ვინ არის მამაკაცი,რომელიც წუხელ ქუთაისში მოკლეს?
საზოგადოება
გადასვლები: 840

ქუთაისში 50 წლამდე მამაკაცი სავარაუდოდ მეზობელმა მოკლა. 

მოკლული მამაკაცი, გიორგი ფანჩულიძე, 7 შვილის მამაა.დამნაშავე წარსულში ნააამართლებია.
 
როგორც შინაგან საქმეთა სამინისტროში განაცხადეს, მომხდართან დაკავშირებით გამოძიება სსსკ-ის 108-ე მუხლით მიმდინარეობს რაც განზრახ მკვლელობას გულისხმობა.
 
მკვლელობა გვიან ღამით ფარნავაზ მეფის ქუჩაზე მოხდა. გავრცელებული ინფორმაციით მამაკაცი ურთიერთშელპარაკების ნიადაგზე მეზობელმა მოკლა.
 
ფოტო-ტკ რიონი
ბაღდათის მუნიციპალიტეტში წყალმომარაგების და წყალარინების სისტემის რეაბილიტაციის პროექტზე მუშაობა მიმდინარეობს
საზოგადოება
გადასვლები: 945

ბაღდათის მუნიციპალიტეტში წყალმომარაგების და  წყალარინების სისტემის რეაბილიტაციის პროექტზე მუშაობა აქტიურად მიმდინარეობს.

ბაღდათის მუნიციპალიტეტის მერი კახა ენუქიძე, მერიის ინფრასტრუქტურის და  ეკონომიკის სამსახურების ხელმძღვანელებთან  ერთდ, საქართველოს გაერთიანებული წყალმომარაგების კომპანიის და გერმანული კომპანია "ფიხნერი"-ს წარმომადგენლებს შეხვდა. 
აღნიშნული კომპანია, ბაღდათის მუნიციპალიტეტში გაერთიანებული წყალმომარაგების კომპანიის დაკვეთით, წყალმომარაგების და წყალარინების სისტემის სრული რეაბილიტაციის,  საპროექტო კვლევას აწარმოებს. " ტურიზმისა და გარემოს გაუმჯობესებისთვის, კომუნალური ინფრასტრუქტურის კონცეპცის შემუშავების და განხორციელების შესწავლა" ასე ქვია პროექტს, რომელიც იმერეთის სამ მუნიციპალიტეტში, გერმანიის განვითარების ბანკის(KFW) ფინანსური მხარდაჭერით ხორციელდება. აღნიშნული პროექტი ქალაქ ბაღდათის და მიმდებარე სოფლების  წყლის სისტემის და წყალარინების სრულ უზრუნველყოფას მოიცავს. გერმანული კომპანია "ფიხნერი"-ს წარმომადგენლები, ბაღდათის მუნიციპალიტეტში წყლის რესურსებთან დაკავშირებით მოკვლევით სამუშაოებს პერიოდულად აწარმოებენ და ადგილზე ეცნობიან არსებულ ვითარებას. როგორც გერმანული საინჟინრო კომპანიის და გაერთიანებული წყალმომარაგების კომპანიის წარმომადგენლები აცხადებენ, საპროექტო კვლევების საფუძველზე  სატენდერო პირობებსა და დოკუმენტაციაზე მუშაობა წლის ბოლოს დასრულდება.
სამტრედია-ლანჩხუთი-გრიგოლეთის გზა 17:00 საათამდე ჩაიკეტება
საზოგადოება
გადასვლები: 722

დღეს10:00 საათიდან 17:00 საათამდე, საერთაშორისო მნიშვნელობის სამტრედია-ლანჩხუთი-გრიგოლეთის საავტომობილო გზის მე-9 კმ-ზე, სადგურ საჯავახოში მდებარე დაცულ სარკინიგზო გადასასვლელზე,  სს „საქართველოს რკინიგზის” მიერ დაგეგმილია სავალი ფენილის კაპიტალური შეკეთების სამუშაოები. 

აღნიშნული სამუშაოების ფარგლებში, სარკინიგზო გადასასვლელის საავტომობილო გზის მისასვლელებთან ორივე მხარეს განხორციელდება დაზიანებული ასფალტ-ბეტონის საფარის აღდგენა
 
სამუშაოების წარმოების პერიოდში, გზის სავალი ნაწილი დროებითი ჩაიკეტება და ავტოტრანსპორტის მოძრაობა გადაერთვება დროებით შემოსავლელ გზაზე.
 
ინფორმაციას საავტომობილო გზების დეპარტამენტი ავრცელებს
შსს-მ იმერეთსა და საქართველოს სხვა მუნიციპალიტეტებში ნარკორეალიზატორები დააკავა
საზოგადოება
გადასვლები: 665

 შინაგან საქმეთა სამინისტროს თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, თბილისში, ქვემო ქართლში, შიდა ქართლში, აჭარაში, იმერეთსა და სამეგრელოში 14 ნარკორეალიზატორი დააკავეს.

 
ნარკოტიკული საშუალებების უკანონო შეძენა-შენახვა-გასაღებისა და გასაღების მცდელობის ბრალდებით დაკავებულები არიან: 1967 წელს დაბადებული თ.ლ., 1972 წელს დაბადებული ა.მ., 1986 წელს დაბადებული მ.ჩ., 1977 წელს დაბადებული ი.ბ., 1975 წელს დაბადებული ზ.ლ., 1982 წელს დაბადებული დ.ჯ., 1995 წელს დაბადებული ა.კ., 1990 წელს დაბადებული გ.ა., 1980 წელს დაბადებული კ.ბ. (მეტსახელად „კოკინიჩი“), 1984 წელს დაბადებული გ.ს. (მეტსახელად „ლისოვიჩი“), 1974 წელს დაბადებული, წარსულში ნასამართლევი ბ.ფ. და უცხო ქვეყნის მოქალაქე - 1980 წელს დაბადებული ა.ჩ., 1982 წელს დაბადებული ს.გ. და 1981 წელს დაბადებული თ.მ.
 
დანაშაულები 20 წლამდე ან უვადო თავისუფლების აღკვეთას ითვალისწინებს.
 
სამართალდამცველების მიერ, მოსამართლის განჩინების საფუძველზე ჩატარებული ფარული საგამოძიებო მოქმედებების შედეგად დადგინდა, რომ ბრალდებულები ნარკოტიკულ საშუალებებს სისტემატურად ყიდდნენ.
პოლიციამ ნარკოტიკების უკანონო გასაღებისთვის დაკავებული პირებისგან, მოსამართლის განჩინების საფუძველზე, რამდენჯერმე განახორციელა სხვადასხვა სახის ნარკოტიკული საშუალებების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.
 
სამართალდამცველებმა, დაკავებულების მიერ უკანონოდ გაყიდული დიდი და განსაკუთრებით დიდი ოდენობით ნარკოტიკული საშუალებები - „ჰეროინი“, „ჰეროინის“ შემცველი ფხვნილი, „ალფა პვპ“ და „ბუპრენორფინი“ ნივთმტკიცებად ამოიღეს.
 
ბრალდებულების პირადი და საცხოვრებელი ბინების ჩხრეკისას ასევე ამოღებულია სხვადასხვა სახის ნარკოტიკული საშუალებები და სავარაუდოდ, ნარკოტიკების რეალიზაციის შედეგად მიღებული ფული.
 
გამოძიება საქართველოს სისხლის სამართლის კოდექსის 19-260-ე მუხლით, 260-ე მუხლის მე-3, მე-4, მე-5 და მე-6 ნაწილებით მიმდინარეობს, რაც დიდი და განსაკუთრებით დიდი ოდენობით ნარკოტიკული საშუალების უკანონო შეძენა-შენახვას, გასაღებას და გასაღების მცდელობას გულისხმობს.
 
შინაგან საქმეთა სამინისტრო განაგრძობს უკომპრომისო ბრძოლას ნარკოდანაშაულის წინააღმდეგ. მხოლოდ მიმდინარე წელს, სამართალდამცველებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, 88 ნარკორეალიზატორი დააკავეს და ნივთმტკიცებად ამოიღეს განსაკუთრებით დიდი ოდენობით სხვადასხვა სახის ნარკოტიკული საშუალებები.
ბაღდათის მუნიციპალიტეტში შშმ პირთა უფლებების დაცვის დღე აღნიშნეს
საზოგადოება
გადასვლები: 1004

ბაღდათის მუნიციპალიტეტში შშმ პირთა უფლებების დაცვის  დღე  სპორტული და შემეცნებითი ღონისძიებებით აღინიშნა.

მუნიციპალიტეტში მცხოვრებმა შშმ პირებმა სპორტულ ტურნირში მიიღეს მონაწილეობა. შეჯიბრი შაშში, ნარდსა და ბოჩაში ბაღდათის სპორტ -სკოლაში გაიმართა, გამარჯვებულ მონაწილეებს სიგელები და საჩუქრები ბაღდათის მუნიციპალიტეტის  მერის პირველმა მოადგილე მერაბ ზირაქაძემ, საკრებულოს თავმჯდომარის მოადგილეებმა, დეპუტატებმა და მერიის კულტურის სამსახურის და სპორტსკოლის წარმომადგენლებმა გადასცეს.
 
დღესვე შშმ პირებს მოსწავლე ახალგაზრდობის სახლის აღსაზრდელებმა უმასპინძლეს და მათთვის კონცერტი გამართეს.
ღონისძიებასთან ერთად მოსწავლე ახალგაზრდობის სახლის ფოიეში ბაღდათის მუნიციპალიტეტში მცხოვრები შშმ პირის, გიორგი მშვილდაძის ნახატების გამოფენა მოეწყო.
ბაღდათის მუნიციპალიტეტში შშმ პირთა უფლებების დაცვის დღე  ბაღდათის მერიის კულტურის და სოციალური სამსახურების მხარდაჭერით , ასევე შშმ პირთა საბჭოს  ორგანიზებით აღინიშნა.
წელს ქუთაისში ორი მორიგე ბაღი იმუშავებს
საზოგადოება
გადასვლები: 706

 4 ივლისიდან 29 ივლისის ჩათვლით ქუთაისში  ორი საზაფხულო (მორიგე) ბაღი იმუშავებს -N5 , რომელიც  ავტოქარხანაში ზ.ჭავჭავაძის #2 -ში მდებარეობს და N18 ბაღი,რომლის მისამართია  ნიკეას #34.

საბუთების მიღება 13 ივნისიდან    23 ივნისის ჩათვლით მოხდება.
 
,,პანდემიამ ჩვენ ფაქტობრივად გაგვაჩერა და მიხარია , რომ გავაქტიურდით და აქედან გამომდინარე დადებითად შევაფასებდი წელს.
მორიგე ბაღებს რაც შეეხება , ბავშვების საბუთები  ბაღებში უკვე დევს  და დამატებით მხოლოდ მშობლის სამსახურის ცნობა დაგვჭირდება“ - განუცხადა სააგენტო "აქტორს"დავით წიტაიშვილმა , ააიპ ქალაქ ქუთაისის ბაგა- ბაღების გაერთიანების მმართველმა.
 
სოფო ოდიკაძე
  1. მეხანძრე-მაშველებმა 2015 წლის 13 ივნისს დაღუპული კოლეგის ხსოვნას პატივი მიაგეს
  2. 13 ივნისის ტრაგედიიდან 7 წელი გავიდა
  3. ომის დაწყებიდან დღემდე უკრაინაში 287 ბავშვი დაიღუპა
  4. ქუთაისში ლიფტები გაქურდეს-რას წერენ მოქალაქეები?
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search