გუმათჰესთან პროტესტი გრძელდება.ადგილზე სამართალდამცველთა დიდი რაოდენობაა მობილიზებული.გზა რიონის ხეობისკენ ისევ გადაკეტილია.გზა დაკეტილი აქვთ ნაახვანჰესის მოწინააღმდეგეებსაც.
ადგილზე პოლიციელებსა და ჰესის მოწინააღმდეგეთა შორის ვითარება რამდენჯერმე დაიძაბა.
"არის ადგილი, სადაც შეგვიძლია გადავიტანოთ კარვები ნამოხვანში,მაგრამ ამის უფლებასაც არ გვაძევლევენ.საფუძველი არის,რომ აგვყარონ ნამოხვანიდან.ახსნა განმატებებსაც არ გვიკეთებენ. ჩვენ აღარ ვიშლებით, ვრჩებით აქ გუმათჰესთან.ბრძოლის ხაზი გადის აქ.ვრჩებით აქ და გელოდებით ყველას."-განაცხადა ვარლამ გოლეთიანმა,"რიონის ხეობის მცველმა"
აქციის მონაწილეები თვლიან,რომ მათ გამოხატვის თავისუფლება ეზღუდებათ.
სამხარეო პოლიციის უფროსის განცხადებით, ნამოხვანში კარვები აღებულია,დასაწყობებულია და მოხდება აქტივისტებისთვის მისი გადაცემა.კარვების გაშლის ალეტრანტიულ ადგილად კი სულხან თამაზაშვილმა აქტივისტებს გუმათი შესთავაზა.
"გუმათში კარვები ისედაც არის.მაგ ლოგიკით შეგვიძლია კარავი დავდგათ მაგალითად ქუთაისში.ჩვენი პროტესტის ძირთადი ადგილი არის ნამოხვანი ,ამიტომ კარვები იქ უნდა განთავსდეს"-ასეთია აქტივისტების პასუხი.
პროტესტი რიონის ხეობაში 168 დღეა გრძელდება.
გუმათჰესთან შეკრებილმა აქტივისტებმა პოლიციას მიმართეს.
"თუ ჩვენს უსაფრთხოებაზე ზრუნავთ, მოგვეცით უფლება ორგანიზატორებს, გადავიდეთ ნამოხვანში და მივიღოთ მონაწილეობა ბანაკის გადატანაში ,რომ არ დაზიანდეს ჩვენი ნივთები.მიგვიშვით მაქსიმუმ 10 კაცი.პროტესტი ვერ გაჩერდება, ვერ ჩაახშობთ აქ პროტესტს.ნუ ძაბავთ სიტუაციას.ნამოხვანის კარვების აღებით პროტესტი გაჩერდება?პირიქით, აღიზიანებთ ხალხს.გამოჩნდა ვინ ყოფილა კონსტრუქციული"-განუცხადა პოლიციელებს ნამახვანჰესის მშენებლობის ერთ ერთმა მონაწილემ.
გუმათჰესთან შეკრებილები ახლა იმერეთის სამხარეო პოლიციის უფროსის პასუხს ელოდებიან.
