სისხლიანი გარჩევა იმერეთში , კერძოდ სამტრედიაში მოხდა.

გავრცელებული ინფორმაციით, რამდენიმე ადამიანის კონფლიქტის დროს, ცეცხლსასროლი იარაღი გაისროლეს, რის შედეგადაც არიან დაჭრილები.   მომხდარის დეტალებზე ოფიციალურ კომენტარს ამ ეტაპზე არ აკეთებენ შინაგან საქმეთა სამინისტროში. როგორც  უწყებაში განაცხადეს, გამოძიება სსსკ-ის 19-129-ე მუხლით დაიწყო, რაც განზრახ მკვლელობის მცდელობას გულისხმობს.

მეორე დღეა რიონის ხეობაში რკინის ბარიკადები აღარ დგას, თუმცა მოძრაობა ,,რიონის ხეობის გადარჩენისთვის,,წარმომადგენლებს პროტესტის ძირიტად ადგილას, სოფელ ნამოხვანში დაბრუნების უფლება არ ეძლევათ. ფაქტს აქციების ერთ-ერთი ორგანიზატორი მაკა სულაძე ეხმაურება.მისი თქმით ,შეთანხმების ამ ფორმით შესრულება ფასადურია და მოლაპარაკების შემდგომ ეტაპებსაც ეჭვის ქვეშ აყენებს. სულაძის განმარტებით, ამ დროისათვის ხეობაში კვლავ საჭიროზე მეტი პოლიციელია მობილიზებული .

დღეს 17 საათზე მხარეებს შორის ევროკავშირის მედიატორობით მოლაპარაკების მორიგი რაუნდი გაიმართება.

ზესტაფონში ავტოსაგზაო შემთხვევა მსხვერპლით დასრულდა

სახალხო დამცველმა ნინო ლომჯარიამ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტზე, წლიური ანგარიში  წარადგინა ,სადაც ნამახვანჰესის შესახებაც ისაუბრა.

„რა თქმა უნდა, განსაკუთრებული ყურადღება გვაქვს გამახვილებული ნამახვანის ჰესების კასკადის პროექტის გარშემო განვითარებულ მოვლენებზე და ამ თვალსაზრისით, ჩვენ წარმოვაჩენთ საზოგადოების წუხილებს ეკოლოგიური, სოციალური და ეკონომიკური მდგომარეობის გაუარესების მოლოდინის თაობაზე, აღნიშნული პროექტის გარშემო. ასევე, ჩვენ მიგვაჩნია, რომ პრობლემურია და კითხვებს ბადებს განსახორციელებელი პროექტის ეკონომიკურ- ენერგეტიკული სარგებლიანობა და გარემოზე ზემოქმედების შეფასების ანგარიშის საჯარო განხილვა, რაც პრობლემებით წარიმართა და რამაც გააჩინა გარკვეული უნდობლობა ამ პროექტის მიმართ,“ - განაცხადა ლომჯარიამ.

გუმათჰესთან ,,რიონის ხეობის მცველებს,, იმერეთის გუბერნატორი ხვდება.ზვიად შალამბერიძე ტერიტორიაზე ცოტა ხნის წინ მივიდა.მისი თქმით,  ხელისუფლებამ შეთანხმების შესრულება დაიწყო, ახლა ჯერი აქციის მონაწილეებზეა.

პოლიციამ ბარიკადები უკვე აიღო.

ბარიკადების აღება ის ერთ-ერთი პირობაა, რომელიც მთავრობამ  მცველებს,  12 ივნისს ევროკავშირის მედიაციით გამართულ  შეხვედრაზე მისცა.

შინაგან საქმეთა სამინისტროს პოლიციელები ხეობიდან არ გაყავს.

როგორც პროტესტის ერთ-ერთი ლიდერი  ვარლამ გოლეთიანი აღნიშნავს, ბლოკპოსტი აღებულია, თუმცა უნდა შესრულდეს შეთანხმების სხვა პუნქტები და ტერიტორია უნდა დატოვოს სამართალდამცველების დიდმა ნაწილმა, ასევე უნდა გათავისუფლდნენ დაკავებული აქტივისტები.

შინაგან საქმეთა სამინისტრო წყალტუბოს მუნიციპალიტეტის სოფელ გუმათთან, უსაფრთხოების მიზნით განთავსებული რკინის ჯებირების დემონტაჟს იწყებს.