ქუთაისის სპორტის მუზეუმის დამაარსებელი კორონავირუსით გარდაიცვალა.ზურაბ ჯავახაძე ამ დრომდე მუზეუმის დირექტორის მოადგილედ მუშაობდა.იყო ქუთაისის საპატიო მოქალაქე .ის ქუთაისის ინფექციურ კლინიკაში 10 დღე მკურნალობდა. თანმდევი დაავადებების გამო (შაქრიანი დიაბეტი, გულის და თირკმლის უკმარისობა) ექიმებმა მისი გადარჩენა ვერ შეძლეს.ზურაბ ჯავახაძე 40-ამდე წიგნის ავტორია.სპორტის მუზეუმში დაცული 10 ათასი ექსპონატიდან უმეტესობა მისი თაოსნობით არის შეგროვებული.ზურაბ ჯავახაძე 84 წლის იყო.
ამ დროისთვის ქუთაისის ინფექციურ კლინიკაში 83 კოვიდინფიცირებული მკურნალობს,მათგან მძიმეა 4 პაციენტის მდგომარეობა.
იმერეთის მასშტაბით სწრაფი ტესტირების ჩატარება 65 სამედიცინო ცენტრში იქნება შესაძლებელი.
,,პირველადი ჯანდაცვის წარმომადგენლებთან ორი დღის განმავლობაში მიმდინარე შეხვედრებზე ყველა ის საკითხი განვიხილეთ, რაც სწრაფ ტესტირებას უკავშირდება. ასევე, ვისაუბრეთ იმ საკითხებზე, რომელიც ერთობლივ ეფექტურ მუშაობას უკავშირდება, რათა ტესტირება ჩვენი მოქალაქეებისთვის იყოს ხელმისაწვდომი როგორც დროის თვალსაზრისით, ასე ტერიტორიულად" - ზვიად შალამბერიძე,სახელმწიფო რწმუნებული იმერეთში.
მთავრობის მიერ კოვიდ-19-ის მართვის პროცესში დადგენილი შეზღუდვების 2-თვიანი გეგმის ფარგლებში, ქვეყანის მასშტაბით ინტენსიური ტესტირების პროგრამა მოქმედებს, რომლის ფარგლებში სახელმწიფო, დღეში, დაახლოებით 20 000 ტესტს გააკეთებს, რასაც დაემატება კერძო ლაბორატორიების მაჩვენებლები. ამავდროულად, განსაკუთრებით გაფართოვდება ანტიგენზე დამყარებული ტესტების გამოყენება, რომლის პასუხის მიღება, დაახლოებით, 20 წუთის განმავლობაში იქნება შესაძლებელი.