ქუთაისში , Mural Fest"-ის ფარგლებში, ქალაქის სამ შენობაზე კედლების მოხატვა დაიწყო.
ქუჩის ხელოვნების საერთაშორისო ფესტივალი „თბილისის მურალ ფესტივალი“ 2019 წელს დაარსდა და მიზნად ქალაქის საგამოფენო სივრცედ ქცევა და პოსტსაბჭოთა არქიტექტურაზე თანამედროვე ხელოვნების კვალის დატოვება დაისახა.
2020 წლიდან მურალი ქუთაისშიც იქმნება. წელს კი, "Kutaisi Mural Fest"-ის ეგიდით და ქუთაისის მერიის მხარდაჭერით, ქალაქში, 3 ლოკაციაზე 6 კედელი მოიხატება.
კედლის მონუმენტური ნახატების შექმნაზე ქართველი და მოწვეული უცხოელი მხატვრები მუშაობენ.
ბაღდათის მუნიციპალიტეტში წყალმომარაგების და წყალარინების სისტემის რეაბილიტაციის პროექტზე მუშაობა აქტიურად გრძელდება.
საქართველოს გაერთიანებული წყალმომარაგების კომპანიის პარტნიორი გერმანული კომპანია "FICHTNER"-ის და ქართული კომპანია „PMCG”-ს წარმომადგენლებმა, ბაღდათის მუნიციპალიტეტში წყალმომარაგების და წყალარინების სისტემის სრული რეაბილიტაციის პროექტის და თანხმლები აქტივობების პრეზენტაცია გამართეს.
აღნიშნული კომპანიები, ბაღდათის მუნიციპალიტეტში გაერთიანებული წყალმომარაგების კომპანიის დაკვეთით, წყალმომარაგების და წყალარინების სისტემის სრული რეაბილიტაციის, საპროექტო კვლევას და მოსამზადებელ სამუშაოებს აწარმოებს.
"კომუნალური ინფრასტრუქტურა გარემოსა და ტურიზმის განვითარებისთვის“ ასე ქვია პროექტს, რომელიც იმერეთის სამ მუნიციპალიტეტში, გერმანიის განვითარების ბანკის (KFW) ფინანსური მხარდაჭერით ხორციელდება.
აღნიშნული პროექტი ქალაქ ბაღდათის წყლის სისტემის და წყალარინების სრულ უზრუნველყოფას და საზოგადოებრივი ცნობიერების ამაღლების აქტივობებს მოიცავს.
გერმანული კომპანია “FICHTNER"-ის წარმომადგენლები, ბაღდათის მუნიციპალიტეტში წყლის რესურსებთან დაკავშირებით მოკვლევით სამუშაოებს პერიოდულად აწარმოებენ და ადგილზე ეცნობიან არსებულ ვითარებას.
ასევე გაცნობებთ, რომ წყალმომარაგებისა და წყალარინების ქსელების სარეაბილიტაციო სამუშაოების შესყიდვის წინასაკვალიფიკაციო ეტაპზე წინადადებების მიღება დასრულდა და მიმდინარეობს წარმოდენილ აპლიკაციების შეფასება მოკლე სიის პრტენდენტების გამოვლენის მიზნით.
როგორც გერმანული საინჟინრო კომპანიის წარმომადგენლები აცხადებენ, საპროექტო კვლევების საფუძველზე სატენდერო პირობებსა და დოკუმენტაციაზე მუშაობა სრულდება და ნოემბრის თვეში სარეაბილიტაციო სამუშაოების განხორციელება დაიწყება.
ბაღდათის მუნიციპალიტეტის წყალმომარაგების და წყალარინების პროექტის პრეზენტაციას ბაღდათის მუნიციპალიტეტის მერი კახა ენუქიძე, საკრებულოს თვმჯდომარე ნოდარ გიორგიძე და ინფრასტრუქტურის სამსახურის წარმომადგენლები დაესწრნენ.
