,,უსმართლო სასამართლომ გამამტყუნებელი ე.წ განაჩენი გამოიტანა,,-ასე შეაფასა სამოქალაქო აქტივისტმა გიორგი გველესიანმა სასამართლოს გადაწყვეტილება.დღეს ქუთაისელი სამოქალაქო აქტივისტი 2 000 ლარით დააჯარიმეს.გიორგი გველესიანი ბათუმში იმ დროს დააკავეს,როცა ის რუსული ლაინერის და ტურისტების ზღვისპირა ქალაქში შესვლას აპროტესტებდა.
,,მოსამართლე ალექსანდრე გოგუაძე დაეყრდნო ცრუ ე.წ მოწმე პოლიციელების ჩვენებას.
ერთ ერთი ე.წ მოწმე პოლიციელი, მარად მელქაძე ,რომელიც თვალითაც არ მინახავს, იძახის ,გიყურებდი რომ გვაგინებდიო, ასევე რუსი თან ტურისტების მიმართულებითაც იგინებოდიო. ბოლოს ,როდესაც დაამთავრა დაზეპირებული ცრუ ტექსტის მოთხრობა, შევეკითხე რა ფერის მაისური მეცვათქო, ლურჯიო, არადა თეთრი მაისური მეცვა , რომელიც გდდს თანამშრობლემა შემომახიეს ფაქტიურად. შსს იურისტმა ე.წ მოწმის ეპიზოდს მაისურთან დაკავშირებით, კოპებშეყრილმა სერიოზული სახით განმარტა, რომ ამერიკის დროშა რომ ჰქონდათ მოხვეული, ლურჯი ფერია დომინანტურიო .ესეც სიცრუეა. ამერიკის დროშა კი მქონდა მოხვეული, მაგრამ ლურჯი ფერი დომინანტი არ არის.
პ.ს ბრძოლას ვაგრძელებთ. არავის ქონდეს განცდა ,რომ ამ სიყალბეს და ფარსს შევეგუებით. პოლიციამ ჩემს მიმართ დაარღვია კანონი, რომელიც გამოიხატებოდა სიტყვიერ და ფიზიკურ შეურაცყოფაში პუტინის და რუსი პროპაგანდისტების გამო!
სისტემა არის მოძალადე ,რომელიც ყველაფერს აკეთებს საღი აზრის ჩასახშობად, თუმცა სანამ ამ ქვეყანაზე ვარ , არასდროს დავიხევ უკან უსამართლობასთან წინააღმდეგობასთან დაკავშირებით! სოლიდარობა ჩემს თანამოაზრეებს.
იცნობდეთ ცირკი შაპიტოს შემსრულებელს- ალექსანდრე გოგუაძეს. ის სამშობლოს სიყვარულისთვის და ღირსებისთვის მებრძოლ ხალხს სჯის უმიზეზოდ პუტინის და რუსების მაამებლად!,,-გიორგი გველესიანი.
ფლანგვის დეტექტორის ინფორმაციით,მესტია, ონი და ამბროლაური საქართველოს ყველაზე ღარიბი მუნიციპალიტეტებია, მათი წარმომადგენელი დეპუტატი გოჩა ენუქიძე კი მილიონერებით გაჯერებულ პარლამენტში ერთ-ერთი უმდიდრესი დეპუტატი.
2 008-12 წლებში ენუქიძე ამბროლაურის მაჟორიტარი “ერთიანი ნაციონალური მოძრაობიდან“ გახდა, ხოლო 2016-20 წლებში ის ამბროლაურის, ონის, ცაგერის, ლენტეხისა და მესტიის მაჟორიტარობის კანდიდატად ქართულმა ოცნებამ წარადგინა.
2023 წლის მონაცემებით, მესტიის მოსახლეობის 35,7%, ონის მოსახლეობის 31%, ხოლო ამბროლაურის მოსახლეობის 30.5% სახელმწიფო შემწეობის მიმღები იყო.
გოჩა ენუქიძის სახელი 28 კომპანიას უკავშირდება, მათ შორი შპს იბერკომპანის, რომელსაც უტენდეროდ, გამარტივებული შესყიდვით ₾4 მილიონზე მეტი აქვს ბიუჯეტიდან მიღებული.
დეპუტატი წილს ფლობს შპს არქი თაუერშიც, რომლის ყოფილი მეწილე (22.5%) ამჟამად შოვში “სანსეტ შოვის” მფლობელი კომპანიის დირექტორი ირაკლი ქაფიანიძეა.
2023 წლის დეკლარაციის მიხედვით გოჩა ენუქიძისა და მისი მეუღლის საკუთრებაში 13 უძრავი ქონება და 161,200 ევროს ღირებულების ასტონ მარტინის მარკის ავტომობილია.
აგრეთვე, მას ჰყავს ორი სრულწლოვანი შვილი, რომელთა ქონება დეკლარაციაში შესული არ არის, თუმცა TI საქართველოს 2020 წლის მონაცემებით შვილი, თინა ენუქიძე 10 კომპანიაში ფლობდა წილებს ან დირექტორის თანამდებობას იკავებდა.
2021 წლის განმავლობაში გოჩა ენუქიძის მიკროფონი პარლამენტში მხოლოდ 2-ჯერ ჩაირთო, 2016-19 წლებში კი მან პარლამენტში ხმა მხოლოდ 7-ჯერ ამოიღო.
გოჩა ენუქიძემ ე.წ. რუსულ კანონს პირველი მოსმენით განხილვის ეტაპზე მხარი დაუჭირა და მონაწილეობა არ მიუღია 2020 წლის საპარლამენტო არჩევნების პროპორციული წესით ჩატარების კენჭისყრაში.
