ბაღდათის მუნიციპალიტეტის ყველა საჯარო სკოლაში დღეს ახალი სასწავლო წელი დაიწყო.
მუნიციპალიტეტის 21-ვე საჯარო სკოლამ სასწავლო პროცესი უწყებათაშორისი საკოორდინაციო საბჭოს, განათლებისა და ჯანდაცვის სამინისტროების რეკომენდაციების სრული დაცვით განაახლა.
წელს ბაღდათის მუნიციპალიტეტის საჯარო სკოლებს 235 პირველკლასელი ჰყავს, რომლებმაც სახელმძღვანელოებთან ერთად საჩუქრად ნეთბუქები მიიღეს.
მუნიციპალიტეტის ყველა საჯარო სკოლის პირველკლასელს მუნიციპალიტეტის თვითმმართველობისგან სიმბოლური საჩუქრები დაურიგდა.
