ქუთაისის ა(ა)იპ სპორტულ დაწესებულებათა გაერთიანების ორგანიზებით, ძიუდოში კადეტებს შორის ღია პირველობა გაიმართა.
ტურნირი ოლიმპიური ჩემპიონის, დავით ხახალეიშვილის ხსოვნასა და 50 წლის იუბილეს მიეძღვნა.
სპორტის სასახლეში ერთმანეთს 40-მდე სპორტსმენი სხვადასხვა წონით კატეგორიაში დაუპირისპირდა. გამოვლინდნენ საპრიზო ადგილზე გასული მონაწილეები, მათ შესაბამისი მედლები და თასები ქუთაისის მერმა იოსებ ხახალეიშვილმა და ა(ა)იპ სპორტულ დაწესებულებათა გაერთიანების მმართველმა კობა ფხაკაძემ გადასცეს.
პირველ ადგილზე გასული სპორტსმენები საქართველოს პირველობაზე იასპარეზებენ, რომელიც მარტში გაიმართება.
სპორტის სასახლეში ასევე მოეწყო დავით ხახალეიშვილის სპორტული ცხოვრების ამსახველი ფოტოგამოფენა.
