24–28 ნოემბერს ქუთაისის სპორტის სასახლემ მეათედ უმასპინძლა მსოფლიო სახელოვანი მოკრივის აკაკი კაკაურიძის სახელობის საერთაშორისო ტურნირს 2004-2005 წლებში დაბადებულ მოკრივეებს შორის.
ტურნირი ადგილობრივი თვითმართველობის, საქათველოს კრივის ფედერაციისა და იმერეთის კრივის ფედერაციის ორგანიზებით გაიმართა.
შეჯიბრში მონაწილეობდნენ საქართველოს, თურქეთისა და სომხეთის გუნდები. კორონავირუსის გამო ქუთაისში ვერ ჩამოვიდნენ ესტონეთისა და აზერბაიჯანის ნაკრებები.
შეჯიბრებაში სულ 100–მდე მოკრივემ მიიღო მონაწილეობა.
ტურნირის გამარჯვებულები გახდნენ:
ტუმას ტოვმასიანი (51კგ.სომხეთი), გორ აზიზიანი (54კგ.სომხეთი), მანველ პეტროსიანი (57კგ.სომხეთი), გოჩა გორდულავა (60კგ.ზუგდიდი), დემურ ქაჯაია (63,5კგ.ხობი), გივი თოდუა (67კგ.ზუგდიდი), მეხმან ნამაზოვი (71კგ.რუსთავი), გია მითაგვარია (80კგ. თელავი), გიორგი დეკანოზიშვილი (86კგ. თბილისი), არტურ ჰარუთინიანი (90+2კგ)
აღსანიშნავია, რომ 57 კგ. წონითი კატეგორიის ფავორიტი ქუთაისელი საბა ერემეიშვილი ტრავმის გამო ფინალზე ვერ გამოცხადდა და მოგება მის მეტოქეს უბრძოლველად ჩაეთვალა. ხოლო 75კგ. წონით კატეგორიაში საბა კვინიკაძემ ვირუსის გამო ვერ იასპარეზა.
იმერეთის კრივის ფედერციის პრეზიდენტის ირაკლი გვენეტაძის განცხადებით, მომავალ წელს აკაკი კაკაურიძის სახელობის საერთაშორისო ტურნირი ივნისში გაიმართება და ის კიდევ უფრო მასშტაბური იქნება.
