ილია სულამანიძე ევროპის ჩემპიონია.
მამაკაცთა შორის 100 კგ წონით კატეგორიაში ქართველმა შეჯიბრების ფინალში აზერბაიჯანელი ზელიმ კოცოიევი იუკოთი დაამარცხა და ოქროს მედალს დაეუფლა.
კოცოიევი ის სპორტსმენია, რომელთანაც ილია 2024 წლის პარიზის ოლიმპიადის ფინალში დამარცხდა.
2023 და 2024 წლებში სულამანიძე კონტინენტის პირველობაზე ორჯერ იყო ბრინჯაოს პრიზიორი.
აღნიშნული მედალი საქართველოს ნაკრებისთვის მონტენეგროში მიმდინარე ევროპის ჩემპიონატზე მეოთხეა. 60 კგ წონით კატეგორიაში ოქროს მედალი 21 წლის გიორგი სარდალაშვილმა მოიპოვა, 57 კგ-ში ვერცხლის პრიზიორი ეთერ ლიპარტელიანი გახდა, ხოლო 81 კგ-ში ასევე ვერცხლის მედალს დაეუფლა ტატო გრიგალაშვილი.
