძის შაბათის ,, ანონსიდან გახდა ცნობილი.

შაბათის" ეთერმა მოიპოვა მეშვიდე კლასელის ჩვებნება, სადაც მოსწავლე ყვება, რომ 11 წლის ასაკიდან მას ბიძაშვილი და მისი მეზობელი ერთროდულად აუპატიურებდნენ.

სოფელი, სკოლა, მასწავლებლები - ყველა ამტკიცებს, რომ 9 თვის განმავლობაში მოსწავლის ორსულობის ამბავი ვერავინ გაიგო.

ფაქტზე მიმდინარეობს გამოძიება.

ალპანა-ცაგერის დამაკავშირებელი გზა მეწყერის ჩამოწოლის გამო ჩაიკეტა
საზოგადოება
გადასვლები: 829

ინტენსიური წვიმის შედეგად, ცაგერის მუნიციპალიტეტში გააქტიურდა სოფელ ღუს მეწყერი, ლაჯანის ტერიტორიაზე ჩამოიტანა ნაშალი მასა და დროებით ჩაკეტა ალპანა - ცაგერის დამაკავშირებელი გზა.

 
ჩატარებული გაწმენდითი სამუშაოების შედეგად ალპანა-ცაგერის საავტომობილო გზის აღნიშნული მონაკვეთი უკვე გახსნილია ნებისმიერი სახის ტრანსპორტისათვის.
 
სტიქიის ადგილზე დილიდან იმყოფება ცაგერის მუნიციპალიტეტის მერის მოვალეობის შემსრულებელი- ალუდა თუთისანი.
 
ადგილზე რჩება მობილიზებული ტექნიკა, რომელიც კვლავ განაგრძობს საჭიროების შემთხვევაში პრობლემურ მონაკვეთებზე მუშაობას.
საქართველოს ყველაზე მრავალფეროვანი ეროვნული პარკი-ოკაცეს კანიონი
საზოგადოება
გადასვლები: 882

ოკაცეს კანიონი “საქართველოს ყველაზე მრავალფეროვანი ეროვნული პარკის” ტიტულის მფლობელი გახდა. 

ოკაცეს კანიონი ხონის მუნიციპალიტეტში, სოფელ გორდში მდებარეობს და ექსტრემალური თავგადასავლების მოყვარულებს დაუვიწყარ თავგადასავლებს სთავაზობს. საქართველოში პირველი კლდეზე კიდული ბილიკი ოკაცეს კანიონს მიუყვება. ბილიკი ვიწროა და წრიული მოგზაურობა მხოლოდ ერთი მიმართულებითაა შესაძლებელი. 780 მეტრი სიგრძის კიდული ბილიკი 152 მეტრის სიმაღლეზეა, ბილიკის გვირგვინს კი, პანორამული გადასახედი წარმოადგენს.
ერთიანი ეროვნული გამოცდებისთვის რეგისტრაცია დღეს დაიწყო
საზოგადოება
გადასვლები: 860

2023 წლის ერთიანი ეროვნული გამოცდებისათვის რეგისტრაცია 2 მარტის 10:00 საათზე დაიწყო და 3 აპრილის 18:00 საათამდე გაგრძელდება. 

 
რეგისტრაცია მიმდინარეობს მხოლოდ ელექტრონულად შეფასებისა და გამოცდების ეროვნული ცენტრის ვებგვერდზე https://online.naec.ge/defonline/
 
აბიტურიენტთა რეგისტრაციის პროცესი წელსაც რამდენიმე ეტაპად ჩატარდება: 
პირველ ეტაპზე აბიტურიენტი ვალდებულია შეავსოს პირადი მონაცემები, აირჩიოს საგამოცდო ქალაქი, ჩასაბარებელი საგნები და საჭიროების შემთხვევაში მონიშნოს სპეციალური  პირობა;
საგნის შეცვლა ან დამატება, ასევე გამოცდის ენის შეცვლა აბიტურიენტებს 13 აპრილის 18:00 საათამდე შეეძლებათ;
საგანმანათლებლო პროგრამების ჩამონათვალში ცვლილებების შეტანის შესაძლებლობა გამოსაცდელებს აპელაციის შედეგების გამოქვეყნებიდან მომდევნო დღის 18:00 საათამდე ექნებათ.
 
ფოტო ,,აქტორის,, არქივიდან.
საიას ქუთაისის ფილიალს ახალი თავმჯდომარე ჰყავს
საზოგადოება
გადასვლები: 932

საიას ქუთაისის ფილიალის თავმჯდომარედ დარეჯან სალდაძე აირჩიეს. 

 
 დარეჯან სალდაძე 2019 წლის  იანვრიდან იკავებდა  საქართველოს ახალგაზრდა იურისტთა ასოციაციის ქუთაისის ფილიალის სამოქალაქო/ადმინისტრაციული სამართლის ადვოკატის პოზიციას. 2018 წლის მარტიდან არჩეულ იქნა საიას ქუთაისის ფილიალის თავმჯდომარის მოადგილედ. 
 
 მანამდე ის იყო პროექტის ,,ყველაზე მოწყვლადი პირებისა და თემების სოციალურ-ეკონომიკური უფლებების დაცვა და ხელშეწყობა საქართველოში" იურისტი (2018), საარჩევნო მონიტორი საიას ქუთაისის ფილიალში (2017), მუშაობდა ა(ა)აიპ კოალიცია დამოუკიდებელი ცხოვრებისათვის პროექტში ,,შეზღუდული შესაძლებლობის მქონე პირთა სამართლებრივი ადვოკატირება" უფლებადამცველის პოზიციაზე (2016), გაიარა სტაჟირება საქართველოს ცენტრალური საარჩევნო კომისიის საარჩევნო პროცესების მართვის დეპარტამენტში (2015), ევროპის საბჭოს მინისტრთა კომიტეტის პროექტის ,,სოციალური უფლებების მდგომარეობის სამართლებრივი გაანალიზება“  მკვლევარი (2015 ),  საიას ქუთაისის ფილიალში ადვოკატის თანაშემწე (2014-2015), ასევე გადიოდა სტაჟირებას იუსტიციის სამინისტროში მოქმედ სსიპ ,,დანაშაულის პრევენციის ცენტრის"  სამმართველოში (2013). 
 
 2021 წლიდან აკაკი წერეთლის სახელმწიფო უნივერსიტეტის ბიზნესის, სამართლისა და სოციალურ მეცნიერებათა ფაკულტეტის სამართლის დეპარტამენტში მუშაობს მოწვეული სპეციალისტის პოზიციაზე
 
 მას ჩაბარებული აქვს ადვოკატთა საკვალიფიკაციო გამოცდა საერთო სპეციალიზაციით, სპეციალიზირებულია ბავშვთა უფლებებსა და არასრუწლოვანთა მართმსაჯულებაში. 
 
 
  1. დღის მეორე ნახევრიდან ამინდი გაუარესდება
  2. ხვალიდან ქარიანი და ნალექიანი ამინდები დაიწყება
  3. წინააღმდეგობის ერთი წელი-უკრაინის მხარდამჭერი აქცია ქუთაისში
  4. რიკოთის უღელტეხილზე მოძრაობა აღდგა-საავტომობილო გზების დეპარტამენტი
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search