კვირას, 27 აპრილს, 15:00 საათზე, „აია არენაზე“ რაგბში დიდი-10-ის შესარჩევი ფინალი გაიმართება.  მოქმედი ჩემპიონი და წლევანდელი რეგულარული ჩემპიონატის გამარჯვებული ბათუმის „ბათუმს“ უმასპინძლებს. ,,ბათუმი,, სატურნირო ცხრილში  მე-2 ადგილზეა. 

რეგულარული ჩემპიონატის 1-2 ადგილოსნები  შესარჩევ ფინალს ერთმანეთში თამაშობენ.  გამარჯვებული გადადის დიდ ფინალში. შესარჩევ ფინალში წაგებულ გუნდს ექნება მეორე შანსი, რომ იბრძოლოს ჩემპიონობისთვის. მან უნდა დაამარცხოს მე-3-6 ადგილოსნებს შორის საუკეთესო გუნდი. 

შესარჩევ ფინალში გამარჯვების შემთხვევაში ქუთაისის „აია“ დიდი ფინალის-საქართველოს ჩემპიონატის ფინალის საგზურს მოიპოვებს, რომელსაც ქუთაისი 11 მაისს, 16:00 საათზე უმასპინძლებს. 

ქუთაისში ,,დიდი ფინალი ,, ბოლოს 4 წლის წინ, 2021 წელს ჩატარდა.