დღეს, აკაკი წერეთლის სახელმწიფო უნივერსიტეტის აკადემიურმა საბჭომ უნივერსიტეტის რექტორად ასოცირებული პროფესორი შალვა კირთაძე აირჩია.ის უნივერსიტეტს მომდევნო 4 წელი უხელმძღვანელებს.
შალვა კირთაძე უნივერსიტეტში წლებია მუშაობს. 2010 წლიდან ამ დრომდე კი რექტორის მოადგილე იყო.
შალვა კირთაძემ ივანე ჯავახიშვილის სახელობის თბილისის სახელმწიფო უნივერსიტეტის კიბერნეტიკისა და გამოყენებითი მათემატიკის ფაკულტეტი დაამთავრა.2005 წელს კი ქუთაისის სამართლისა და ეკონომიკის უნივერსიტეტის ეკონომიკის ფაკულტეტი .არის მათემატიკის დოქტორი,მრავალი სამეცნიერო ნაშრომის ავტორი.
აკაკი წერეთლის სახელმწიფო უნივერსიტეტის რექტორის თანამდებობაზე ამ დრომდე როლანდ კოპალიანი მუშაობდა.
