47 წლის კოვიდდადებითი ქალბატონი ტყუპების დედა გახდა. ქალბატონი შვილს 10 წლის განმავლობაში ელოდა. ტყუპი ქალ-ვაჟი ქვეყანას „კლინიკა ბომონდში“, ფერიცვალების დღესასწაულზე, საკეისრო კვეთის გზით მოევლინა.
ინფორმაციას კლინიკა "ბომონდი"ავრცელებს.
აღსანიშნავია, რომ გასული 24 საათის განმავლობაში საავადმყოფოში 10 ახალშობილი დაიბადა. აქედან 7 ფიზიოლოგიურ, ხოლო 3 კოვიდსამეანო განყოფილებაში გაჩნდა.
დედებისა და ახალშობილების ჯანმრთელობის მდგომარეობა სტაბილურია.
კლინიკა "ბომონდი" ერთადერთია დასავლეთ საქართველოში,სადაც კოვიდინფიცირებულ ორსულებს იღებენ და მკურნალობენ.
