ერთი პაციენტი,რომელიც დილით გარდაიცვალა, თბილისის ინფექციურ საავადმყოფოში მკურნალობდა.
ექიმების თქმით, მას მძიმე თანმხლები დაავადებები ჰქონდა. ის დილის 8 საათზე გარდაიცვალა და სტაციონარში 18 აგვისტოს შემდეგ მკურნალობდა. ბოლო სამ დღეში საქართველოში 5 ადამიანი დაიღუპა, მათგან 2 ქუთაისში.
რაც შეეხება დღის მონაცემებს, დღეს კორონავირუსის 227 ახალი შემთხვევა დადასტურდა.
აჭარაში გამოვლინდა 165 შემთხვევა, თბილისში – 34, რუსთავში – 4, იმერეთში – 14 , აქედან ორი თერჯოლაში და 12 ქუთაისში, გურიაში – 4, აქედან ერთი ლანჩხუთში, 3 ოზურგეთში, დუშეთში – 1, ზუგდიდში – ორი.
ქვეყანაში კორონავირუსისგან კიდევ 69 ადამიანი გამოჯანმრთელდა. შესაბამისად, მათ რაოდენობა 1643 -ს შეადგენს.