ქუთაისელი სანდრო ბაზაძე ისტორიაში პირველი ქართველი მოფარიკავე გახდა, რომელმაც მსოფლიო თასი მოიგო.
თბილისში გამართული შეჯიბრების ფინალში სანდრომ რუსი მოფარიკავე იბრაგიმოვი 15:8 დაამარცხა და პირველად გახდა მსოფლიო თასის გამარჯვებული.
აქამდე, მსოფლიო თასის ეგიდით სანდრო ბაზაძეს ბრინჯაოს და ვერცხლის მედლები ჰქონდა მოგებული.
თბილისში გამართულ მსოფლიო თასზე სანდრომ ფინალამდე სამხრეთ კორეელი ჯუნჰო კიმი 15:7 დაამარცხა. მეოთხედფინალში კი იტალიელ ჯოვანი რეპეტის 15:10 მოუგო. ნახევარფინალში, ქართველმა მოფარიკავემ ფრანგი ბოლად აპიტი დაამარცხა. გადამწყვეტ ორთაბრძოლაში კი, როგორც აღვნიშნეთ, რუსი მოფარიკავე დაამარცხა.
