ქუთაისის მერის მოადგილე ირაკლი ქარქაშაძე, მერიის სამსახურების ხელმძღვანელებთან ერთად, საქართველოს სახალხო დამცველის აპარატის წარმომადგენლებს შეხვდა.
საქართველოს სახალხო დამცველის აპარატი, შეზღუდული შესაძლებლობის მქონე პირთა უფლებების შესახებ გაეროს კონვენციის განხორციელებაზე ზედამხედველობისა და აღნიშნული კონვენციის პოპულარიზაციის მიზნით, პერიოდულად ახორციელებს მსგავს საინფორმაციო შეხვედრებს.
საინფორმაციო შეხვედრის თემა შშმ პირთა შესახებ საქართველოს კანონის იმპლემენტაციისა და გაეროს შშმ პირთა უფლებების შესახებ კონვენციის განხორციელების დროს, ადგილობრივ დონეზე გამოვლენილი გამოწვევები და მათი მოგვარების გზები იყო.
