კლინიკა,,ბომონდში,, პაციენტი გარდაიცვალა.84 წლის მამაკაცი კლინიკაში 10 დღის განმავლობაში მკურნალობდა. მას ორმხრივი მწვავე პნევმონია აღენიშნებოდა და ფილტვის ქსოვილის 80 პროცენტი დაზიანებული ჰქონდა. მედიკოსების მცდელობის მიუხედავად, პაციენტის გადარჩენა ვერ მოხერხდა.
ბოლო 24 საათში კლინიკაში 30 ადამიანი გამოჯანმრთელდა. გამოჯანმრთელებულებს შორის არიან ორსულები, ხანდაზმულები და ბავშვები. კოვიდცენტრს დღეს 11 ორსული დატოვებს, რომლებმაც კორონავირუსი დაამარცხეს. პაციენტები დასავლეთ საქართველოს სხვადასხვა მუნიციპალიტეტის მკვიდრები არიან. კლინიკაში შემოსვლის მომენტში ორსულებს ორმხრივი პნევმონია, ფილტვის 50 პროცენტზე მეტი დაზიანება, სუნთქვის უკმარისობა, მაღალი ტემპერატურა და ხველა აღენიშნებოდათ.
გასული 24 საათის განმავლობაში იმერეთში ვირუსის 673 ახალი შემთხვევა დაფიქსირდა.
